جاپان کی کراچی میں غیر سرکاری تنظیم کو طبی آلات کی فراہمی
اشاعت کی تاریخ: 16th, January 2026 GMT
کراچی: (نیوزڈیسک) حکومتِ جاپان نے گرانٹ اسسٹنس فار گراس روٹس ہیومن سیکیورٹی پروجیکٹس (جی جی پی) کے تحت کراچی کی محمدی ہیماٹولوجی، آنکولوجی سروسز اینڈ ویلفیئر فاؤنڈیشن کو طبی آلات فراہم کر دیے ہیں۔
طبی آلات کی حوالگی کی تقریب جمعرات، 15 جنوری 2026 کو منعقد ہوئی، جس میں جاپان کے قونصل جنرل ہاتوری ماسارو، محمدی فاؤنڈیشن کے جنرل سیکریٹری سید مہدی حسن رضوی اور سندھ بلڈ ٹرانسفیوژن اتھارٹی کی سیکریٹری ڈاکٹر درِ ناز جمال نے شرکت کی۔
اس منصوبے کے تحت جاپان میں تیار کردہ جدید ترین چار ہیماٹولوجی اینالائزرز محمدی فاؤنڈیشن کو فراہم کیے گئے ہیں، جن کی بدولت فاؤنڈیشن روزانہ تقریباً 120 خون کے نمونوں کی جانچ کرنے کے قابل ہو جائے گی۔ اس سہولت سے خون سے متعلق بیماریوں میں مبتلا مریضوں کو بروقت تشخیص اور معیاری علاج کی فراہمی ممکن ہو سکے گی۔
تقریب سے خطاب کرتے ہوئے جاپانی قونصل جنرل ہاتوری ماسارو نے کہا کہ یہ منصوبہ خون سے متعلق بیماریوں میں مبتلا ان مریضوں کے لیے نہایت اہم ہے جنہیں عمر بھر علاج کی ضرورت ہوتی ہے، اور بروقت تشخیص و معیاری علاج انہیں باوقار اور پُرسکون زندگی گزارنے میں مدد دے گا۔ انہوں نے کہا کہ یہ منصوبہ جاپان اور پاکستان کے درمیان دیرینہ دوستی کی علامت ثابت ہوگا۔
محمدی فاؤنڈیشن کے جنرل سیکریٹری سید مہدی حسن رضوی نے جاپانی عوام اور حکومتِ جاپان کا شکریہ ادا کرتے ہوئے کہا کہ یہ معاونت پاکستان میں تھیلیسیمیا اور دیگر خون سے متعلق بیماریوں میں مبتلا مریضوں کو معیاری طبی سہولیات فراہم کرنے میں انتہائی مددگار ثابت ہوگی۔
حکومتِ جاپان نے اس عزم کا اظہار کیا کہ وہ پاکستانی عوام کی معاونت کے لیے مقامی غیر سرکاری تنظیموں کو بروقت مدد فراہم کرتی رہے گی تاکہ دوطرفہ تعلقات کو مزید فروغ دیا جا سکے۔
مزید معلومات کے لیے جاپانی قونصل خانہ کراچی کے اقتصادی سیکشن سے 02135220800 پر رابطہ کیا جا سکتا ہے۔
.
ذریعہ
ذریعہ: Daily Mumtaz
کلیدی لفظ: فاو نڈیشن
پڑھیں:
پنجاب حکومت کا بڑا ریلیف، گھر کی مرمت اور توسیع کے لیے 10 لاکھ روپے تک بلاسود قرض کا اعلان
لاہور: اپنی چھت محفوظ چھت پروگرام 2026 کے تحت پنجاب حکومت نے ایسے شہریوں کے لیے خوشخبری سنائی ہے جو اپنے گھروں کی مرمت، مضبوطی یا توسیع کرنا چاہتے ہیں۔ اس منصوبے کے ذریعے اہل درخواست گزاروں کو 5 لاکھ سے 10 لاکھ روپے تک بلاسود قرض فراہم کیا جائے گا تاکہ وہ بغیر سود کے اپنے گھر کی ضروری تعمیراتی ضروریات پوری کر سکیں۔
حکومت کا کہنا ہے کہ اس پروگرام کا مقصد کم اور متوسط آمدن رکھنے والے خاندانوں کو بہتر رہائشی سہولیات فراہم کرنا اور گھروں کی محفوظ تعمیر و مرمت میں مالی مدد دینا ہے۔
دو مختلف کیٹیگریز میں قرض فراہم کیا جائے گا
اس اسکیم کے تحت قرضوں کی فراہمی کو دو حصوں میں تقسیم کیا گیا ہے۔
پہلی کیٹیگری ان افراد کے لیے مختص ہے جو اپنے موجودہ گھر کی چھت کی مرمت، بنیادی ڈھانچے کی مضبوطی یا ضروری تعمیراتی کام کروانا چاہتے ہیں۔ ایسے درخواست گزار 5 لاکھ روپے تک بلاسود قرض حاصل کر سکیں گے، جس کی واپسی 9 سال کے دوران آسان ماہانہ اقساط میں ہوگی۔ اس کی متوقع ماہانہ قسط تقریباً 4 ہزار 700 روپے ہوگی۔
دوسری کیٹیگری ان شہریوں کے لیے رکھی گئی ہے جو اپنے گھر میں توسیع، جیسے دوسری منزل یا اضافی کمروں کی تعمیر، کرنا چاہتے ہیں۔ انہیں 10 لاکھ روپے تک بلاسود قرض دیا جائے گا، جسے بھی 9 سال میں واپس کرنا ہوگا۔ اس قرض کی متوقع ماہانہ قسط تقریباً 9 ہزار 300 روپے ہوگی۔
درخواست کیسے دیں؟
اپنی چھت محفوظ چھت پروگرام 2026 کے لیے درخواست دینے کے خواہشمند افراد پنجاب حکومت کے مخصوص آن لائن پورٹل کے ذریعے رجسٹریشن کر سکتے ہیں۔ درخواست جمع کراتے وقت شناختی اور دیگر ضروری دستاویزات فراہم کرنا لازمی ہوگا۔
وہ افراد جو انٹرنیٹ کے ذریعے درخواست نہیں دے سکتے، ان کے لیے متبادل سہولت بھی فراہم کی گئی ہے۔ ایسے شہری اپنی درخواست متعلقہ ڈپٹی کمشنر، اسسٹنٹ کمشنر یا پنجاب ہاؤسنگ اینڈ ٹاؤن پلاننگ ایجنسی کے دفاتر میں جمع کرا سکتے ہیں۔
حکومت نے شہریوں کو مشورہ دیا ہے کہ درخواست جمع کرانے سے پہلے اپنی تمام معلومات اور دستاویزات مکمل کر لیں تاکہ درخواست کی جانچ کے عمل میں کسی قسم کی دشواری پیش نہ آئے۔
بھارت سے جنگ اور افغانستان میں کارروائی خارج ازامکان نہیں، وزیردفاع