اسحاق ڈار کی زیر صدارت اجلاس: صدر انڈونیشیا کے دورہ پاکستان کے بعد شعبہ صحت میں تعاون کا جائزہ لیا گیا
اشاعت کی تاریخ: 17th, January 2026 GMT
اسلام آباد (خبرنگار خصوصی، نوائے وقت رپورٹ) نائب وزیرِ اعظم اور وزیرِ خارجہ سینیٹر محمد اسحاق ڈار نے جمعے کو یہاں انڈونیشیا کے صدرِ پرابووو سوبیانتو کے گزشتہ سال دسمبر میں پاکستان کے دورے کے بعد پیش رفت کا جائزہ لینے کے لئے بین الوزارتی اجلاس کی صدارت کی۔ ترجمان دفتر خارجہ کی جانب سے جاری بیان کے مطابق اجلاس میں صحت کے شعبے میں پاکستان اور انڈونیشیا کے درمیان تعاون پر ہونے والی پیش رفت کا جائزہ لیا گیا۔اجلاس میں دونوں ممالک کے درمیان صحت کے شعبے میں تعاون کو مزید فروغ دینے کے مواقع پر غور کیا گیا۔ نائب وزیرِ اعظم نے انڈونیشیا کے ساتھ تعلقات کو مزید وسعت دینے کی اہمیت پر زور دیا۔ اجلاس میں وزیرِ صحت، معاونِ خصوصی برائے وزیرِ اعظم طارق باجوہ کے علاوہ وزارتِ خارجہ، وزارتِ قومی صحت، پاکستان میڈیکل اینڈ ڈینٹل کونسل، اوورسیز ایمپلائمنٹ کارپوریشن اور وزارتِ اوورسیز پاکستانیان و انسانی وسائل کی ترقی کے سینئر حکام نے شرکت کی۔ اسحاق ڈار نے نمائندہ یورپی یونین کاجاکالس سے ٹیلی فونک رابطہ کیا۔ دونوں رہنماؤں نے تعلقات میں مثبت پیشرفت کا خیر مقدم کیا۔ ترجمان کے مطابق اسحاق ڈار اور کاجا کالس نے ایران سمیت حالیہ علاقائی اور بین الاقوامی پیشرفت پر بھی تبادلہ خیالات کیا۔
.
ذریعہ
ذریعہ: Nawaiwaqt
کلیدی لفظ: انڈونیشیا کے اسحاق ڈار
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے