امریکی نیوز اینکر نے منفرد موزے جمع کرنے کا عالمی ریکارڈ قائم کردیا
اشاعت کی تاریخ: 17th, January 2026 GMT
امریکی شہر فلاڈیلفیا سے تعلق رکھنے والے ریٹائرڈ نیوز اینکر جم ڈونوون نے رنگ برنگے موزوں کے شوق کے باعث ایک منفرد عالمی ریکارڈ اپنے نام کر لیا۔ ان کے پاس موزوں کی 1 ہزار 531 منفرد جوڑیوں کا ذخیرہ موجود ہے، جسے دنیا کی سب سے بڑی موزوں کی کلیکشن تسلیم کیا گیا ہے۔
یہ بھی پڑھیں: بھارتی شہری نے انگریزی ٹائپنگ کا انوکھا ریکارڈ کس طرح اپنے نام کیا؟
جم ڈونوون کے مطابق دورانِ ملازمت ناظرین نے ان کے رنگین موزوں کو خاص طور پر نوٹس کیا، جس کے بعد مداحوں نے انہیں تحفے کے طور پر نت نئے موزے بھیجنا شروع کر دیے، کئی مداحوں نے تو ایسے موزے بھی ارسال کیے جن پر خود جم ڈونوون کی تصویر بنی ہوئی تھی۔
View this post on Instagram
A post shared by Guinness World Records (@guinnessworldrecords)
انہوں نے بتایا کہ برسوں کے دوران انہیں ہزاروں کی تعداد میں موزے موصول ہوئے اور یہ شوق آہستہ آہستہ ایک بڑی کلیکشن میں تبدیل ہو گیا۔ ریٹائرمنٹ کے موقع پر اس شوق کو باضابطہ طور پر عالمی ریکارڈ میں تبدیل کردیا گیا۔
یہ بھی پڑھیں: ترکیہ کی خاتون نے کون سا انوکھا عالمی ریکارڈ قائم کیا ہے؟
جم ڈونوون کا کہنا ہے کہ عالمی ریکارڈ بنانا ان کی زندگی کی خواہشات میں شامل تھا۔ انہوں نے یاد کیا کہ بچپن میں انہیں عالمی ریکارڈز کی کتاب بہت متاثر کرتی تھی اور اسی وقت ان کے دل میں کبھی نہ کبھی کوئی ریکارڈ بنانے کا خیال پیدا ہوا تھا۔
ان کے مطابق یہ اعزاز حاصل کرنا ان کے لیے ذاتی خوشی اور یادگار لمحہ ہے، جو ان کے طویل صحافتی کیریئر کا ایک منفرد اختتام ثابت ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکی نیوز اینکرز جرابیں موزے ورلڈ ریکارڈ.
ذریعہ
ذریعہ: WE News
کلیدی لفظ: امریکی نیوز اینکرز ورلڈ ریکارڈ عالمی ریکارڈ جم ڈونوون
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار