سری لنکا کے نوجوان بلے باز ورن چامودیتھا نے انڈر 19 ورلڈ کپ کی تاریخ بدل دی
اشاعت کی تاریخ: 17th, January 2026 GMT
سری لنکا کے نوجوان بلے باز ورن چامودیتھا نے آئی سی سی انڈر 19 کرکٹ ورلڈ کپ 2026 میں شاندار کھیل پیش کرتے ہوئے نیا ریکارڈ قائم کر دیا۔
جاپان کے خلاف میچ میں ورن نے 143 گیندوں پر 192 رنز اسکور کیے، جس میں 26 چوکے اور ایک چھکا شامل تھا۔ یہ اس ٹورنامنٹ کی تاریخ میں کسی بھی کھلاڑی کا سب سے بڑا انفرادی اسکور ہے۔ اس سے قبل یہ ریکارڈ بھی سری لنکا کے ہاسیتھ بویاگودا کے پاس تھا، جنہوں نے 2018 میں 191 رنز بنائے تھے، لیکن ورن نے ایک رن سے یہ ریکارڈ توڑ دیا۔
ورن چامودیتھا کی اس یادگار اننگز کے دوران ان کے اوپننگ ساتھی دیمانٹھا مہاویتھانا نے بھی بہترین کارکردگی دکھائی اور دونوں بلے بازوں نے پہلی وکٹ کے لیے 328 رنز کی ریکارڈ پارٹنرشپ قائم کی، جو انڈر 19 ورلڈ کپ کی تاریخ میں کسی بھی وکٹ کے لیے سب سے بڑی ہے۔
ورن کی جارحانہ اور اعتماد سے بھرپور بیٹنگ کی بدولت سری لنکا کی ٹیم مقررہ اوورز میں 388 رنز کا بڑا اسکور بنانے میں کامیاب ہوئی۔
کرکٹ شائقین اور ماہرین نے ورن چامودیتھا کی تاریخی کارکردگی کی بھرپور تعریف کی ہے اور یہ اننگز نہ صرف موجودہ ٹورنامنٹ بلکہ نوجوان بلے باز کے روشن مستقبل کی بھی عکاسی کرتی ہے۔
ذریعہ
ذریعہ: Daily Mumtaz
کلیدی لفظ: سری لنکا
پڑھیں:
کراچی، نوجوان لڑکی کو گھر میں گھس کر اجتماعی زیادتی کا نشانہ بنا ڈالا، والد کی مدعیت میں مقدمہ درج
کراچی:شہر قائد میں گلشن معمار پولیس نے نوجوان لڑکی کو گھر میں گھس کر اجتماعی زیادتی کا نشانہ بنانے کا مقدمہ والد کی مدعیت میں درج کرلیا۔
اس حوالے سے مدعی مقدمہ جاوید اقبال نے پولیس کو بیان دیا ہے کہ بہادر گوٹھ میں کارپٹ کی دکان پر کام کرتا ہوں جبکہ اہلیہ گھریلو ملازمہ ہے۔
23 جولائی کو میں اور اہلیہ صبح 9 بجے اپنے اپنے کام پر چلے گئے جبکہ گھر پر 18 سالہ بیٹی اکیلی تھی۔
مدعی کے مطابق صبح سوا نو بجے 2 لڑکے ہمارے گھر میں زبردستی داخل ہوئے جو کہ شلوار قمیض پہنے ہوئے تھے جبکہ سامنے آنے پر میری بیٹی انھیں شناخت کر سکتی ہے۔
مدعی کے مطابق دونوں نے میری بیٹی کو پکڑا اور کمرے میں لیجا کر اس کے ساتھ زیادتی کی اور موقع سے فرار ہوگئے۔
واقعے کے بعد میری بیٹی نے بذریعہ فون مجھے اطلاع دی جس کے بعد میں اور میری اہلیہ گھر پہنچ گئے۔
واقعے کی مدد گار 15 پولیس کو اطلاع دی جو موقع پر پہنچ گئی، مدعی کے مطابق میرا دعویٰ 2 نامعلوم صورت شناس لڑکوں پر میرے گھر میں گھس کر بیٹی کو زیادتی کا نشانہ بنانے کا ہے لہذا قانونی کارروائی عمل میں لائی جائے۔
گلشن معمار پولیس نے نوجوان لڑکی کو اجتماعی زیادتی کا نشانہ بنانے کا مقدمہ نمبر 356 سال 2026 بجرم دفعہ 376 چونتیس کے تحت درج کر کے مزید تفتیش کے لیے انویسٹی گیشن پولیس کے حوالے کر دیا ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار