شکست کے باوجود بھارت جنگی جنون میں مبتلا، 114 رافیل طیارے خریدنے کی تیاری
اشاعت کی تاریخ: 17th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان سے عبرتناک شکست کے باوجود جنگی جنون میں مبتلا بھارت نے 100 سے زائد فرانسیسی ساختہ لڑاکا طیارے رافیل خریدنے کی تیاری کر لی ہے۔
عالمی میڈیا رپورٹ کے مطابق بھارت نے فرانسیسی ساختہ 114 رافیل لڑاکا طیاروں کی خریداری اور ان کی مشترکہ تیاری کے منصوبے کی منظوری دی ہے۔
اعلیٰ بھارتی حکام نے شناخت ظاہر نہ کرنے کی شرط پر بلومبرگ کو بتایا کہ بھارت کے ڈیفنس پروکیورمنٹ بورڈ نے فرانسیسی دفاعی کمپنی ڈسالٹ ایوی ایشن (Dassault Aviation) سے رافیل طیاروں کی خریداری کی تجویز کو کلیئر کر دیا ہے۔
بھارتی وزارت دفاع اور فضائیہ نے معاملے پر تبصرہ کرنے کی درخواستوں کا فوری طور پر کوئی جواب نہیں دیا۔
یاد رہے کہ بھارت نے 2015 میں فرانس سے 126 رافیل طیارے خریدنے کا ایک معاہدہ منسوخ کر دیا تھا جس کی وجہ نئی دہلی میں تیار ہونے والے طیاروں کے معیار پر برسوں تک جاری رہنے والے مذاکرات اور اختلافات تھے۔
بھارتی میڈیا رپورٹس کے مطابق فرانسیسی صدر ایمانوئل میکروں آئندہ ماہ بھارت کا دورہ کرنے والے ہیں۔
اگرچہ روس اب بھی بھارت کو اسلحہ فراہم کرنے والا سب سے بڑا ملک ہے، تاہم نئی دہلی نے گزشتہ چند سالوں کے دوران ماسکو سے فوجی ساز و سامان کی خریداری میں کمی کی ہے۔
رافیل کیلیے حتمی معاہدے پر دستخط اور طیاروں کی فراہمی شروع ہونے سے قبل ابھی مزید مراحل باقی ہیں جن میں قیمتوں پر تبادلہ خیال اور کابینہ سے حتمی منظوری شامل ہے۔
بلومبرگ نیوز کی رپورٹ کے مطابق بھارت کے پاس پہلے ہی 36 رافیل طیارے موجود ہیں اور اس نے رواں سال اپریل میں اس لڑاکا طیارے کے 26 بحری ورژن خریدنے کا معاہدہ بھی کیا تھا۔
ان 114 طیاروں میں سے چند کے علاوہ باقی تمام طیارے فرانسیسی دفاعی کمپنی کے تعاون سے بھارت میں ہی تیار کیے جائیں گے جو بھارتی شراکت داروں کو ٹیکنالوجی بھی منتقل کرے گی۔
ذریعہ
ذریعہ: Jasarat News
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار