اسلام آباد پولیس کی پتنگ اور کیمیکل ڈور کی فروخت کے خلاف کارروائی، 2 ملزمان گرفتار
اشاعت کی تاریخ: 18th, January 2026 GMT
اسلام آباد پولیس نے پَتنگ اور خطرناک کیمیکل ڈور کی فروخت کے خلاف مؤثر اقدامات کرتے ہوئے تھانہ لوہی بھیر کے علاقے میں کارروائی کی، جس کے دوران افغان شہری سمیت 2 ملزمان کو گرفتار کر لیا گیا۔
مزید پڑھیں: پنجاب میں غیر قانونی پتنگ بازی کی مکمل ممانعت، محکمہ داخلہ کی ہدایات جاری
ترجمان اسلام آباد پولیس کے مطابق پشاور سے گوجرانوالہ جانے والی بس سے بھاری مقدار میں پَتنگیں اور خطرناک کیمیکل ڈور برآمد کی گئی۔
ملزمان کے قبضے سے 472 مختلف اقسام کی کیمیکل ڈور اور 2700 سے زیادہ پتنگیں، چرخیاں اور دیگر سامان برآمد کیا گیا۔
ایس ایس پی آپریشنز قاضی علی رضا نے کہاکہ پَتنگ بازی صرف تفریح نہیں بلکہ ایک جان لیوا کھیل ہے، اور کیمیکل ڈور معصوم بچوں، موٹر سائیکل سواروں اور راہگیروں کے لیے سنگین خطرہ بن سکتی ہے۔
انہوں نے والدین سے اپیل کی کہ وہ اپنے بچوں کو پتنگ بازی اور کیمیکل ڈور کے استعمال سے روکیں اور ذمہ دار شہری ہونے کا ثبوت دیں۔
مزید پڑھیں: اسلام آباد میں پتنگ بازی پر عائد پابندی برقرار، ضلعی انتظامیہ کا شہریوں کو انتباہ
قاضی علی رضا نے مزید کہاکہ اسلام آباد پولیس شہریوں کے تعاون سے ہی محفوظ اور پُرامن شہر کی ضمانت دے سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد پولیس پتنگ فروشی خطرناک کیمیکل ڈور کارروائی گرفتار وی نیوز.
ذریعہ
ذریعہ: WE News
کلیدی لفظ: اسلام ا باد پولیس پتنگ فروشی کارروائی گرفتار وی نیوز کیمیکل ڈور
پڑھیں:
عالمی منڈی میں خام تیل کی قیمتیں بے قابو، فی بیرل 100 ڈالر سے متجاوز
تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔ اسلام ٹائمز۔ ایران پر امریکی جارحیت کے بعد عالمی توانائی منڈی میں خام تیل کی قیمتوں میں نمایاں اضافہ ریکارڈ کیا گیا، جبکہ برطانوی خام تیل 100 ڈالر فی بیرل کی سطح عبور کر گیا۔ تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔
دوسری جانب متحدہ عرب امارات کا مربن خام تیل 108 ڈالر فی بیرل میں فروخت ہونے لگا ہے، جو عالمی منڈی میں توانائی کی بڑھتی ہوئی بے یقینی کی عکاسی کرتا ہے۔ادھر قدرتی گیس کی قیمت بھی بڑھ کر 2.95 ڈالر فی ایم ایم بی ٹی یو (MMBtu) ہو گئی ہے، جس سے عالمی توانائی مارکیٹ میں کشیدگی کے اثرات مزید نمایاں ہو رہے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار