اسلام آباد میں ’پیپر مولبیری‘ کی کٹائی کا فیصلہ عوامی صحت اور ماحول دوست اقدام
اشاعت کی تاریخ: 19th, January 2026 GMT
اسلام آباد میں بہار کے موسم میں سانس کی بیماریوں میں اضافہ ہو رہا ہے، جس کی بڑی وجہ پیپر مولبیری کے درخت ہیں۔ شہر کے 29,000 خطرناک درخت ہٹائے جا رہے ہیں اور ان کی جگہ 40,000 محفوظ پودے لگائے جا رہے ہیں تاکہ شہریوں کی صحت بہتر رہے اور ماحول بھی محفوظ رہے۔
یہ بھی پڑھیں:اسلام آباد میں بڑے پیمانے پر درختوں کی کٹائی، پولن الرجی سے نجات یا نیا ماحولیاتی بحران؟
پیپر مولبیری ایک ایسا درخت ہے جو زیادہ الرجی پیدا کرتا ہے اور اس کے پولن سے بہت سے لوگ بیمار ہو جاتے ہیں۔ اس کی وجہ سے اسلام آباد میں بہار کے موسم میں دمہ اور سانس کی بیماریوں کے کیسز بڑھ جاتے ہیں۔
تحقیق میں بتایا گیا ہے کہ اس درخت کے پولن کی موجودگی میں دمہ کے حملے، پھیپھڑوں کی کمزوری اور اسپتال میں علاج لینے والے مریضوں کی تعداد میں اضافہ ہوتا ہے۔ تقریباً آدھے شہر کے لوگ اس پولن کے لیے حساس ہیں اور مارچ میں روزانہ 80 سے 110 لوگ اسپتال پہنچتے ہیں۔
ماہرین کہتے ہیں کہ پیپر مولبیری صرف ایک عام درخت نہیں بلکہ سانس کے لیے خطرناک ہے۔ اس کے پولن کی مقدار عالمی حد سے کئی گنا زیادہ ہوتی ہے۔ اسی وجہ سے اسپتال میں آنے والے مریضوں کی بڑی تعداد اس درخت سے متاثر ہوتی ہے۔
2023 سے 2025 کے دوران 29,000 خطرناک درخت ہٹائے گئے اور 40,000 محفوظ پودے لگائے گئے، جس سے الرجی کے کیسز میں 23 فیصد کمی آئی۔ یہ ثابت کرتا ہے کہ درختوں کی سائنسی بنیاد پر دیکھ بھال نہ صرف لوگوں کی جان بچاتی ہے بلکہ ہسپتال پر بھی دباؤ کم کرتی ہے۔
یہ بھی پڑھیں:اسلام آباد میں درختوں کی کٹائی پر سینیٹ کی قائمہ کمیٹی کا سخت ردعمل
اسلام آباد کا یہ قدم دنیا کے بڑے شہروں جیسے ٹوکیو، بارسلونا اور امریکا کی پالیسیوں کے مطابق ہے۔ اس سے ثابت ہوتا ہے کہ صحت کی حفاظت اور ماحول کا خیال ایک ساتھ رکھا جا سکتا ہے۔ شہریوں کے لیے یہ نہ صرف سانس کی بیماریوں سے بچاؤ ہے بلکہ ایک واضح پیغام بھی ہے کہ صحت اور ماحول دونوں اہم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد الرجی پیپر مولبیری درختوں کی کٹائی.
ذریعہ
ذریعہ: WE News
کلیدی لفظ: اسلام اباد الرجی پیپر مولبیری درختوں کی کٹائی اسلام آباد میں پیپر مولبیری اور ماحول درختوں کی کی کٹائی کے لیے
پڑھیں:
لاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی
لاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی WhatsAppFacebookX 0 23 July, 2026 سب نیوز
لاہور(آئی پی ایس )لاہور ہائی کورٹ نے ایک اہم فیصلے میں واضح کیا ہے کہ ہاسنگ سوسائٹیوں میں اسکول، پارک، مسجد، ہسپتال اور دیگر عوامی سہولیات (Amenity Sites) کے لیے مختص زمین عوام کی امانت ہے۔ اگرچہ ایسی زمین کا قانونی ٹائٹل بعض حالات میں لاہور ڈویلپمنٹ اتھارٹی (LDA) کے پاس منتقل ہو سکتا ہے، لیکن LDA اسے اپنی ملکیت سمجھ کر کمرشل مقاصد کے لیے فروخت یا نیلام نہیں کر سکتی۔
مقدمہ AGRICS Cooperative Housing Society اور LDA کے درمیان تھا۔ سوسائٹی نے مقف اختیار کیا کہ وہ Cooperative Societies Act, 1925 کے تحت قائم ہوئی ہے، اس لیے LDA کے بعض قوانین اس پر لاگو نہیں ہوتے، جبکہ LDA کا مقف تھا کہ عوامی سہولیات کے لیے مختص زمین اس کے نام منتقل کیے بغیر اسکول کا بلڈنگ پلان منظور نہیں کیا جا سکتا۔
لاہور ہائی کورٹ نے قرار دیا کہ Cooperative Societies Act سوسائٹی کے اندرونی معاملات سے متعلق ہے، جبکہ LDA Act لاہور میں شہری منصوبہ بندی (Urban Planning) اور ہاسنگ اسکیموں کو منظم کرنے والا خصوصی قانون ہے، اس لیے پلاننگ اور ترقیاتی معاملات میں LDA کے قوانین پر عمل کرنا تمام ہاسنگ سوسائٹیوں کے لیے لازم ہے۔
عدالت نے یہ بھی قرار دیا کہ 1990 کی Mortgage Deed اور سوسائٹی کے اپنے سابقہ ریکارڈ سے ثابت ہوتا ہے کہ متعلقہ عوامی سہولیات کی زمین LDA کے نام منتقل ہو چکی تھی، لہذا سوسائٹی کئی دہائیوں بعد اس مقف سے انکار نہیں کر سکتی۔
فیصلے کا سب سے اہم حصہ Doctrine of Public Trust (پبلک ٹرسٹ ڈاکٹرائن) سے متعلق ہے۔ عدالت نے واضح کیا کہ اگرچہ زمین کا قانونی ٹائٹل LDA کے پاس ہے، لیکن وہ اس کا مطلق مالک نہیں بلکہ صرف Trustee (امین) ہے۔ اس لیے اسکول، پارک، مسجد یا دیگر عوامی سہولیات کے لیے مختص زمین کو کسی اور مقصد، خصوصا تجارتی استعمال یا فروخت کے لیے استعمال نہیں کیا جا سکتا۔ ایسی زمین صرف اسی مقصد کے لیے استعمال ہوگی جس کے لیے اسے مختص کیا گیا تھا۔
عدالت نے یہ بھی نوٹ کیا کہ 30 سال سے زائد عرصہ گزرنے کے باوجود اسکول کے لیے مختص پلاٹ پر اسکول تعمیر نہیں کیا گیا، جس سے علاقے کے رہائشیوں کے بنیادی حقوق متاثر ہوئے۔ اسی بنیاد پر لاہور ہائی کورٹ نے LDA کو تین ماہ کے اندر قانونی طریقہ کار کے مطابق اس پلاٹ کو ایسے ادارے یا فریق کے حوالے کرنے کا حکم دیا جو وہاں اسکول تعمیر کرے، اور مقررہ مدت میں تعمیر نہ ہونے کی صورت میں متعلقہ قانونی کارروائی عمل میں لائی جائے۔
یہ فیصلہ ہاسنگ سوسائٹیوں کے رہائشیوں کے لیے ایک اہم نظیر ہے، جو اس اصول کو مضبوط کرتا ہے کہ عوامی سہولیات کے لیے مختص زمین کسی بھی سرکاری یا نجی ادارے کی تجارتی ملکیت نہیں بلکہ عوام کی امانت ہے، اور اسے صرف عوامی مفاد کے اسی مقصد کے لیے استعمال کیا جا سکتا ہے جس کے لیے وہ مختص کی گئی ہو۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبروزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال اگلی خبرمقبوضہ کشمیر میں 1989 سے اب تک 96 ہزار 499 شہادتیں، ایک لاکھ 84 ہزار سے زائد گرفتاریاں: رپورٹ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا