لاہور میں سرچ اور کومبنگ آپریشنز جاری، 24 اشتہاری گرفتار، غیرقانونی اسلحہ ضبط
اشاعت کی تاریخ: 19th, January 2026 GMT
لاہور میں جرائم پیشہ عناصر کی گرفتاری اور امن و امان کے قیام کے لیے سرچ و کومبنگ آپریشنز جاری ہیں۔
ترجمان لاہور پولیس کے مطابق ماہ جنوری میں اب تک 400 سے زائد سرچ آپریشنز کیے جا چکے ہیں۔ ان آپریشنز کے دوران 13 ہزار سے زائد گھروں اور 5 ہزار سے زائد کرایہ داروں کی چیکنگ کی گئی جبکہ 39 ہزار سے زائد افراد کی شناختی تصدیق اور جانچ پڑتال بھی کی گئی۔
یہ بھی پڑھیے: وزیراعلیٰ خیبر پختونخوا سہیل آفریدی وادی تیراہ آپریشن کی مخالفت کیوں کر رہے ہیں؟
آپریشنز کے دوران 181 دکانیں، 79 ہوٹل، 35 گیسٹ ہاوسز، 12 ہوٹل اور 16 گوداموں کی تلاشی لی گئی۔ مختلف خلاف ورزیوں پر 70 افراد کے خلاف قانونی کارروائی عمل میں لائی گئی اور 24 اشتہاری گرفتار کیے گئے۔ اسی دوران ناجائز اسلحہ کے 11 مقدمات درج کیے گئے ہیں۔
کرایہ داری ایکٹ کے تحت 18 مقدمات درج کیے گئے جبکہ 55/109 ضابطہ فوجداری کے تحت 8 افراد زیر حراست ہیں۔ صوبائی دارالحکومت میں قیام امن یقینی بنانے کے لیے سرچ اینڈ کومبنگ آپریشنز جاری رہیں گے۔
یہ بھی پڑھیے: لاہور پولیس کا ’مشینی مخبر‘: اب مصنوعی ذہانت چور ڈکیت پکڑوائے گی!
سی سی پی او لاہور کی ہدایت ہے کہ شہر کے انٹری اور ایگزٹ پوائنٹس پر سخت چیکنگ یقینی بنائی جائے اور افسران و جوان اپنے اپنے علاقوں میں متحرک رہ کر فرائض انجام دیں۔ بلال صدیق کمیانہ نے کہا کہ شہریوں کی جان و مال کی حفاظت کے لیے کوئی کسر اٹھا نہیں رکھی جائے گی اور جرائم پیشہ عناصر کی سرکوبی کے لیے آپریشنز جاری رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلحہ پنجاب لاہور پولیس.
ذریعہ
ذریعہ: WE News
کلیدی لفظ: لاہور پولیس کے لیے
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار