2500 روپے کے تنازع پر قتل: 15 سال بعد ملزم قتل کے الزام سے بری
اشاعت کی تاریخ: 20th, January 2026 GMT
فائل فوٹو
کپڑے کے بقایا 2500 روپے کے تنازع پر قتل کے کیس میں سپریم کورٹ نے 15 سال بعد ملزم نعیم ارشد عرف پپو کو قتل کے الزام سے بری کر دیا۔
جسٹس ہاشم خان کاکڑ، جسٹس صلاح الدین پنہور، جسٹس اشتیاق ابراہیم پر مشتمل بینچ نے فیصلہ سناتے ہوئے نعیم ارشد کی فوری رہائی کا حکم دے دیا۔
لاہور ہائی کورٹ کا 29 نومبر 2017 کا فیصلہ سپریم کورٹ نے کالعدم قرار دیتے ہوئے کہا کہ شکایت کنندہ کی موقع پر موجودگی مشکوک ہے، واقعہ پیش آنے کے وقت مکمل اندھیرا تھا، روشنی کے ذرائع کا ذکر نہیں کیا گیا۔
عدالت نے کہا کہ وقوعہ بیان کردہ انداز میں پیش نہیں آیا بلکہ معاملہ پُراسرار ہے، تفتیشی افسر کے مطابق فائر نعیم ارشد نے نہیں بلکہ شہباز علی نے کیا تھا، شہباز علی سے برآمد پستول سے موقع سے ملنے والا خول میچ ہوا تھا۔
سپریم کورٹ کا کہنا تھا کہ شہباز علی کو ٹرائل کورٹ پہلے ہی بری کر چکی ہے، شہباز علی کی بریت کے خلاف نہ ریاست نے اپیل کی نہ شکایت کنندہ نے چیلنج کیا، گواہوں کو عدالت میں پیش نہ کرنا استغاثہ کے خلاف منفی تاثر ہے۔
واضح رہے کہ شکایت کنندہ کے مطابق کپڑے کے بقایا 2500 روپے کے تنازع پر قتل سے دو روز قبل جھگڑا ہوا تھا، مقتول انور کو 14 مارچ 2011 کو ساہیوال میں کپڑے کی دکان پر فائرنگ کر کے قتل کیا گیا تھا۔
واضح رہے کہ ٹرائل کورٹ نے 2015 میں نعیم ارشد کو 25 سال قید کی سزا سنائی تھی۔
.
ذریعہ
ذریعہ: Jang News
کلیدی لفظ: شہباز علی
پڑھیں:
برآمدات بڑھانے کیلئے مؤثر اقدامات ترجیح ہیں: وزیرِ اعظم شہباز شریف
وزیرِ اعظم شہباز شریف—فائل فوٹووزیرِ اعظم شہباز شریف نے کہا ہے کہ صنعتی مصنوعات کی پیداوار میں اضافے سے برآمدات بڑھانے کے لیے مؤثر پالیسی اقدامات ترجیح ہیں۔
وزیرِاعظم کی زیرِ صدارت سرمایہ کاری میں اضافے، شعبہ جاتی اصلاحات اور پالیسی اقدامات پر جائزہ اجلاس ہوا جس میں متعلقہ وزارتوں کی جانب سے مختلف زیرِغور پالیسی تجاویز پر بریفنگ دی گئی۔
اجلاس میں وفاقی وزراء اسحاق ڈار، محمد اورنگزیب، احد چیمہ، عطاء تارڑ شریک ہوئے۔
نوجوانوں کو جدید علم اور مہارتوں سے آراستہ کرنا وقت کی ضرورت ہے، اے آئی کے فوائد اور چیلنجز دونوں ہیں: شہباز شریف
اجلاس سے خطاب کرتے ہوئے وزیرِاعظم شہباز شریف نے کہا کہ ملکی معیشت کی پائیدار ترقی کے لیے صنعت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ توانائی کی ضروریات متبادل توانائی ذرائع سے پوری کرنے کے لیے بھر پور کام ہو رہا ہے۔
وزیرِ اعظم کا مزید کہنا ہے کہ توانائی بچانے اور سستی ٹرانسپورٹ کے لیے الیکٹرک وہیکلز پالیسی ضروری ہے۔
وزیرِاعظم شہباز شریف نے یہ بھی کہا کہ تمام اصلاحات اور اقدامات میں انتظامی شفافیت اور بہترین کارکردگی اولین ترجیح ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ