جیکب آباد: پولیس افسر سمیت دیگر اہلکاروں نے تھانے میں لڑکی کا گینگ ریپ کردیا
اشاعت کی تاریخ: 20th, January 2026 GMT
سندھ کے ضلع جیکب آباد میں پولیس افسر اور اہلکاروں کی لڑکی کیساتھ اجتماعی جنسی زیادتی کی تصدیق ہوگئی۔
رپورٹ کے مطابق آسیہ کھوسو ریپ کیس کی انکوائری رپورٹ میں پولیس اہلکاروں کی لڑکی کیساتھ اجتماعی زیادتی کی تصدیق کی گئی ہے۔
جرم کی تصدیق کے بعد تمام اہلکاروں کو گرفتار کرکے مقدمہ درج کرلیا گیا۔
ایس ایس پی جیکب آباد محمد کلیم ملک نے تصدیق کی ہے کہ سندھ کے شہر جیکب آباد میں ایک لڑکی کے ساتھ اجتماعی زیادتی ثابت ہونے کے بعد 6 پولیس اہلکاروں کو گرفتار کر لیا گیا ہے۔
متاثرہ لڑکی آسیہ کی دادی نے دو روز قبل میڈیا پر بیان دیا تھا کہ ایس ایچ او مقصود سنجرانی، ہیڈ محرر یاسین نوناری سمیت 6 پولیس اہلکاروں نے 7 دن تک میری پوتی کو زیادتی کا نشانہ بنایا۔
وزیرداخلہ سندھ ضیاء الحسن لنجار نے واقعے کا نوٹس لیا اور ایس ایس پی سے اس واقعے کی تفصیلات طلب کی تھیں۔
ایس ایس پی جیکب آباد کی جانب سے کی جانے والی تحقیقات میں 6 پولیس اہلکاروں کے واقعے میں ملوث ہونے کی تصدیق ہوگئی
ایس ایس پی جیکب آباد نے کہا کہ تمام ملوث اہلکاروں کو گرفتار کرلیا گیا ہے اور ان کے خلاف مزید قانونی کارروائی شروع کردی گئی ہے۔
ایف آئی آر جیکب آباد کے ایس ایس پی محمد کلیم ملک کی جانب سے متاثرہ لڑکی کے ویڈیو بیان میں لگائے گئے الزامات کی تحقیقات کے بعد درج کی گئی۔
ابتدائی طبی معائنے کی رپورٹ میں بھی تصدیق ہوئی ہے کہ متاثرہ لڑکی کو اجتماعی زیادتی کا نشانہ بنایا گیا تھا۔
متاثرہ لڑکی کو اس کی بہن اور دادی کے ساتھ، پولیس نے قتل کی تحقیقات کے سلسلے میں اٹھایا تھا، خواتین وہ کئی دنوں تک RD-52 پولیس اسٹیشن، تعلقہ تھول میں بند رہیں۔
ایس ایس پی نے ویڈیو بیان میں کہا کہ انسپکٹر جنرل آف پولیس (آئی جی پی) کی ہدایت پر عمل کرتے ہوئے انہوں نے ریپ کے الزامات کے حوالے سے انکوائری کی اور پتا چلا کہ 6 پولیس اہلکاروں نے لڑکی کو حراست میں لے کر ریپ کیا۔
متاثرہ لڑکی کو تھل تعلقہ اسپتال لے جایا گیا، جہاں ڈاکٹر نے اس کا معائنہ کیا اور ڈی این اے ٹیسٹ کے لیے نمونے جمع کیے۔
ایس ایس پی نے چھ پولیس اہلکاروں کو معطل کر کے ان کی گرفتاری کا حکم دے دیا۔
یہ مقدمہ متاثرہ لڑکی کی دادی کی شکایت پر تعزیرات پاکستان کی مختلف دفعات کے تحت درج کیا گیا۔
اس کے علاوہ ڈسٹرکٹ اینڈ سیشن جج سید شرف الدین شاہ نے زیر حراست لڑکی کے ساتھ جنسی زیادتی کے معاملے کا نوٹس لیتے ہوئے تفتیشی افسر (IO) اور تمام ملوث فریقین کو نوٹس جاری کر دیے۔
.
ذریعہ
ذریعہ: Express News
کلیدی لفظ: پولیس اہلکاروں اہلکاروں کو متاثرہ لڑکی ایس ایس پی جیکب آباد
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار