کراچی سمیت کئی شہروں میں 22 جنوری کو بارش کا امکان
اشاعت کی تاریخ: 20th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی:ں محکمۂ موسمیات نے کراچی سمیت مختلف شہروں میں بارش کی پیش گوئی کر دی ہے۔
محکمہ موسمیات کے مطابق مغربی ہواؤں کا ایک نیا سلسلہ 22 جنوری کو سندھ میں داخل ہونے کا امکان رکھتا ہے، جس کے نتیجے میں متعدد اضلاع میں بارش اور گرج چمک کی صورتحال پیدا ہو سکتی ہے۔
محکمۂ موسمیات کا کہنا ہے کہ اس موسمی سسٹم کے زیرِ اثر جامشورو، دادو، ٹھٹھہ، سجاول اور حیدرآباد میں جمعرات کے روز گرج چمک کے ساتھ بارش متوقع ہے، جس سے موسم خوشگوار ہونے کے ساتھ ساتھ درجۂ حرارت میں بھی کمی آنے کا امکان ظاہر کیا جا رہا ہے۔
محکمے کے مطابق صوبے کے وسطی اور زیریں علاقوں میں بھی بادل برسنے کی توقع ہے۔ ٹنڈو محمد خان، ٹنڈو الہ یار، سانگھڑ، میرپورخاص، عمرکوٹ اور نوشہروفیروز میں ہلکی بارش کے امکانات ظاہر کیے گئے ہیں، جو مقامی سطح پر موسم کی شدت کو کم کر سکتی ہے۔
محکمۂ موسمیات کے مطابق ادھر بالائی سندھ کے مختلف اضلاع بھی اس موسمی نظام سے متاثر ہو سکتے ہیں، شہید بینظیرآباد، خیرپور، سکھر، گھوٹکی، جیکب آباد اور لاڑکانہ میں بھی 22 جنوری کو ہلکی بارش کا امکان موجود ہے، تاہم بارش کی مقدار محدود رہنے کی توقع ہے۔
محکمۂ موسمیات نے یہ بھی بتایا ہے کہ مغربی ہواؤں کے اس سلسلے کے باعث کراچی میں 22 جنوری کو ہلکی سے درمیانی شدت کی بارش ہو سکتی ہے، ساحلی شہر میں بارش کے بعد سردی کی شدت میں اضافہ اور موسم میں نمایاں تبدیلی محسوس کی جا سکتی ہے، جبکہ شہریوں کو موسمی صورتحال کے پیش نظر احتیاطی تدابیر اختیار کرنے کا مشورہ دیا گیا ہے۔
ذریعہ
ذریعہ: Jasarat News
کلیدی لفظ: کا امکان جنوری کو سکتی ہے
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ