اسلام آباد میں اچھی تقاریر تو کی جاتی ہیں لیکن گل پلازا واقعے کا ذمہ دار کون ہے؟ امین الحق
اشاعت کی تاریخ: 20th, January 2026 GMT
فائل فوٹو
قومی اسمبلی کے اجلاس میں متحدہ قومی موومنٹ (ایم کیو ایم) پاکستان کے رہنما سید امین الحق نے گل پلازا سانحے اور کراچی میں سہولیات کی کمی پر شدید تشویش کا اظہار کیا۔
سید امین الحق نے کہا کہ فرقان شہید کے والد بھی لوگوں کی جان بچاتے ہوئے شہید ہوئے تھے، جیسا باپ ویسا ہی بیٹا ہے اور ہم سب انہیں خراجِ تحسین پیش کرتے ہیں۔
انہوں نے کہا کہ گل پلازا کے چند قدم کے فاصلے پر کمشنر آفس، وزیراعلیٰ آفس اور دیگر ادارے موجود ہیں، کراچی ملک کی معیشت کو چلا رہا ہے، مگر اس کے باوجود شہر کو بنیادی سہولیات میسر نہیں۔
انہوں نے بتایا کہ آج بھی 80 افراد لاپتہ ہیں جبکہ درجنوں افراد مختلف اسپتالوں میں زیرِ علاج ہیں۔
انہوں نے سوال اٹھایا کہ کیا ہم کسی دوسرے سانحے کا انتظار کر رہے ہیں؟ گل پلازا واقعے پر جوڈیشل کمیشن قائم کیا جائے۔
سید امین الحق نے یاد دلایا کہ ماضی میں ملینیم مال سمیت کئی پلازوں میں آگ لگنے کے واقعات پیش آئے، جس میں شہری شہید ہوئے۔
انہوں نے کہا کہ آگ لگنے کے بعد بروقت اقدامات نہ کرنا صوبائی حکومت کی ناکامی ہے، سال 2016 میں کے فور منصوبے کے لیے وفاق نے ساڑھے 12 ارب روپے جاری کیے، لیکن آج 26 ارب روپے کا منصوبہ 126 ارب روپے کا ہو چکا ہے۔
انہوں نے کہا کہ صوبائی حکومت نے اس منصوبے پر 30 فیصد بھی کام نہیں کیا۔
سید امین الحق نے سوال اٹھایا کہ محلے کی گلیوں اور پانی کی فراہمی آخر کس کی ذمہ داری ہے؟
.
ذریعہ
ذریعہ: Jang News
کلیدی لفظ: سید امین الحق نے نے کہا کہ گل پلازا انہوں نے
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار