ایم کیو ایم سانحہ گل پلازہ اور کراچی کی موجودہ صورتحال کی ذمے دار ہے، عبدالقادر پٹیل
اشاعت کی تاریخ: 20th, January 2026 GMT
اسلام آباد : قومی اسمبلی میں اظہارِ خیال کرتے ہوئے پیپلز پارٹی کے رکن عبدالقادر پٹیل نے متحدہ قومی موومنٹ (ایم کیو ایم) کو کراچی کی صورتحال اور ماضی کی حکمرانی کا ذمے دار قرار دیتے ہوئے کہا ہے کہ ایم کیو ایم ہر دور میں پیپلز پارٹی کے ساتھ حکومت کا حصہ رہی ہے، اس لیے اگر ذمے داری پیپلز پارٹی پر عائد ہوتی ہے تو ایم کیو ایم بھی اس سے بری الذمہ نہیں ہو سکتی۔
عبدالقادر پٹیل نے کہا کہ گل پلازہ کی صرف ایک منزل کی منظوری دی گئی تھی، تاہم بعد میں اسے جبراً مزید تعمیر کیا گیا۔ ان کا الزام تھا کہ یہ توسیع بانی ایم کیو ایم کے گارڈ کے ذریعے کرائی گئی، جس سے عمارت کو خطرناک شکل دی گئی۔
انہوں نے ایم کیو ایم کے رہنماؤں کے بیانات پر بھی سوال اٹھاتے ہوئے کہا کہ ایک روز ارشد وہرہ فائر بریگیڈ کی کارکردگی کو سراہتے ہیں اور اگلے ہی دن امین الحق تنقید کرتے ہیں، جس سے یہ واضح نہیں ہو پاتا کہ پارٹی کا مؤقف کیا ہے۔
عبدالقادر پٹیل کا کہنا تھا کہ ایم کیو ایم نے 35 برس تک کراچی پر اثر و رسوخ رکھا اور شہر کی موجودہ حالت اسی طویل دورِ سیاست کا نتیجہ ہے۔ انہوں نے کہا کہ گل پلازہ کا ذکر کیا جائے تو بلدیہ ٹاؤن جیسے واقعات کو نظرانداز نہیں کیا جا سکتا۔
انہوں نے مزید کہا کہ ایم کیو ایم آج بھی بانی ایم کیو ایم کے سیاسی نظریات پر کاربند ہے اور نفرت پر مبنی سیاست سے مکمل لاتعلقی اختیار نہیں کی گئی۔ عبدالقادر پٹیل کے مطابق صوبائی حکومت پر تنقید کرنے والے خود بھی ماضی میں صوبائی حکومت کا حصہ رہ چکے ہیں۔
عبدالقادر پٹیل نے مزید کہا کہ کراچی کے مسائل پر بات کرنے سے پہلے شہر کی سیاسی اور انتظامی تاریخ کو سمجھنا ضروری ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل عبدالقادر پٹیل ایم کیو ایم کہا کہ
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار