اسپین میں ایک اور ٹرین حادثہ، ڈرائیور ہلاک، درجنوں زخمی
اشاعت کی تاریخ: 21st, January 2026 GMT
اسپین میں ٹرین حادثات کا سلسلہ تھم نہ سکا، بارسلونا کے قریب ایک مسافر ٹرین پٹڑی سے اتر گئی، جس کے نتیجے میں ٹرین ڈرائیور ہلاک اور متعدد مسافر زخمی ہو گئے۔ یہ واقعہ محض 2 روز قبل جنوبی اسپین میں پیش آنے والے ہولناک ٹرین تصادم کے بعد پیش آیا ہے، جس میں درجنوں افراد جان سے ہاتھ دھو بیٹھے تھے۔
???? #EnVideo | España
???? Un tren descarriló tras impactar un muro de contención que se precipitó sobre la vía férrea.
???? El siniestro se produjo en línea R4 de Rodalies dirección Barcelona, entre los municipios catalanes de Gelida y Martorell.
???? Autoridades informaron que… pic.twitter.com/UooC1HBau3
— Extra News Mundo (@extranewsmundo) January 21, 2026
ہسپانوی ایمرجنسی سروسز کے مطابق منگل کے روز بارسلونا کے نواحی علاقے میں ایک کموٹر ٹرین اس وقت پٹڑی سے اتر گئی جب بارشوں کے باعث ایک حفاظتی دیوار منہدم ہو کر ریل کی پٹری پر آ گری۔ حادثے میں ٹرین ڈرائیور موقع پر ہی ہلاک ہو گیا، جبکہ ٹرین میں سوار تمام 37 مسافر زخمی ہوئے، جن میں سے 2 کی حالت تشویشناک بتائی جا رہی ہے۔
یہ بھی پڑھیں:اسپین میں تیز رفتار ٹرینوں کا خوفناک تصادم، 39افراد ہلاک، درجنوں زخمی
یہ حادثہ سانت سادورنی دانویا اور جیلیدا اسٹیشنوں کے درمیان پیش آیا، جو بارسلونا سے تقریباً 35 منٹ کے فاصلے پر واقع ہے۔ مقامی میڈیا کے مطابق حالیہ شدید بارشوں کے باعث کاتالونیا کے متعدد ریلوے روٹس پہلے ہی بند کیے جا چکے تھے۔
کاتالونیا کے قائم مقام صدر البرٹ دالماؤ میرانڈا نے کہا ہے کہ متاثرین کی حفاظت اور امداد کے لیے تمام ضروری وسائل بروئے کار لائے جا رہے ہیں۔ ابتدائی تحقیقات کے مطابق امکان ظاہر کیا جا رہا ہے کہ دیوار کا گرنا حالیہ بارشوں کے سبب انفراسٹرکچر کی کمزوری کا نتیجہ تھا۔
“No hay ningún tren llegando”: Sacan los audios de la llamada del maquinista que alertó al #Adif del descarrilamiento de su tren, previo a que otro tren lo impactara dejando al menos 40 persona sin vida en #España.
????: @eldiarioes pic.twitter.com/aYPU4qVJO9
— quiero tv (@quierotv_gdl) January 21, 2026
واضح رہے کہ اس حادثے سے 2 روز قبل اسپین کے جنوبی صوبے کوردوبا کے علاقے آدموز کے قریب 2 تیز رفتار ٹرینوں کے درمیان تصادم ہوا تھا، جس میں کم از کم 42 افراد ہلاک ہو گئے تھے، جبکہ ایک شخص تاحال لاپتا ہے۔ حکام کے مطابق اس واقعے میں تخریب کاری کے شواہد نہیں ملے، اور تحقیقات ریل کی پٹری میں ممکنہ تکنیکی خرابی اور ویلڈنگ کے بگاڑ پر مرکوز ہیں۔
اسپین میں حالیہ ٹرین حادثات نے ریلوے نظام کی حفاظت اور انفراسٹرکچر کی حالت پر سنگین سوالات کھڑے کر دیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپین اسپین ٹرین حادثہ ڈرائیور ہلاک
ذریعہ
ذریعہ: WE News
کلیدی لفظ: اسپین اسپین ٹرین حادثہ ڈرائیور ہلاک
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا