پی ایس ایل 11: لوکل کھلاڑیوں کی نئی ممکنہ کیٹگریز سامنے آ گئیں
اشاعت کی تاریخ: 21st, January 2026 GMT
پاکستان سپر لیگ (پی ایس ایل) سیزن 11 کے پلیئرز آکشن سے قبل مقامی کھلاڑیوں کی ممکنہ نئی کیٹگریز کی فہرست سامنے آ گئی ہے، جس میں متعدد نمایاں کھلاڑیوں کی کیٹگریز میں ردوبدل کیا گیا ہے۔
ذرائع کا کہنا ہے کہ اسلام آباد یونائیٹڈ کے شاداب خان، عماد وسیم اور نسیم شاہ کو بدستور پلاٹینم کیٹگری میں برقرار رکھا گیا ہے، جبکہ صاحبزادہ فرحان کو گولڈ کیٹگری میں رکھا گیا ہے۔ سلمان علی آغا اور محمد نواز کو ڈائمنڈ سے ترقی دے کر پلاٹینم میں شامل کر لیا گیا ہے۔
وکٹ کیپر بیٹر اعظم خان ڈائمنڈ سے گولڈ کیٹگری میں آ گئے ہیں۔
کراچی کنگز کے حسن علی کو ڈائمنڈ سے پلاٹینم میں شامل کیا گیا ہے، جبکہ عباس آفریدی پلاٹینم سے ڈائمنڈ میں چلے گئے ہیں۔ خوشدل شاہ اور عامر جمال کو ڈائمنڈ سے گولڈ میں منتقل کیا گیا ہے، جبکہ عارفات منہاس گولڈ سے سلور میں آ گئے ہیں۔ شان مسعود ڈائمنڈ کیٹگری میں برقرار ہیں۔
یہ بھی پڑھیے پی ایس ایل 11، محسن نقوی نے کھلاڑیوں کے معاوضے میں اضافہ اور آکشن کی تجویز دیدی
لاہور قلندرز کے شاہین شاہ آفریدی، فخر زمان اور حارث رؤف کو پلاٹینم کیٹگری میں برقرار رکھا گیا ہے۔ سلمان مرزا کو گولڈ سے ڈائمنڈ میں ترقی دی گئی ہے، جبکہ محمد نعیم ایمرجنگ سے سلور کیٹگری میں آ گئے ہیں۔
پشاور زلمی کے بابر اعظم اور صائم ایوب بدستور پلاٹینم کیٹگری میں شامل ہیں، جبکہ محمد حارث اور محمد علی ڈائمنڈ سے گولڈ میں چلے گئے ہیں۔
ملتان سلطانز کے محمد رضوان پلاٹینم میں برقرار ہیں، تاہم اسامہ میر اور افتخار احمد پلاٹینم سے ڈائمنڈ میں آ گئے ہیں۔ محمد حسنین کو ڈائمنڈ سے گولڈ میں منتقل کیا گیا ہے، جبکہ عاکف جاوید سلور سے گولڈ کیٹگری میں آ گئے ہیں۔
یہ بھی پڑھیے پی ایس ایل کی نئی ٹیم سیالکوٹ کا کپتان کون ہوگا؟ حمزہ مجید نے بتادیا
کوئٹہ گلیڈی ایٹرز کے فہیم اشرف اور محمد عامر کو پلاٹینم میں برقرار رکھا گیا ہے، جبکہ ابرار احمد کو ڈائمنڈ سے ترقی دے کر پلاٹینم میں شامل کر لیا گیا ہے۔ وسیم جونیئر گولڈ سے ڈائمنڈ، عثمان طارق سلور سے ڈائمنڈ میں آ گئے ہیں، جبکہ خواجہ نافع اور حسن نواز کو سلور اور ایمرجنگ سے گولڈ کیٹگری میں شامل کیا گیا ہے۔
ذرائع کے مطابق ان کیٹگریز کو حتمی شکل پلیئرز آکشن سے قبل دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ایس ایل.
ذریعہ
ذریعہ: WE News
کلیدی لفظ: پی ایس ایل سے ڈائمنڈ میں میں آ گئے ہیں کو ڈائمنڈ سے پلاٹینم میں رکھا گیا ہے پی ایس ایل کیا گیا ہے
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار