بچوں کے تحفظ کے لیے نیا سسٹم متعارف ،چیٹ جی پی ٹی کم عمر صارفین کی شناخت کرے گا
اشاعت کی تاریخ: 21st, January 2026 GMT
اوپن اے آئی نے چیٹ جی پی ٹی میں ایک نیا حفاظتی فیچر متعارف کرانے کا اعلان کیا ہے، جس کے تحت کم عمر صارفین کی خودکار شناخت کی جائے گی تاکہ انہیں حساس مواد سے محفوظ رکھا جا سکے۔ یہ نظام صارف سے عمر پوچھنے کے بجائے اس کے استعمال کے انداز کی بنیاد پر عمر کا اندازہ لگائے گا۔
یہ بھی پڑھیں:اوپن اے آئی کا چیٹ جی پی ٹی میں اشتہارات دکھانے کا اعلان
غیر ملکی میڈیا کے مطابق اوپن اے آئی چیٹ جی پی ٹی میں ایک ایسا نظام متعارف کرا رہا ہے جو صارف کی سرگرمیوں کو دیکھتے ہوئے اندازہ لگائے گا کہ آیا وہ 18 سال سے کم عمر ہے یا نہیں۔ اگر سسٹم کو لگے کہ صارف کم عمر ہے تو اس اکاؤنٹ پر خود بخود اضافی حفاظتی پابندیاں لاگو کر دی جائیں گی۔
رپورٹ کے مطابق یہ نظام مختلف اشاروں کی بنیاد پر کام کرے گا، جن میں صارف کی بتائی گئی عمر، اکاؤنٹ بننے کا دورانیہ اور دن کے مختلف اوقات میں استعمال کا انداز شامل ہے۔ اگر کسی اکاؤنٹ کو 18 سال سے کم عمر کے صارف سے منسلک سمجھا گیا تو چیٹ جی پی ٹی میں جنسی، تشدد یا دیگر حساس موضوعات سے متعلق مواد محدود کر دیا جائے گا۔
یہ بھی پڑھیں:ڈیجیٹل تاریخ میں نیا باب، پاکستان کا پہلا اردو چیٹ جی پی ٹی ’قلب‘ کا اجرا
اوپن اے آئی کا کہنا ہے کہ اس اقدام کا مقصد بچوں اور نوجوانوں کو آن لائن نقصان دہ مواد سے محفوظ رکھنا ہے، کیونکہ دنیا بھر میں مصنوعی ذہانت کے استعمال میں تیزی سے اضافہ ہو رہا ہے۔ تعلیمی اداروں اور گھریلو استعمال میں اے آئی ٹولز کے بڑھتے ہوئے رجحان کے باعث بچوں کے تحفظ پر دباؤ بھی بڑھ رہا ہے۔
رائٹرز کی ایک رپورٹ کے مطابق اوپن اے آئی 2026 کے آغاز میں تصدیق شدہ بالغ صارفین کے لیے ایک الگ ’ایڈلٹ موڈ‘ بھی متعارف کرانے کا ارادہ رکھتا ہے۔ اگر کسی بالغ صارف کا اکاؤنٹ غلطی سے کم عمر قرار دے دیا جائے تو وہ اپنی شناخت کی تصدیق کر کے مکمل رسائی دوبارہ حاصل کر سکے گا۔
ماہرین کے مطابق یہ اقدام ایک بڑے رجحان کا حصہ ہے، جس کے تحت آن لائن پلیٹ فارمز عمر کی جانچ کے لیے خودکار اور جدید نظام اپنا رہے ہیں۔ اس تبدیلی سے ظاہر ہوتا ہے کہ ڈیجیٹل پلیٹ فارمز اب جامد سیٹنگز کے بجائے صارف کی ضرورت اور عمر کے مطابق حفاظتی اقدامات کو ترجیح دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آن لائن پلیٹ فارمز اوپن اے آئی چیٹ جی پی ٹی کم عمر صارفین.
ذریعہ
ذریعہ: WE News
کلیدی لفظ: آن لائن پلیٹ فارمز اوپن اے آئی چیٹ جی پی ٹی کم عمر صارفین چیٹ جی پی ٹی میں اوپن اے آئی کے مطابق کے لیے
پڑھیں:
وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
اسلام آباد،وفاقی وزیرِ صحت مصطفیٰ کمال (mustafa kamal)نے کہا ہے کہ وفاقی کابینہ نے ملک بھر میں ادویات پر ٹریک اینڈ ٹریس سسٹم کے نفاذ کی باضابطہ منظوری دے دی ہے۔
اس سلسلے میں ڈرگ لیبلنگ اینڈ پیکنگ رولز 1978 میں ضروری ترامیم کی بھی منظوری دے دی گئی ہے۔منگل کو جاری بیان کے مطابق وفاقی وزیرِ صحت نے کہا کہ یہ فیصلہ پاکستان میں جعلی ادویات کے خاتمے کی جانب ایک بڑا اور تاریخی قدم ہے۔
پہلی بار ملک میں ہر دوا کو ڈیجیٹل طریقے سے ٹریک اور ویریفائی کیا جا سکے گا، جس سے جعلی، غیر معیاری اور نقلی ادویات کی مؤثر نشاندہی اور ان کے خاتمے میں مدد ملے گی۔
انہوں نے کہا کہ نئے نظام کے نفاذ کے بعد عام صارفین باآسانی دوا کی میعادِ استعمال، قیمت اور دیگر اہم معلومات کی مستند تصدیق کر سکیں گے، جس سے عوام کا ادویات کے نظام پر اعتماد مزید مضبوط ہوگا۔
مصطفیٰ کمال نے بتایا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی۔ نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں۔
وفاقی وزیرِ صحت نے کہا کہ یہ اہم اقدام پاکستان میں ادویات کی سپلائی چین کو محفوظ، شفاف اور معیاری بنانے کے لیے کیا گیا ہے۔
حکومت ادویات کے شعبے کو جدید خطوط پر استوار کرنے کے لیے عملی اقدامات کر رہی ہے اور ٹریک اینڈ ٹریس سسٹم کے نفاذ سے جعلی ادویات کے خلاف ایک مضبوط اور مؤثر دیوار قائم ہوگی۔
انہوں نے مزید کہا کہ پاکستان جدید ٹیکنالوجی کے استعمال میں خطے کے نمایاں ممالک میں شامل ہوگا۔ اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گاجس سے عوام کی صحت، زندگی اور اعتماد کا مکمل تحفظ یقینی بنایا جا سکے گا۔
مزید پڑھیں:میئر لندن، 16 سال سے کم عمر بچوں کیلئے سوشل میڈیا پر پابندی کی حمایت
وفاقی وزیرِ صحت کے مطابق ڈریپ کی جانب سے صنعت کو سہولت فراہم کرنے کے لیے جلد تکنیکی رہنما اصول جاری کیے جائیں گے، جبکہ متعلقہ فریقین کے ساتھ مشاورتی اجلاس بھی منعقد کیے جا چکے ہیں تاکہ نظام کے مؤثر اور مرحلہ وار نفاذ کو یقینی بنایا جا سکے۔
وزارت آئی ٹی نے 1.67 ارب روپے سے زاید کے فنڈز طلب کرلیے