فرانسیسی صدر ایمانئل میکرون کے چشمے سوشل میڈیا پر وائرل، قیمت کتنی؟
اشاعت کی تاریخ: 21st, January 2026 GMT
عالمی سیاست میں گرین لینڈ سے متعلق قیاس آرائیوں اور جیو پولیٹیکل کشیدگی کے درمیان فرانس کے صدر ایمانوئل میکرون نے ورلڈ اکنامک فورم میں اپنی شاندار موجودگی سے سب کی توجہ حاصل کر لی۔
ڈیووس میں خطاب کے دوران جہاں ان کا لب و لہجہ سخت اور دو ٹوک تھا، وہیں ان کی شخصیت اور منفرد چشمہ بھی سوشل میڈیا پر وائرل ہو گیا۔
یہ بھی پڑھیں: گرین لینڈ پر امریکی دباؤ مسترد، یورپ غنڈہ گردی کے آگے نہیں جھکے گا، فرانسیسی صدر میکرون
فرانسیسی صدر نے امریکی صدر ڈونلڈ ٹرمپ کی جانب سے گرین لینڈ پر مجوزہ کنٹرول کی مخالفت کرنے والے 8 یورپی ممالک پر ٹیرف لگانے کی دھمکی پر سخت ردعمل دیا۔
ان کی تقریر کو نہ صرف مضبوط قرار دیا گیا بلکہ ان کے انداز اور نیلے رنگ کے ریفلیکٹو ایوی ایٹر چشمے نے بھی خاص توجہ حاصل کی، جو انہوں نے ہال کے اندر پہنے رکھے تھے۔
اگرچہ میکرون نے تقریر کے دوران چشمہ پہننے کی کوئی براہ راست وضاحت نہیں کی، تاہم فرانسیسی رپورٹس کے مطابق یہ ایک طبی وجہ کی بنا پر تھا۔
ایلیزے پیلس نے تصدیق کی کہ صدر ایک آنکھ میں خون کی نالی پھٹنے یعنی سب کونجنکٹائیول ہیمریج کا شکار تھے، اسی لیے آنکھوں کے تحفظ کے لیے چشمہ استعمال کیا گیا۔
یہ بھی پڑھیں: فرانسیسی صدر کو خاتون اول سے مبینہ تھپڑ؛ ڈونلڈ ٹرمپ نے عالمی رہنماؤں کو کیا مشورہ دیا؟
گزشتہ ہفتے جنوبی فرانس میں ایک فوجی تقریب کے دوران بھی میکرون کی آنکھ سرخ دیکھی گئی تھی، جہاں انہوں نے اسی نوعیت کا چشمہ پہنا تھا۔
اس موقع پر انہوں نے اپنی حالت کو معمولی اور غیر سنجیدہ قرار دیتے ہوئے کہا تھا کہ یہ بالکل بے ضرر ہے اور نظر پر کوئی اثر نہیں ڈالتی۔ انہوں نے مذاق میں اسے ٹائیگر آئی کا نام بھی دیا اور کہا کہ یہ عزم کی علامت ہے۔
ڈیووس میں خطاب کے دوران میکرون نے عالمی سیاست اور تجارت پر سخت مؤقف اپناتے ہوئے کہا کہ یورپ غنڈہ گردی کے بجائے احترام کو ترجیح دیتا ہے اور طاقت کے بجائے قانون کی حکمرانی پر یقین رکھتا ہے۔
انہوں نے امریکا کی جانب سے مسلسل نئے ٹیرف عائد کرنے کے رجحان کو ناقابل قبول قرار دیا، خاص طور پر جب اسے علاقائی خودمختاری پر دباؤ ڈالنے کے لیے استعمال کیا جائے۔
یہ بھی پڑھیں: فرانسیسی صدر کو خاتونِ اول سے مبینہ تھپڑ پڑنے کی ویڈیو وائرل
جہاں تک وائرل چشمے کی قیمت اور ماڈل کا تعلق ہے، فیشن ماہرین کے مطابق امکان ہے کہ میکرون نے لوئی ویٹن کے اٹیٹیوڈ پائلٹ سن گلاسز پہنے تھے، جو 2009 کے آٹم ونٹر کلیکشن کا حصہ تھے۔
ان کی نئی جوڑی کی قیمت تقریباً 995 ڈالر بتائی جاتی ہے، تاہم کچھ اندازے بجیو سولڈاڈو یا رے بین چشموں کی طرف بھی اشارہ کرتے ہیں۔
صدر کی جانب سے تاحال کسی برانڈ کی تصدیق نہیں کی گئی اور چونکہ چشمے پر کوئی واضح لوگو موجود نہیں تھا، اس لیے حتمی شناخت مشکل ہے۔
طبی ماہرین کے مطابق سب کونجنکٹائیول ہیمریج ایک بے ضرر کیفیت ہے، جس میں درد نہیں ہوتا اور نظر متاثر نہیں ہوتی۔ یہ عام طور پر 2 ہفتوں کے اندر خود بخود ٹھیک ہو جاتی ہے۔
ماہرین کا کہنا ہے کہ یہ حالت زور سے چھینکنے، کھانسی، آنکھ رگڑنے یا بعض اوقات ذیابیطس اور ہائی بلڈ پریشر کے مریضوں میں بھی دیکھی جاسکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news چشمے ڈونلڈ ٹرمپ صدر میکرون فرانس قیمت گرین لینڈ وائرل.
ذریعہ
ذریعہ: WE News
کلیدی لفظ: ڈونلڈ ٹرمپ صدر میکرون گرین لینڈ وائرل میکرون نے گرین لینڈ کے دوران انہوں نے
پڑھیں:
بلوچستان میں پیش آنیوالے پے درپے دہشتگردی کے واقعات افسوسناک ہیں، علامہ مقصود ڈومکی
اپنے بیان میں ایم ڈبلیو ایم رہنماء علامہ مقصود ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جسکا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ اسلام ٹائمز۔ مجلس وحدت مسلمین پاکستان صوبہ سندھ کے صوبائی صدر علامہ مقصود علی ڈومکی نے ببرلو بائی پاس پر پریا کماری سمیت لاپتا و مغوی بچوں کی بازیابی کے لئے جاری پرامن دھرنے پر پولیس کے کریک ڈاؤن، خواتین پر تشدد، ان کی بے حرمتی، بزرگ رہنماء لیاقت جلبانی، سوہنی پارس، صحافی ساحل جوگی اور متعدد مظاہرین کی گرفتاری کی شدید الفاظ میں مذمت کرتے ہوئے کہا ہے کہ اپنے بچوں کی بازیابی کے لئے سراپا احتجاج مظلوم والدین، خصوصاً ماؤں پر طاقت کا استعمال انتہائی افسوسناک، غیر انسانی اور قابل مذمت ہے۔ انہوں نے کہا کہ حکومت سندھ احتجاج کرنے والے مظلوم خاندانوں پر تشدد کرنے کے بجائے پریا کماری سمیت تمام مغوی بچوں اور بچیوں کی فوری اور محفوظ بازیابی کو یقینی بنائے، گرفتار افراد کو فوری رہا کرے اور صحافیوں کے آئینی و قانونی حقوق کا احترام کرے۔ انہوں نے کہا کہ پرامن احتجاج ہر شہری کا آئینی حق ہے اور اس حق کو طاقت کے ذریعے سلب نہیں کیا جا سکتا۔
علامہ مقصود ڈومکی نے بلوچستان کے ضلع مستونگ میں دہشت گردی کے افسوسناک واقعے کی بھی شدید مذمت کرتے ہوئے سیشن جج عبدالحکیم کاکڑ اور ان کے پولیس محافظ کی شہادت پر گہرے رنج و غم کا اظہار کیا اور زخمی جج طارق علی لاشاری کی جلد و مکمل صحت یابی کے لئے دعا کی۔ انہوں نے کہا کہ گزشتہ کئی دہائیوں سے بلوچستان میں پیش آنے والے پے درپے دہشت گردی کے واقعات افسوسناک ہیں، اس ہفتے ژوب سے سفر کرنے والے خاندان پر حملہ، کوئٹہ سے کراچی جانے والی مسافر کوچ کا المناک سانحہ اور مستونگ میں سیشن جج عبدالحکیم کاکڑ کی شہادت شامل ہیں، صوبے میں امن و امان کی انتہائی تشویشناک صورتحال کی عکاسی کرتے ہیں۔
علامہ مقصود علی ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جس کا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ گزشتہ کئی دہائیوں کے آپریشنز سے نہ امن قائم ہوا، نہ دہشت گردی ختم ہوئی اور نہ ہی مسائل کا مستقل حل نکلا، لہٰذا اب وقت آ گیا ہے کہ حکومت طاقت کی پالیسی ترک کرکے سیاسی مکالمے، مفاہمت اور سنجیدہ مذاکرات کا راستہ اختیار کرے۔ انہوں نے مطالبہ کیا کہ پاکستان کے عوام کے حقیقی منتخب نمائندوں کو ان کا آئینی و جمہوری حق دیا جائے، عوامی مینڈیٹ کا احترام کیا جائے اور تمام سیاسی و سماجی اسٹیک ہولڈرز کے ساتھ نتیجہ خیز مذاکرات کئے جائیں۔ انہوں نے کہا کہ انصاف، سیاسی شمولیت اور عوام کے اعتماد کی بحالی ہی بلوچستان میں پائیدار امن کی ضمانت ہے، جبکہ دہشت گردی کے واقعات کی روک تھام کے لئے شہریوں کے جان و مال کا تحفظ ریاست کی اولین ذمہ داری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار