سپارکو اے آئی کے ذریعے بندرگاہوں کی مانیٹرنگ میں معاونت کریگا، جنید انوار
اشاعت کی تاریخ: 21st, January 2026 GMT
اسلام آباد:(نیوزڈیسک) وفاقی وزیر بحری امور جنید انوار چوہدری نے سپارکو ہیڈکوارٹر کا دورہ کیا، جو کسی بھی بحری امور کے وزیر کا اپنی نوعیت کا پہلا دورہ ہے۔چیئرمین سپارکو یوسف خان اور اعلیٰ سطحی افسران نے وزیر کو سپارکو کے کاموں اور منصوبوں پر تفصیلی بریفنگ دی۔دورے کے دوران نئی بندرگاہوں کے ممکنہ مقامات کا سیٹلائٹ کے ذریعے جائزہ لیا گیا۔
جنید انوار چوہدری نے سیٹلائٹ ٹیکنالوجی اور مصنوعی ذہانت کے ذریعے سمندری حدود میں ریلیف اور ریسکیو منصوبوں پر تبادلہ خیال کیا۔وزیر نے ملکی بندرگاہوں کی سیٹلائٹ مانیٹرنگ پر بھی تفصیلی تبادلہ خیال کیا۔جنید انوار چوہدری نے کہا کہ سپارکو کی جدید ٹیکنالوجی سے بندرگاہوں کی منصوبہ بندی میں آسانی ہوگی۔انہوں نے مزید کہا کہ سمندری ماحولیاتی نگرانی سے پالیسی سازی میں مدد ملے گی۔
وزیر نے موسمی تبدیلی اور ماحولیاتی خطرات سے نمٹنے میں سیٹلائٹ مانیٹرنگ کی اہمیت پر زور دیا۔جنید انوار چوہدری نے کہا کہ سپارکو وزارت میں قائم اے آئی سیکریٹریٹ کے ذریعے بندرگاہوں کی مانیٹرنگ میں معاونت کرے گا۔یہ دورہ ملکی سمندری سیکٹر میں ٹیکنالوجی کے مؤثر استعمال اور جدید منصوبہ بندی کے لیے اہم قدم قرار دیا جا رہا ہے۔
.
ذریعہ
ذریعہ: Daily Mumtaz
کلیدی لفظ: جنید انوار چوہدری نے بندرگاہوں کی کے ذریعے
پڑھیں:
گلگت بلتستان سی پیک کا مرکز ہے: نواز شریف
مسلم لیگ ن کے صدر نواز شریف —فائل فوٹومسلم لیگ ن کے صدر نواز شریف کا کہنا ہے کہ گلگت بلتستان سی پیک کا مرکز ہے، کسی پارٹی نے یہاں کسی منصوبے کی اینٹ بھی نہیں لگائی، جس جی بی کو میں سینے سے لگا کر رکھتا تھا۔
گلگت میں کارکنوں سے خطاب کرتے ہوئے انہوں نے کہا ہے کہ ایئر پورٹ کے باہر اس کی سڑکوں کا حلیہ دیکھا تو افسوس ہوا، جو منصوبے ہم نے شروع کیے تھے وہ مکمل کیوں نہیں ہوئے؟ آخر وہ پیسہ کہاں لگایا گیا؟
نواز شریف کا کہنا ہے کہ جو سڑک میں نے شروع کی اسے خنجراب تک پہنچنا چاہیے تھا، ووٹ ملتا ہے یا نہیں، اللّٰہ جانتا ہے، ہم آپ کو ان چیزوں سے محروم نہیں کر سکتے۔
اجلاس میں وزیر اعظم شہباز شریف، وزیراعلیٰ پنجاب مریم نواز اور حمزہ شہباز سمیت پارٹی کے پارلیمانی رہنماؤں نے شرکت کی۔
انہوں نے کہا کہ آپ ووٹ دیں گے یا نہیں دیں گے، میں تب بھی آپ کے لیے بات کروں گا، شہباز شریف اور مریم نواز دونوں کو کہوں گا کہ یہاں آئیں، ایئر پورٹ کو بڑا کر کے یہاں بوئنگ طیارے آنے چاہیے تھے۔
ان کا کہنا ہے کہ شہباز شریف سے کہوں گا کہ ایئر پورٹ کو بڑا کریں گے، میں ہر دوسرے تیسرے مہینے یہاں آتا جاتا رہوں گا اور منصوبوں کی نگرانی کروں گا۔
اس سے قبل نواز شریف بذریعہ طیارہ گلگت پہنچے تھے، وفاقی وزیر امیر مقام، سابق وزیرِ اعلیٰ حافظ حفیظ الرحمٰن نے ایئر پورٹ پر ان کا استقبال کیا۔
وفاقی وزراء خواجہ آصف، احسن اقبال، رانا ثناء اللّٰہ، سینیٹر پرویز رشید، پنجاب کی وزیر مریم اورنگزیب، سینیٹر انوشہ رحمٰن، کاظم پیرزادہ نواز شریف کے ہمراہ گلگت پہنچے ہیں۔
ترجمان مسلم لیگ ن شمس میر کے مطابق نواز شریف گلگت بلتستان میں ن لیگ کے امیدواروں، صوبائی، ڈویژنل اور ضلعی عہدیداران سے ملاقاتیں اور خطاب کریں گے۔
واضح رہے کہ گلگت بلتستان اسمبلی کی 24 نشستوں پر الیکشن 7 جون کو ہو گا۔
وزارت آئی ٹی نے 1.67 ارب روپے سے زاید کے فنڈز طلب کرلیے