چاند پر اپنا نام بھیجیں، طریقہ کار ہم بتاتے ہیں
اشاعت کی تاریخ: 21st, January 2026 GMT
ناسا دنیا بھر کے افراد کو ایک منفرد موقع فراہم کر رہا ہے جس کے تحت وہ اپنا نام چاند تک بھیج سکتے ہیں۔
یہ بھی پڑھیں: چاند پر دوسرے قدم کی تیاریاں، ناسا کا دیوہیکل راکٹ لانچنگ پیڈ پر پہنچ گیا
یہ سہولت ناسا کے آرٹیمس 2 مشن کے ذریعے دی جا رہی ہے جو جلد روانہ ہونے والا ہے۔
اس مشن کے دوران افراد کے نام ایک ایس ڈی کارڈ پر محفوظ کیے جائیں گے جو اورین خلائی جہاز کے اندر موجود ہوگا۔ یہی خلائی جہاز چار خلا بازوں کو لے کر چاند کے گرد 10 روزہ تاریخی سفر پر روانہ ہوگا۔
یہ سنہ 1972 کے بعد پہلا موقع ہوگا جب انسان زمین کے نچلے مدار (لو ارتھ آربٹ) سے آگے خلا میں سفر کرے گا۔
آرٹیمس 2 مشن کا عملہآرٹیمس 2 مشن میں ناسا کے خلا باز ریڈ وائزمین، وکٹر گلوور اور کرسٹینا کوخ شامل ہیں جبکہ کینیڈین اسپیس ایجنسی کے جیریمی ہینسن بھی اس تاریخی سفر کا حصہ ہوں گے۔
مزید پڑھیے: ’۔۔۔ ہم ہیں تیار چلو‘، ناسا نے چاند پر گاؤں اور مریخ پر قدم جمانے کا وقت بتادیا
تمام خلا باز اورین خلائی جہاز میں سوار ہو کر چاند کے گرد چکر لگائیں گے اور بحفاظت زمین پر واپس آئیں گے۔
ناسا کے منتظم جیرڈ آئزک مین کے مطابق یہ مشن مستقبل کی خلائی مہمات کی جانب اب تک کا سب سے بڑا قدم ہے۔
اس مشن کا مقصد خلائی جہاز کی مختلف صلاحیتوں کا جائزہ لینا ہے، جن میں لائف سپورٹ سسٹمز، نیویگیشن اور مواصلاتی نظام شامل ہیں۔
ناسا کو اپنا نام کیسے بھیجیں؟ناسا کے ’سینڈ یور نیم وِد آرٹیمس‘ پروگرام کے تحت کوئی بھی شخص ناسا کی ویب سائٹ پر جا کر اپنا پہلا اور آخری نام درج کر سکتا ہے اس کے بعد 4 سے 7 ہندسوں پر مشتمل ایک پن نمبر داخل کرنا ہوگا۔
درخواست جمع کروانے کے بعد صارفین اپنا ڈیجیٹل بورڈنگ پاس بھی ڈاؤن لوڈ کر سکتے ہیں جو ایک یادگار کے طور پر رکھا جا سکتا ہے۔
مزید پڑھیں: اب چاند پر بھی وقت ناپا جاسکے گا، چین نے سوفٹ ویئر تیار کرلیا
یہ عمل صرف چند منٹ میں مکمل ہو جاتا ہے اور اس کے لیے کسی قسم کی فیس ادا نہیں کرنا پڑتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چاند چاند پر آپ کا نام چاند پر اپنا نام بھیجیں ناسا.
ذریعہ
ذریعہ: WE News
کلیدی لفظ: چاند چاند پر ا پ کا نام چاند پر اپنا نام بھیجیں خلائی جہاز اپنا نام چاند پر ناسا کے
پڑھیں:
Google سیلفی ویڈیو فیچر، اکاؤنٹ سائن اِن مزید محفوظ بنانے کا نیا طریقہ
کیلیفورنیا: گوگل سیلفی ویڈیو فیچر متعارف کرا دیا گیا ہے، جس کے ذریعے صارفین اپنے گوگل اکاؤنٹ میں سائن اِن اور اکاؤنٹ ریکوری کے دوران مختصر سیلفی ویڈیو کے ذریعے اپنی شناخت کی تصدیق کر سکیں گے۔ کمپنی کے مطابق اس نئے نظام کا مقصد آن لائن فراڈ، ڈیپ فیک ٹیکنالوجی اور اکاؤنٹ ہیکنگ جیسے بڑھتے ہوئے خطرات سے صارفین کو بہتر تحفظ فراہم کرنا ہے۔
گوگل کی جانب سے جاری معلومات کے مطابق یہ فیچر روایتی تصدیقی طریقوں کا متبادل ہوگا، خاص طور پر ایسے مواقع پر جب صارف پاس ورڈ، فون نمبر یا دیگر ریکوری ذرائع استعمال نہ کر سکے۔
سیلفی ویڈیو کے ذریعے تصدیق کیسے ہوگی؟
اس نئے نظام کے تحت صارف کو ایک مختصر لائیو ویڈیو ریکارڈ کرنا ہوگی، جسے گوگل شناخت کی تصدیق کے لیے استعمال کرے گا۔ بعد ازاں جب بھی اکاؤنٹ ریکوری یا سائن اِن کی ضرورت ہوگی تو صارف کو دوبارہ لائیو ویڈیو کے ذریعے اپنی شناخت ثابت کرنا ہوگی۔
ویڈیو ریکارڈنگ کے دوران صارف کو اسکرین پر دی گئی ہدایات کے مطابق اپنا سر مختلف سمتوں میں حرکت دینا ہوگی۔ اس عمل کا مقصد یہ یقینی بنانا ہے کہ تصدیق حقیقی شخص کی ہو اور کسی تصویر یا ڈیپ فیک ویڈیو کے ذریعے سسٹم کو دھوکا نہ دیا جا سکے۔
صارفین کا ڈیٹا کیسے محفوظ رہے گا؟
گوگل کا کہنا ہے کہ گوگل سیلفی ویڈیو فیچر کے تحت محفوظ کی جانے والی ویڈیوز جدید انکرپشن ٹیکنالوجی کے ذریعے محفوظ رکھی جائیں گی۔ اس کے علاوہ صارفین کو یہ اختیار بھی حاصل ہوگا کہ وہ اپنے گوگل اکاؤنٹ کے ڈیش بورڈ سے کسی بھی وقت اپنی محفوظ کردہ سیلفی ویڈیو حذف کر سکیں۔
فیچر کہاں دستیاب ہوگا؟
کمپنی کے مطابق اس نئے فیچر کا اجرا مرحلہ وار کیا جا رہا ہے، جس کے باعث یہ دنیا بھر کے صارفین تک بتدریج پہنچے گا۔
اگر آپ کے اکاؤنٹ میں یہ سہولت دستیاب ہو تو اسے فعال کرنے کے لیے گوگل اکاؤنٹ کی Settings میں جائیں، پھر Security & Sign-in کے آپشن کو منتخب کریں اور وہاں موجود Selfie Video فیچر کو آن کر کے اسکرین پر دی گئی ہدایات پر عمل کریں۔
ماہرین کے مطابق مصنوعی ذہانت پر مبنی فراڈ میں اضافے کے بعد بایومیٹرک تصدیقی نظام آن لائن اکاؤنٹس کے تحفظ کے لیے اہم کردار ادا کر سکتا ہے، جبکہ گوگل کا یہ اقدام صارفین کی ڈیجیٹل سیکیورٹی مزید مضبوط بنانے کی کوشش قرار دیا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع