ابھیشک شرما نے ٹی20 کرکٹ میں نیا ریکارڈ قائم کردیا
اشاعت کی تاریخ: 21st, January 2026 GMT
بھارتی کرکٹ ٹیم کے نوجوان بیٹر ابھیشک شرما نے نیوزی لینڈ کے خلاف سیریز کے پہلے میچ میں ٹی20 کرکٹ کا نیا ریکارڈ قائم کردیا اور دونوں ٹیموں کی شان دار بیٹنگ سے مجموعی اسکور کا نیا ریکارڈ بھی بن گیا۔
ناگپور میں کھیلے گئے ٹی20 سیریز کے پہلے میچ میں نیوزی لینڈ کے کپتان مچل سینٹنر نے ٹاس جیت کر میزبان بھارت کو پہلے بیٹنگ کی دعوت دی تو ان کا فیصلہ شروع میں درست دکھائی دیا تاہم ابھیشک شرما اور رینکو سنگھ بازی پلٹ دی۔
بھارت نے پہلے کھیلتے ہوئے مقررہ 20 اوورز میں 7 وکٹوں پر 238 رنز کا مجموعہ سجا دیا، جس میں ابھیشک شرما کی برق رفتار 35 گیندوں پر 84 رنز کی اننگز بھی شامل تھی۔
ابھیشک شرما نے ابتدائی 22 گیندوں میں 4 چوکوں اور 4 چھکوں کی مدد سے برق رفتار نصف سنچری بنائی، جو بھارت کی جانب سے نیوزی لینڈ کے خلاف تیز ترین نصف سنچری ہے، اس سے قبل کے ایل راہول اور سابق کپتان روہت شرما نے 23 گیندوں پر یہ ریکارڈ بنایا تھا۔
نوجوان بیٹر نے اس نصف سنچری کے ساتھ ٹی20 کرکٹ کی تاریخ میں بھی ایک نیا باب رقم کیا، جس کے لیے انہوں نے کپتان سوریا کمار یادیو، انگلینڈ کے فل سالٹ اور ویسٹ انڈیز کے ایون لیویس کا ریکارڈ توڑ دیا۔
ابھیشک شرما نے 25 یا اس سے کم گیندوں میں سب سے زیادہ 8 نصف سنچریاں بنانے کا ریکارڈ بنایا ہے، اس سے قبل سب سے زیادہ تیز ترین نصف سنچریاں بنانے کا ریکارڈ مشترکہ طور پر ابھیشک شرما سمیت دیگر بیٹرز کے پاس تھا۔
ٹی20 کرکٹ میں 25 یا اس سے کم گیندوں پر زیادہ نصف سنچریاں بنانے کا ریکارڈ دوسرے نمبر پر فل سالٹ، سوریا کمار یادیو اور ایون لیوس کے پاس ہے، جنہوں نے 7 تیزترین نصف سنچریاں بنا رکھی ہیں۔
بھارت نے نیوزی لینڈ کے خلاف 7 وکٹوں پر 238 رنز کا مجموعہ ترتیب دیا، جس میں ابھیشک شرما کے 35 گیندوں پر 84 رنز شامل تھے، جس کے لیے انہوں نے 5 چوکے اور 8 چھکے لگائے، رینکو سنگھ نے 20 گیندوں پر 4 چوکوں اور 3 چھکوں کی مدد سے 44 رنز بنائے اور کپتان سوریا کمار یادیو نے 22 گیندوں پر 32 رنز کی اننگز کھیلی۔
نیوزی لینڈ نے بڑے ہدف کے تعاقب میں گلین فلپ کے 4 چوکوں اور 6 چھکوں کی مدد سے 78 رنز اور مارک چیپمین کے 39 رنز کی بدولت 7 وکٹوں پر 190 رنز بنائے تاہم کیویز کو میچ میں 48 رنز سے شکست کھائی۔
ابھشک شرما کوریکارڈ جارحانہ بیٹنگ پر میچ کا بہترین کھلاڑی قرار دیا گیا۔
دونوں ٹیموں کی شان دار بیٹنگ کی وجہ سے میچ میں مجموعی طور پر 428 رنز بنے جو ٹی20 کرکٹ میں ایک ریکارڈ ہے، اس سے قبل زمبابوے اور گیمبیا نے 23 اکتوبر 2024 کو 344 رنز بنایا تھا جو ریکارڈ تھا۔
نیپال اور منگولیا کے درمیان 27 ستمبر 2023 کو کھیلے گئے ٹی20 میں مجموعی طور پر 314 رنز بنے تھے جو تیسرے نمبر پر سب سے بڑا اسکور ہے، چوتھے نمبر پر انگلینڈ اور جنوبی افریقہ کی جانب سے 12 ستمبر 2025 کو 304 رنز بنائے تھے، بھارت اور بنگلہ دیش کے درمیان 12 اکتوبر 2024 کو حیدرآباد میں کھیلے گئے میچ میں 297 رنز بنے تھے جو پانچویں نمبر پر سب سے زیادہ اسکور ہے۔
.
ذریعہ
ذریعہ: Express News
کلیدی لفظ: ابھیشک شرما نے نیوزی لینڈ کے نصف سنچریاں گیندوں پر کا ریکارڈ ٹی20 کرکٹ میچ میں
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار