شہر قائد لاشوں کا ڈھیر اور حادثات کا گڑھ بن چکا ہے‘ سنی تحریک
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) پاکستان سنی تحریک کے مرکزی سیکرٹری جنرل صاحبزادہ علامہ بلال سلیم قادری شامی نے شہر قائد میں ہونے والے حادثات اور واقعات کے حوالے سے گفتگو کرتے ہوئے کہا ہے کہ سندھ حکومت، شہری حکومت اور متعلقہ ادارے اگر اپنی آئینی، قانونی اور اخلاقی ذمہ داریاں دیانت داری سے ادا کرتے تو آج شہر قائد لاشوں کا ڈھیر اور حادثات کا گڑھ نہ بنتا۔ کراچی میں پیش آنے والے سانحہ گل پلازا سمیت تمام حادثات اتفاقیہ نہیں بلکہ مسلسل غفلت،نااہلی اور کرپشن کا شاخسانہ ہیں۔ انہوں نے کہا کہ مسائل اور حادثات کی اصل اور بنیادی وجہ یہ ہے کہ سندھ میں متعلقہ محکموں پر کوئی مؤثر چیک اینڈ بیلنس موجود نہیں۔ ادارے اپنی مرضی کے مالک بن چکے ہیں اور شہریوں کے جان و مال ان کے لیے کوئی حیثیت نہیں رکھتے۔ بلڈنگ کنٹرول، فائر بریگیڈ،کے ایم سی اور دیگر متعلقہ محکمے صرف کاغذی کارروائیوں اور فائلوں تک محدود ہو چکے ہیں جبکہ زمینی حقائق یہ ہیں کہ شہر میں موجود بیشتر عمارتیں کسی بھی بڑے حادثے کی صورت میں موت کے کنویں ثابت ہو سکتی ہیں۔ بلال سلیم قادری کا مزید کہنا تھا کہ سانحہ گل پلازا سے قبل بھی شہر میں درجنوں آگ لگنے، عمارتیں گرنے اور دیگر المناک واقعات پیش آ چکے ہیں جن میں قیمتی انسانی جانیں ضائع ہوئیں مگر افسوس کے ساتھ کہنا پڑتا ہے کہ سندھ حکومت اور شہری حکومت نے ان سانحات سے نہ سبق سیکھا اور نہ ہی اپنی روش تبدیل کی۔
ذریعہ
ذریعہ: Jasarat News
پڑھیں:
سعودی عرب ابراہام معاہدوں میں شامل ہوا تو یہ تاریخی پیش رفت ہوگی؛ اسرائیلی وزیراعظم
امریکی صدر ڈونلڈ ٹرمپ نے سعودی عرب کے ساتھ جوہری معاہدے کے لیے اسرائیل سے تعلقات کی بحالی سے مشروط کردیا۔
عالمی خبر رساں ادارے کے مطابق اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہام معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک ’’تاریخی جست‘‘ ثابت ہوگی۔
نیتن یاہو نے اپنے بیان میں مزید کہا کہ سعودی عرب کی ابراہام معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام اور تعاون کے امکانات بھی بڑھ جائیں گے۔
خیال رہے کہ اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے سول جوہری پروگرام کو اسرائیل سے تعلقات معمول پر لانے سے مشروط کرنے کے بعد سامنے آیا ہے۔
کچھ دیر قبل ہی امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی منظوری اس وقت تک نہیں دی جائے گی جب تک سعودیہ ابراہام معاہدوں میں شامل نہیں ہوجاتا۔
صدر ڈونلڈ ٹرمپ نے اپنی پوسٹ میں یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیم افزودگی کی اجازت نہیں دی جائے گی۔
یاد ہے کہ ایک روز قبل جب جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب کے اسرائیل سے تعلقات معمول پر لانے کی شرط سے نہیں جوڑا تھا تاہم بعد میں انھوں نے واضح کیا کہ دونوں معاملات ایک دوسرے سے منسلک ہیں۔
ادھر سعودی حکومت نے تاحال صدر ٹرمپ کے تازہ بیان پر کوئی باضابطہ ردعمل نہیں دیا تاہم ریاض متعدد مواقع پر واضح کرچکا ہے کہ وہ اس وقت تک اسرائیل کو تسلیم نہیں کرے گا جب تک فلسطینی ریاست کے قیام کے لیے قابلِ عمل اور واضح راستہ موجود نہ ہو۔
سعودی عرب کا مؤقف رہا ہے کہ 1967 کی سرحدوں کی بنیاد پر آزاد فلسطینی ریاست کا قیام، مشرقی یروشلم کو اس کا دارالحکومت بنانا اور فلسطینی عوام کے جائز حقوق کا تحفظ اسرائیل سے تعلقات کی بحالی کے لیے بنیادی شرائط ہیں۔
ابراہام معاہدے کیا ہیں؟
ابراہام معاہدے 2020 میں امریکی ثالثی کے تحت طے پائے تھے جن کے نتیجے میں متحدہ عرب امارات، بحرین، سوڈان اور مراکش نے اسرائیل کے ساتھ سفارتی تعلقات قائم کیے۔ بعد ازاں قازقستان نے بھی معاہدے کی حمایت کا اعلان کیا تاہم سعودی عرب اب تک اس کا حصہ نہیں بنا۔
ان معاہدوں کا مقصد اسرائیل کے عرب و مسلم ممالک کے ساتھ سفارتی، اقتصادی اور سکیورٹی تعاون کو فروغ دینا تھا لیکن غزہ جنگ اور فلسطینی مسئلے کے باعث سعودی عرب نے اسرائیل کے ساتھ تعلقات معمول پر لانے کا عمل روک رکھا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا