سنجھورو، پولیس کے خوف سے مبینہ ڈاکو کی خودکشی ، ورثا سراپا احتجاج
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
سنجھورو(نمائندہ جسارت)سنجھورو تھانے کی حد کنگ پٹی موری پر مبینہ پولیس مقابلہ،ارشد عرف آرشو کھورکھانی کی مبینہ خودکشی سنجھورو شہرمیں مکمل شٹر ڈاؤن ہڑتال ورثا کا لاش سمیت بچل چوک پر دھرنا ایس ایچ او سنجھورو پر قتل کی ایف آئی آر درج کی جائے ورثا کا مطالبہ۔ تفصیلات کے مطابق ایس ایچ او سنجھورو رحم حسین واسوانو کے مطابق کل شام ہم اپنی روزانہ روٹین کے مطابق اسنپ چیکنگ کے لیے کھڑے تھے کہ ارشد المعروف ارشو کھورکھانیاور مزمل راجپوت کے ساتھ کنگ پٹی موری سے شہدادپور کی طرف جارہے تھے کہ کنگ پٹی موری پر موجود پولیس پکٹ پر ناکابندی کو دیکھ کر گھبرا کر انہوں نے موٹر سائیکل کی اسپیڈ تیز کردی اور جنوب کی طرف گائوں کی جانب رخ کیا جب پولیس نے پیچھا کیا تو ارشد المعروف ارشو کھورکانی نے پولیس پر فائرنگ کی مزمل راجپوت موٹر سائیکل چلا رہا تھا کہ ارشد کھورکھانی پیچھے بیٹھا تھا دونوں سیم نالے کی مٹی اڑاتے ہوئے شاخ پر مقیم رند برادری کے گھر کے نزدیک پہنچے ارشد عرف آرشو کھورکھانی جلدی میں موٹر سائیکل سے اتر کر پلال میں چھپ گیا جبکہ پولیس نے مزمل راجپوت کو گرفتار کرلیا۔ پولیس نے پلال کو چاروں طرف سے گھیر لیا تھا اور انہیں گرفتاری دینے کا کہا اور پلال کو آگ لگانے کا خوف دیا جس کے بعد اندر سے فائرنگ کی آواز آئی اور ارشو کھورکانی نے کہا مجھے گرفتار نہ کرو میں نے اپنے آپ کو گولی مارلی ہے جس کے بعد سنجھورو پولیس نے زخمی ارشد کھورکھانی کو فوری طور پر طبی امداد کے لیے سول اسپتال سانگھڑ منتقل کیا جہاں سے انہیں نوابشاہ ریفر کیا گیا جہاں پر وہ زخموں کے تاب نہ لاتے ہوئے وفات پاگیا۔ ایس ایچ او رحم حسین واسوانو نے کہا کہ ارشد کھورکھانی نامی گرامی ڈاکو تھا اس کے اوپر متعدد کیس داخل ہیں ۔ایس ایچ او سنجھورو رحم حسین واسوانو نے کہا کہ ارشد کھورکھانی نے گرفتاری کے خوف سے اپنے آپ کو گولی ماری تھی جبکہ دوسری طرف مقتول آرشو کھورکھانی کے ورثا نے سنجھورو پولیس پر الزام لگاتے ہوئے نعش سمیت بچل چوک پر دھرنا دیا اور کہا کہ سنجھورو پولیس نے آرشو کو 8 میل موری سے پکڑ کر کنگ پٹی موری پر مار کر پولیس مقابلہ دکھایا ہے۔ ورثا نے مطالبہ کیا ہے کہ ایس ایچ او سنجھورو پر قتل کی ایف آئی آر درج کی جائے جبکہ دوسری جانب سنجھورو پولیس کی جانب سے ارشد کھورکھانی کا کرمنل ریکارڈ جاری کیا ہے جس کے مطابق آرشو کھورکھانی پر جھول سنجھورو سانگھڑ ٹنڈوآدم تھانہ پر درج مقدمات کی ایف آئی آرز کا ریکارڈ جاری کیا گیا ہے۔
ذریعہ
ذریعہ: Jasarat News
کلیدی لفظ: ا رشو کھورکھانی ارشد کھورکھانی سنجھورو پولیس کنگ پٹی موری کے مطابق پولیس نے کہ ارشد
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے