بیرون ملک سے پرانے اور استعمال شدہ برانڈڈ موبائل فونز کی درآمد پر نئی کسٹمز ویلیوز مقرر
اشاعت کی تاریخ: 22nd, January 2026 GMT
اسلام آباد:
فیڈرل بورڈ آف ریونیو(ایف بی آر) نے بیرون ملک سے پرانے اور استعمال شدہ برانڈڈ موبائل فونز کی درآمد پر نئی کسٹمز ویلیوز مقرر کر دی ہیں۔
فیڈرل بورڈ آف ریونیو کے ماتحت ادارے ڈائریکٹوریٹ جنرل آف کسٹمز ویلیوایشن کراچی نے بیرون ملک سے درآمد ہونے والے پرانے اور استعمال شدہ موبائل فونز کے لیے نئی کسٹمز ویلیوز مقرر کی ہیں، یہ نئی ویلیوز صرف پرانے اور ری فربشڈ موبائل فونز پر لاگو ہوں گی۔
ڈائریکٹوریٹ جنرل آف کسٹمز ویلیوایشن کراچی کی جاری کردہ نئی ویلیو ایشن پر نظر ثانی کے لیے نوٹیفکیشن کے اجرا کی تاریخ کے بعد 30 دن کے اندر اندر پٹیشن دائر کی جاسکتی ہے یہ پٹیشن ڈائریکٹوریٹ جنرل آف کسٹمز ویلیوایشن کراچی کے پاس دائر کی جاسکے گی۔
ڈائریکٹوریٹ جنرل آف کسٹمز ویلیوایشن کراچی کی جاری کردہ نئی ویلیو ایشن کے نتیجے میں ان فونز پر عائد مجموعی پی ٹی اے ٹیکس میں نمایاں کمی دیکھنے میں آئے گی اور اس فیصلے سے ایپل، سام سنگ، گوگل اور ون پلس سمیت کئی مقبول اسمارٹ فون برانڈز متاثر ہوئے ہیں۔
نئی کسٹمز ویلیوز کے تحت پاکستان میں آئی فون 15 سیریز پر عائد پی ٹی اے ٹیکس کی تفصیلات کے مطابق آئی فون 15 کی امریکی مارکیٹ میں لانچ قیمت 799 ڈالر تھی تاہم اس وقت یہ فون استعمال شدہ یا ری فربشڈ حالت میں 300 سے 400 ڈالر کے درمیان دستیاب ہے، اوسط قیمت 350 ڈالر تصور کی جائے تو یہ پاکستانی روپے میں تقریباً 97 ہزار 800 روپے بنتی ہے۔
اسی طرح نئی کسٹمز ویلیوز کے مطابق اس قیمت پر آئی فون 15 پر پی ٹی اے ٹیکس سی این آئی سی کے تحت 34 ہزار 101 روپے جبکہ پاسپورٹ کے تحت 31 ہزار 640 روپے بنتا ہے، جس کے بعد اس فون کی مجموعی قیمت تقریباً ایک لاکھ 30 ہزار روپے یا اس سے زائد ہو سکتی ہے۔
رپورٹ کے مطابق استعمال شدہ آئی فون 15 پلس کی متوقع قیمت 370 ڈالر ہے جو پاکستانی روپے میں تقریباً ایک لاکھ 3 ہزار 465 روپے بنتی ہے، اس فون پر پی ٹی اے ٹیکس سی این آئی سی کے ذریعے 46 ہزار 68 روپے جبکہ پاسپورٹ کے ذریعے 40 ہزار 448 روپے ہوگا، جس کے بعد اس کی مجموعی مارکیٹ قیمت تقریباً ایک لاکھ 45 ہزار روپے یا اس سے زیادہ متوقع ہے۔
آئی فون 15 پرو کی اوسط قیمت 400 ڈالر یعنی تقریباً ایک لاکھ 11 ہزار 400 روپے سمجھی جا رہی ہے، نئی کسٹمز ویلیوز کے مطابق اس ماڈل پر پی ٹی اے ٹیکس سی این آئی سی پر 47 ہزار 580 روپے اور پاسپورٹ پر 41 ہزار 960 روپے بنتا ہے، جس کے بعد اس فون کی مجموعی قیمت تقریباً ایک لاکھ 55 ہزار روپے یا اس سے زائد ہو سکتی ہے۔
تفصیلات کے مطابق آئی فون 15 پرو میکس پر پی ٹی اے ٹیکس سی این آئی سی کے تحت 50 ہزار 604 روپے اور پاسپورٹ کے تحت 44 ہزار 984 روپے مقرر کیا گیا ہے، جس کے بعد اس فون کی مجموعی قیمت تقریباً ایک لاکھ 75 ہزار روپے تک پہنچنے کا امکان ہے۔
مزید بتایا گیا کہ نئی کسٹمز ویلیوز کے باعث استعمال شدہ آئی فونز پاکستانی صارفین کے لیے نسبتاً زیادہ قابل رسائی ہو گئے ہیں جس سے مارکیٹ میں ان فونز کی طلب میں اضافے کی توقع کی جا رہی ہے۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان پاکستان کھیل نئی کسٹمز ویلیوز کے جس کے بعد اس موبائل فونز استعمال شدہ ہزار روپے پرانے اور کی مجموعی آئی فون 15 کے مطابق ایک لاکھ کے تحت اس فون اور اس
پڑھیں:
5 دنوں میں پٹرول اور ڈیزل اوسطاً 54 روپے بڑھا دیا گیا: تیمور جھگڑا
تیمور جھگڑا - فوٹو: فائلاپوزیشن اتحاد تحریک تحفظ آئین پاکستان کے رہنماؤں نے کہا ہے کہ 5 دنوں میں پٹرول اور ڈیزل اوسطاً 54 روپے بڑھایا گیا ہے۔
اسلام آباد میں پریس کانفرنس کرتے ہوئے تیمور سلیم جھگڑا کا کہنا تھا کہ پٹرول کی قیمت بڑھانے پر وزیراعظم کی بجائے وزیر پیٹرولیم قیمت بتاتے رہے ہیں، جب وفاقی وزرا تھک گئے تو اوگرا کو کہا کہ آپ خود قیمتیں ایڈجسٹ کریں گے۔
پٹرول کی قیمتیں روزانہ بڑھائی جا رہی ہے، گزشتہ 5 دنوں میں پیٹرول اور ڈیزل اوسطاً 54 روپے بڑھایا گیا ہے۔
پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کردیا گیا ہے: نوٹیفکیشن
انہوں نے کہا کہ بھارت میں پیٹرول 293 روپے، ڈیزل 274 روپے لیٹر تھا جو تبدیل نہیں کیا گیا۔
اس دوران سابق گورنر سندھ محمد زبیر عمر کا کہنا تھا کہ ہمیں تحفظات ہیں، آئی ایم کے ساتھ جو معاہدہ کیا جارہا ہے وہ کیا ہے؟
انہوں نے کہا کہ امریکا سے 10 بلین ڈالر ملیں گے تو بتایا جائے کہ کیا بات ہوئی، بتایا جائے یہ کس مد میں پاکستان کو ملیں گے؟
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار