دھنا شری ورما سے علیحدگی کے بعد یوزویندر چاہل کو ایک اور جھٹکا، آر جے مہوش سے بھی رابطے منقطع ہوگئے
اشاعت کی تاریخ: 22nd, January 2026 GMT
بھارتی کرکٹر یوزویندر چاہل اور آر جے مہوش نے انسٹاگرام پر ایک دوسرے کو ان فالو کر کے سوشل میڈیا پر نئی بحث چھیڑ دی ہے۔ یہ پیش رفت ان دونوں کے درمیان گردش کرنے والی طویل عرصے سے جاری ڈیٹنگ افواہوں کے بعد سامنے آئی ہے۔
اگرچہ یوزویندر چاہل یا آر جے مہوش کی جانب سے اس معاملے پر تاحال کوئی باضابطہ بیان جاری نہیں کیا گیا تاہم ان کے سوشل میڈیا پروفائلز سے واضح ہوتا ہے کہ دونوں اب ایک دوسرے کو فالو نہیں کر رہے۔ اس حوالے سے اسکرین شاٹس بھی سوشل میڈیا پر گردش کر رہے ہیں جس کے بعد ان کے تعلقات کی نوعیت پر ایک بار پھر سوالات اٹھنے لگے ہیں۔
View this post on Instagram
A post shared by people of milky way (@people.
اس اقدام کے بعد مختلف سوشل میڈیا پلیٹ فارمز، بالخصوص ریڈٹ اور انسٹاگرام پر صارفین کی جانب سے قیاس آرائیاں کی جا رہی ہیں۔ کچھ صارفین کا کہنا ہے کہ دونوں کے درمیان تعلق محض دوستی تک محدود تھا جبکہ دیگر افراد اس ان فالو کو کسی ممکنہ اختلاف یا تعلق کے خاتمے سے جوڑ رہے ہیں۔
واضح رہے کہ یوزویندر چاہل اس وقت خبروں میں آئے تھے جب ان کی کوریوگرافر اور رئیلٹی شو اسٹار دھناشری ورما سے طلاق کی خبریں منظرِ عام پر آئیں۔ طلاق کو حتمی شکل دیے جانے کے بعد چہل کو آر جے مہوش کے ہمراہ مختلف مواقع پر دیکھا گیا، جن میں آئی پی ایل میچز کے دوران ان کی موجودگی اور چند نجی ملاقاتیں شامل تھیں۔ اس کے باعث دونوں کے درمیان قریبی تعلقات کی افواہیں زور پکڑ گئیں۔
یہ بھی پڑھیں: ’ایک دوسرے کے کیمرا مین لگ رہے‘، یوزویندر چاہل اور آر جے مہوش کی لندن میں سیر کی تصاویر وائرل
تاہم، یوزویندر چہل نے گزشتہ برس ایک پوڈکاسٹ میں ان افواہوں کی واضح طور پر تردید کرتے ہوئے کہا تھا کہ ان کے اور آر جے مہوش کے درمیان کوئی رومانوی تعلق نہیں ہے۔ انہوں نے اس بات کا بھی اظہار کیا تھا کہ ان افواہوں کے باعث مہوش کو شدید تنقید اور ذاتی حملوں کا سامنا کرنا پڑا، جو ان کے لیے تکلیف دہ تھا۔
یاد رہے کہ یوزویندر چاہل اور دھناشری ورما نے 2020 میں شادی کی تھی، تاہم 2024 میں دونوں کے درمیان علیحدگی ہو گئی، جس کے بعد گزشتہ سال ان کی طلاق کو قانونی طور پر حتمی شکل دے دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آر جے مہوش بھارتی کھلاڑی یوزویندر چاہل
ذریعہ
ذریعہ: WE News
کلیدی لفظ: ا ر جے مہوش بھارتی کھلاڑی یوزویندر چاہل دونوں کے درمیان سوشل میڈیا آر جے مہوش کے بعد
پڑھیں:
پاکستان ویسٹ انڈیز ٹیسٹ سیریز کی ٹرافی کی رونمائی، پہلا میچ کل سے شروع ہوگا
پاکستان اور ویسٹ انڈیز کے درمیان 2 ٹیسٹ میچوں پر مشتمل سیریز کی ٹرافی کی باضابطہ رونمائی کر دی گئی۔
پاکستانی ٹیم کے کپتان بابر اعظم اور ویسٹ انڈیز کے کپتان روومن پاول نے مشترکہ طور پر سیریز کی ٹرافی کی نقاب کشائی کی۔ تقریب ٹرینیڈاڈ میں واقع برائن لارا کرکٹ اکیڈمی میں منعقد ہوئی، جہاں دونوں کپتانوں نے ٹرافی کے ساتھ تصاویر بھی بنوائیں۔
پاکستان ویسٹ انڈیز ٹیسٹ سیریز
پاکستان اور ویسٹ انڈیز ٹیسٹ سیریز کے ٹرافی کی رونمائی کر دی گئی
کپتان بابر اعظم اور ویسٹ انڈیز کے کپتان روسٹن چیز نے ٹیسٹ سیریز کے ٹرافی کی رونمائی کی
ٹرافی کی رونمائی برائن لارا کرکٹ اکیڈمی میں کی گئی
دونوں ٹیموں کے درمیان پہلا ٹیسٹ میچ 25… pic.twitter.com/jw64f4bqZp
— PCB Media (@TheRealPCBMedia) July 24, 2026
پاکستان اور ویسٹ انڈیز کے درمیان ٹیسٹ سیریز کا پہلا میچ 25 جولائی سے شروع ہوگا۔ دونوں ٹیمیں سیریز کے آغاز سے قبل اپنی تیاریوں کو حتمی شکل دے رہی ہیں اور شائقین کو دلچسپ مقابلوں کی توقع ہے۔
کرکٹ ماہرین کے مطابق دونوں ٹیموں کے درمیان ٹیسٹ سیریز نہ صرف آئی سی سی ورلڈ ٹیسٹ چیمپئن شپ کے تناظر میں اہمیت رکھتی ہے بلکہ نوجوان اور تجربہ کار کھلاڑیوں کی کارکردگی بھی شائقین کی توجہ کا مرکز رہے گی۔ پاکستانی ٹیم سیریز میں عمدہ آغاز کرتے ہوئے ویسٹ انڈیز کی سرزمین پر کامیابی حاصل کرنے کے لیے پرعزم ہے، جبکہ میزبان ٹیم بھی ہوم گراؤنڈ کا بھرپور فائدہ اٹھانے کی کوشش کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برائن لارا پاکستان ٹرافی ٹیسٹ سیریز ویسٹ انڈیز
بھارت سے جنگ اور افغانستان میں کارروائی خارج ازامکان نہیں، وزیردفاع