ایلون مسک کی ایکس اے آئی نے گروک سے ویڈیو جنریشن اپ ڈیٹ کردی
اشاعت کی تاریخ: 22nd, January 2026 GMT
ایلون مسک کی مصنوعی ذہانت کمپنی ایکس اے آئی نے اپنے چیٹ بوٹ گروک میں ویڈیو جنریشن فیچر گروک امیجن کو اپ گریڈ کرتے ہوئے 10 سیکنڈ کی ویڈیوز بنانے کی سہولت متعارف کرا دی ہے، جس میں بصری معیار، روانی اور آڈیو ہم آہنگی کو نمایاں طور پر بہتر بنایا گیا ہے۔
کمپنی کے مطابق نئے اپ ڈیٹ کے بعد گروک امیجن زیادہ واضح ویژولز، باریک تفصیلات اور مضبوط آڈیو آؤٹ پٹ کے ساتھ ویڈیوز تیار کرتا ہے۔ اس فیچر کو آئندہ چند دنوں میں عالمی سطح پر مختلف پلیٹ فارمز پر صارفین کے لیے دستیاب کیا جائے گا۔
یہ بھی پڑھیں: گوگل کے نئے اے آئی ماڈل نے ویڈیو جنریشن میں انقلاب برپا کردیا
نئے فیچر کے ذریعے صارفین چیٹ بوٹ کے اندر ہی طویل ویڈیو کلپس بنا سکتے ہیں، جس سے اضافی ٹولز کی ضرورت ختم ہو گئی ہے۔ اس اپ ڈیٹ کے بعد ویڈیو کی زیادہ سے زیادہ مدت 10 سیکنڈ کر دی گئی ہے، جبکہ اس سے قبل صارفین صرف 5 سیکنڈ کی ویڈیوز تک محدود تھے۔
ایکس اے آئی کے مطابق ویڈیو کی مدت میں اضافے کے ساتھ ساتھ ویڈیو اور آڈیو کوالٹی میں بھی بہتری لائی گئی ہے، تاہم فی الحال صارفین کو ویڈیو کی درست مدت خود طے کرنے کا اختیار دستیاب نہیں۔ کمپنی نے مستقبل میں مزید اپ ڈیٹس متعارف کرانے کا عندیہ دیا ہے۔
گروک ایپ اور ویب کے ذریعے یہ ٹول فی الحال مفت دستیاب ہے، اور تیز رفتار ویڈیو جنریشن کی وجہ سے مواد تخلیق کرنے والوں میں مقبول ہو رہا ہے۔ ابتدائی صارفین اسے سوشل میڈیا کے لیے فوری اور تخلیقی ویڈیوز بنانے کا مؤثر ذریعہ قرار دے رہے ہیں۔
گروک امیجن سے ویڈیو بنانے کا طریقہگروک امیجن کے ذریعے ویڈیو بنانے کے لیے صارفین درج ذیل مراحل پر عمل کر سکتے ہیں۔
سب سے پہلے ایکس پلیٹ فارم یا ایکس اے آئی کے سپورٹڈ پلیٹ فارمز پر گروک چیٹ بوٹ کھولیں۔
اس کے بعد ویڈیو جنریشن کے لیے امیجن فیچر کو فعال کریں۔
اب مکمل منظر، انداز اور ایکشن کی وضاحت کرتے ہوئے تفصیلی ٹیکسٹ پرامپٹ درج کریں۔
یہ بھی پڑھیں: امریکی سول سوسائٹی گروپس کا ایکس اور گروک کو ایپ اور پلے اسٹور سے ہٹانے کا مطالبہ
پرامپٹ جمع کروانے کے بعد گروک خودکار طور پر 10 سیکنڈ تک کی ویڈیو تیار کرے گا۔
ویڈیو تیار ہونے کے بعد صارف آؤٹ پٹ کا جائزہ لے سکتا ہے اور بہتر نتائج کے لیے پرامپٹ میں تبدیلی بھی کر سکتا ہے۔
آخر میں ویڈیو کو ڈاؤن لوڈ یا براہ راست شیئر کیا جا سکتا ہے، جس میں بہتر آڈیو اور ویڈیو کوالٹی شامل ہوتی ہے۔
ماہرین کے مطابق گروک امیجن کی یہ نئی پیش رفت جنریٹو ویڈیو کے شعبے میں ایک اہم سنگ میل ہے اور آنے والے وقت میں یہ ٹیکنالوجی ڈیجیٹل مواد سازی میں نمایاں تبدیلی لا سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایکس اے آئی ایلون مسک گروک ویڈیو جنریشن.
ذریعہ
ذریعہ: WE News
کلیدی لفظ: ایکس اے ا ئی ایلون مسک گروک ویڈیو جنریشن ویڈیو جنریشن ایکس اے ا ئی گروک امیجن کے بعد کے لیے
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار