پہلا ون ڈے: سری لنکا نے انگلینڈ کو 19رنزسے شکست دے دی
اشاعت کی تاریخ: 22nd, January 2026 GMT
data-id="863a0a8" data-element_type="widget" data-widget_type="theme-post-content.default">
کولمبو: سری لنکا نے انگلینڈ کو پہلے ون ڈے میں 19 رنز سے شکست دے دی۔
سری لنکا نے پہلے کھیلتے ہوئے 6 وکٹوں کے نقصان پر 271 رنز بنائے، کوسل مینڈس بغیر آؤٹ ہوئے 93 رنز بنا کر نمایاں رہے، جینتھ لیانگے نے 46، کمیل مشرا 27 رنز بنا کر پویلین لوٹے۔انگلینڈ کی جانب سے عادل رشید نے 10 اوورز میں 44 رنز دے کر 3 کھلاڑیوں کو آؤٹ کیا، ریحان احمد، لیام ڈاؤسن، سیم کرن ایک ایک وکٹ لے سکے۔
272 رنز کے ہدف کے تعاقب میں انگلینڈ کی ٹیم 252 رنز بنا سکی، انگلینڈ کی جانب سے بین ڈیکٹ 62 اور جو روٹ 61 رنز بنا کر نمایاں رہے۔جیمی اوورٹن نے 34اور ریحان احمد نے 27 رنز بنائے، جوش بٹلر نے 19 اور جیکب بیتھل نے 15 رنز بنائے۔
سری لنکا کی جانب سے پرمود مدھوشن نے 3، ڈونتھ ولینگے اور جیفری وینڈرسے نے 2، 2 جبکہ چریتھ اسالانکا، دھننجے ڈی سلوا اور اسیتھا فرنینڈو نے ایک ایک کھلاڑی کو آؤٹ کیا۔سری لنکا کو تین میچوں کی سیریز میں 0-1 کی برتری حاصل ہو گئی۔
ذریعہ
ذریعہ: Jasarat News
کلیدی لفظ: سری لنکا
پڑھیں:
کراچی، ہل پارک کے اطراف میں غیر قانونی تعمیرات کے خلاف آپریشن، پلاٹس مسمار
کراچی:شہر قائد میں ہل پارک کے اطراف پہاڑی علاقے کو کاٹ کر کی جانے والی غیرقانونی تعمیرات کے خلاف رات گئے بڑا آپریشن کیا گیا جس میں ہیوی مشینری کی مدد سے متعدد تعمیرات کو مسمار کر دیا گیا۔
میئر کراچی بیرسٹر مرتضیٰ وہاب کی ہدایت پر شروع ہونے والی اس کارروائی کے دوران متنازعہ پلاٹ پر بنی باؤنڈری وال سمیت کئی غیرقانونی ڈھانچے گرا دیے گئے۔ کارروائی ڈائریکٹر انکروچمنٹ شیر علی کی نگرانی میں محکمہ لینڈ کے عملے نے انجام دی۔
ترجمان کے ایم سی کے مطابق ہل پارک کے اطراف سے تمام غیرقانونی تعمیرات کا خاتمہ کر دیا گیا ہے اور علاقے کو تجاوزات سے مکمل طور پر صاف کر دیا گیا ہے۔
دوسری جانب میئر کراچی نے سیکریٹری وزارت ہاؤسنگ اینڈ ورکس کو خط لکھ کر پلاٹ نمبر 39 جی فور بلاک 6 کا مکمل ریکارڈ طلب کر لیا ہے۔
ذرائع کے مطابق مذکورہ پلاٹ کے حوالے سے پی ای سی ایچ ایس کی جانب سے لیز دینے کے دعوے سامنے آ رہے ہیں جس پر مزید جانچ پڑتال جاری ہے۔
انتظامیہ کا کہنا ہے کہ شہر میں غیرقانونی تعمیرات کے خلاف بلاامتیاز کارروائی جاری رہے گی تاکہ سرکاری و محفوظ علاقوں پر قبضے کی کسی بھی کوشش کو روکا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ