امریکا نے غزہ پیس بورڈ کے بعد’نیوغزہ’ کا منصوبہ پیش کر دیا
اشاعت کی تاریخ: 23rd, January 2026 GMT
data-id="863a0a8" data-element_type="widget" data-widget_type="theme-post-content.default">
امریکا نے غزہ پیس بورڈ کے اعلان کے بعد غزہ کی تعمیرِ نو کے لیے بھی ایک منصوبہ پیش کر دیا ہے۔
امریکی صدر ڈونلڈ ٹرمپ کی جانب سے غزہ پیس بورڈ کے اجرا کے بعد ان کے داماد جیرڈ کشنر نے سوئٹزرلینڈ میں عالمی اقتصادی فورم کے دوران غزہ کی تعمیرِ نو کا منصوبہ ’نیو غزہ‘ پیش کیا۔
کشنر کے مطابق دو سالہ جنگ کے دوران تقریباً 90 ہزار ٹن گولہ بارود استعمال ہوا، جس کے نتیجے میں ہزاروں افراد جاں بحق ہوئے اور غزہ میں 60 ملین ٹن سے زائد ملبہ جمع ہو گیا۔ انہوں نے کہا کہ جنگ بندی کے دوسرے مرحلے میں غزہ کی تعمیر نو کا آغاز کیا جائے گا۔
برطانوی خبر ایجنسی کے مطابق جیرڈ کشنر کا کہنا تھا کہ صدر ٹرمپ کے مطابق یہ تمام اقدامات غزہ کے عوام کے مفاد میں ہوں گے۔ منصوبے کے تحت غزہ کو مختلف زونز میں تقسیم کیا جائے گا اور تعمیر نو کا آغاز رفح سے کیا جائے گا، جہاں مزدوروں کے لیے رہائشی سہولیات فراہم کی جائیں گی۔ انہوں نے بتایا کہ ملبہ ہٹانے کا عمل پہلے ہی شروع ہو چکا ہے اور اس کے بعد ایک نیا، ترقی یافتہ غزہ سامنے آئے گا جہاں صنعتوں کے قیام سے نئی امید جنم لے گی۔
کشنر نے ایک سلائیڈ شو کے ذریعے ’نیو غزہ‘ کا ماسٹر پلان بھی پیش کیا، جس میں رہائشی علاقوں، ڈیٹا سینٹرز اور صنعتی پارکس کے لیے مخصوص زونز دکھائے گئے۔ سلائیڈز میں بحیرۂ روم کے ساحل پر دبئی یا سنگاپور طرز کے بلند و بالا جدید ٹاورز کی جھلک بھی شامل تھی۔
انہوں نے مزید کہا کہ آنے والے ہفتوں میں واشنگٹن میں ایک کانفرنس منعقد کی جائے گی، جہاں نجی شعبے کی جانب سے ممکنہ عطیات کا اعلان کیا جائے گا۔
تاہم خبر ایجنسی کے مطابق امریکی منصوبے میں کئی اہم امور واضح نہیں کیے گئے، جن میں جائیداد کے حقوق، جنگ کے دوران اپنے گھر، کاروبار اور روزگار سے محروم ہونے والے فلسطینیوں کو معاوضہ، اور تعمیر نو کے دوران بے گھر ہونے والے افراد کی عارضی رہائش جیسے بنیادی سوالات شامل ہیں۔
ذریعہ
ذریعہ: Jasarat News
کلیدی لفظ: کیا جائے گا کے دوران کے مطابق کے بعد
پڑھیں:
27 مئی تا یکم جون عید تعطیلات، ریلوے کی آمدن میں خاطرہ خواہ اضافہ
عیدالاضحیٰ کی تعطیلات کے دوران پاکستان ریلوےکو(pakstan railways) کو 90کروڑ 30 لاکھ روپے سے زائد کمائی ہوئی، 4 لاکھ سے زائد مسافروں نے ٹرین سے سفر کیا ۔
27 مئی سے یکم جون کے دوران ریلویز نے 90 کروڑ تیس لاکھ روپے کمائے۔ 27 جون کو 8 کروڑ 70 لاکھ ،28 جون کو 13 کروڑ 80 لاکھ روپے ریلوے کی کمائی میں آئے ۔
مزید پڑھیں:حکمران ہم سے خوفزدہ، ہمارا فوکس بانی پی ٹی آئی کی رہائی ہے، علیمہ خان
29 مئی کو 14 کروڑ 80 لاکھ اور 30 مئی کو ریلوے نے 17 کروڑ روپے کمائے۔ 31 مئی کو 16 کروڑ 70 لاکھ اور یکم جون کو پاکستان ریلوے نے 19 کروڑ 30 لاکھ کمائے ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ