شہریوں نے غزہ بورڈ آف پیس میں پاکستان کی شمولیت کو خوش آئند قرار دے دیا
اشاعت کی تاریخ: 23rd, January 2026 GMT
پاکستانی عوام نے فلسطین میں امن اور استحکام کے لیے غزہ بورڈ آف پیس میں پاکستان کی شمولیت کو خوش آئند قرار دے دیا۔
غزہ بورڈ آف پیس میں پاکستان کی شمولیت خطے میں پائیدار امن اور خود مختار فلسطینی ریاست کے قیام کی کوششوں کو تقویت دے گی۔
شہریوں کا کہنا تھا کہ پاکستان نے عالمی سطح پر امن و امان کے قیام اور فروغ کے لیے کیے گئے اقدامات کی ہمیشہ بھرپور حمایت کی ہے۔
اس حوالے سے شہری نے کہا کہ غزہ بورڈ آف پیس سے فلسطین میں امن و استحکام اور ترقی آئے گی، غزہ میں امن کے لیے پاکستان نے ہمیشہ کلیدی کردار ادا کیا ہے اور فیلڈ مارشل سید عاصم منیر نے غزہ میں امن کے قیام کے لیے اہم کردار ادا کیا ہے۔
ایک شہری کا کہنا تھا کہ پاکستان کی وجہ سے اسلامی دنیا بیدار ہوئی اور پاکستانی حکومت کو نڈر اور بہادر قرار دیا جا رہا ہے، غزہ بورڈ آف پیس سے فلسطین کی آزاد اور خود مختار ریاست کے قیام اور ترقی کی راہ بھی ہموار ہوگی۔
ایک اور شہری کا کہنا تھا کہ پاکستان نے ہمیشہ امن اور خوشحالی کے لیے عالمی سطح پر مؤثر کردار ادا کیا ہے، پاکستان کی اہمیت اس قدر بڑھ چکی ہے کہ دنیا ہمیں غزہ بورڈ آف پیس میں شمولیت کی دعوت دے رہی ہے۔ پاکستان نے ہمیشہ چاہے مسئلہ کشمیر ہو یا مسئلہ فلسطین تمام تنازعات پر اصولی اور ٹھوس مؤقف اپنایا ہے۔
شہری کا کہنا تھا کہ بطور مسلمان غزہ کے مظلوم مسلمانوں کی خدمت کرنے کا دیرینہ خواب بھی پورا ہو رہا ہے، یہ قوم کے لیے اعزاز کی بات ہے کہ پاکستان اسلامی دنیا کیلئے ایک مرکزی کی حیثیت رکھتا ہے، مملکت خداداد پاکستان دنیا میں امن کی خواہاں اور فلسطینیوں کی امید کا آخری سہارا ہے۔
پاکستانی شہریوں نے مظلوم فلسطینیوں کے لیے حکومتی اقدامات کی بھرپور اور غیر متزلزل حمایت کا اعادہ کیا۔
.
ذریعہ
ذریعہ: Express News
کلیدی لفظ: غزہ بورڈ آف پیس میں کا کہنا تھا کہ کہ پاکستان پاکستان کی پاکستان نے کے قیام کے لیے
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع