پاکستان نے معاشی اصلاحات کو سنجیدگی سے اختیار کیا ، آئی ایم ایف
اشاعت کی تاریخ: 23rd, January 2026 GMT
ڈیووس:(ویب ڈیسک)عالمی مالیاتی ادارے آئی ایم ایف کی ایم ڈی کرسٹالینا جارجیوا نے کہاہےکہ پاکستانی حکومت نے اصلاحات کو سنجیدگی سے اختیار کیا ہے جس کے واضح ثمرات سامنے آ رہے ہیں۔
ڈیووس میں عالمی اقتصادی فورم کے موقع پر پاکستان ٹی وی ڈیجیٹل سے گفتگو کرتے ہوئے آئی ایم ایف کی ایم ڈی نے کہاکہ وہ وزیرِ اعظم پاکستان کا بے حد احترام کرتی ہیں ۔ وزیراعظم جب کسی کام کا وعدہ کرتے ہیں تو اسے سنجیدگی سے پورا کرتے ہیں۔
انہوں نے مزید کہا کہ وزیرِ اعظم پاکستان اور ان کی کابینہ کی سنجیدگی میرے لیے قابلِ تحسین ہے۔وہ پاکستان کی بہتری کےلئے اصلاحات کو آگے بڑھا رہے ہیں۔
.
ذریعہ
ذریعہ: Daily Mumtaz
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار