کراچی؛ بھینس کالونی میں زمین کی کھدائی کے دوران بڑی مقدار میں اسلحہ برآمد
اشاعت کی تاریخ: 23rd, January 2026 GMT
کراچی:
سکھن کے علاقے بھینس کالونی میں زمین کی کھدائی کے دوران بڑی تعداد میں اسلحہ اور گولیوں سمیت دیگر سامان برآمد ہوا۔
قائم مقام ایس ایس پی ڈسٹرکٹ ملیر زبیر نذیر نے بتایا کہ بھینس کالونی میں قائم ایک پلاٹ پر کام کے دوران مالک کی جانب سے کی جانے والی کھدائی کے دوران کچھ اسلحہ دکھائی دیا جس پر انہوں نے فوری طور پر پولیس کو اطلاع دی۔
ان کا کہنا تھا کہ پولیس نے موقع پر پہنچ کر جائے وقوع کو سیل کیا، کھدائی کے دوران پرانا زنگ آلود اسلحہ اور گولیاں برآمد ہوئی ہیں اور اس حوالے سے مزید کھدائی کی جا رہی ہے۔
انہوں نے بتایا کہ کھدائی کے دوران برآمد کیے جانے والے اسلحے میں ایک ایس ایم جی بمعہ 2 میگزین، ایم 16 رائفل بمعہ میگزین، ایس ایم جی 9 ایم ایم(Gepard ماڈل) بمعہ میگزین، جرمن ایم پی فور ایس ایم جی 9 ایم ایم بمعہ 2 میگزین، جرمن پستول بمعہ میگزین، ایک پستول بمعہ میگزین، 8 ایم ایم میگزین، 149 ایس ایم جی کارتوس، 44 کارتوس 3 بور ، 4 کارتوس ریپیٹر گن، ڈرم میگزین بمعہ 2 کارتوس، 19 راؤنڈ 8 ایم ایم اور ایک چھری ملی ہے۔
زبیر نذیر نے بتایا کہ برآمد کیے جانے والا اسلحہ فارنزک لیبارٹری بھیجوایا جا رہا ہے جبکہ اسلحہ زمین میں کس نے اور کب دفن کیا تھا اس حوالے سے تفتیش کی جائے گی۔
انہوں نے بتایا کہ اسلحہ برآمدگی کا مقدمہ بھی درج کیا جا رہا ہے۔
.
ذریعہ
ذریعہ: Express News
کلیدی لفظ: کھدائی کے دوران بمعہ میگزین نے بتایا کہ ایس ایم جی ایم ایم
پڑھیں:
دیو ہیکل بحری جہاز "ایم ایس سی ڈیلیٹا” کراچی پورٹ پہنچ گیا
کراچی : دیو ہیکل بحری جہاز ‘ایم ایس سی ڈیلیٹا ‘ کراچی پورٹ پر لنگر انداز ہوگیا ، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔تفصیلات کے مطابق دنیا کا دیو ہیکل کنٹینر بحری جہاز "ایم ایس سی ڈینلیٹا” کامیابی کے ساتھ کراچی پورٹ پہنچ گیا ہے اور کے پی ٹی کے مخصوص ٹرمینل پر لنگر انداز ہوگیا۔کراچی پورٹ ٹرسٹ نے بتایا کہ یہ بحری جہاز اپنی نوعیت اور حجم کے اعتبار سے انتہائی وسیع ہے، جو بندرگاہ کے عالمی معیار کے انفراسٹرکچر اور آپریشنل صلاحیت کا واضح ثبوت ہے۔کے پی ٹی کا کہنا تھا کہ 400 میٹر طویل اور 67 میٹر چوڑا یہ بحری جہاز 255,288 ڈیڈ ویٹ ٹن گنجائش رکھتا ہے، جو اسے دنیا کے بڑے تجارتی جہازوں میں شامل کرتا ہے۔ترجمان نے کہا کہ اتنے بڑے جہاز کی آمد اس بات کا مظہر ہے کہ کراچی پورٹ جدید سہولیات اور بڑے بحری جہازوں کو سنبھالنے کی مکمل صلاحیت رکھتی ہے۔ادارے کے مطابق ایسے بڑے جہازوں کی آمد سے بندرگاہ کی استعداد میں مزید اضافہ ہوگا، عالمی شپنگ کمپنیوں کا اعتماد مضبوط ہوگا اور پاکستان کی تجارتی سرگرمیوں کو بھی فروغ ملے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار