جیکب آباد ، سیپکو سٹی ون فیڈر پر اضافی بجلی کی بندش ، صارفین پریشان
اشاعت کی تاریخ: 24th, January 2026 GMT
data-id="863a0a8" data-element_type="widget" data-widget_type="theme-post-content.default">
جیکب آباد (نمائندہ جسارت)جیکب آباد سیپکو سٹی ون فیڈر پر اعلانیہ لوڈشیڈنگ سے قبل اور بعد بجلی بند رہنے کی شکایات، ذمہ داری پی ڈی سی سکھر پر ڈال دی گئی۔ تفصیلات کے مطابق جیکب آباد میں سیپکو سٹی ون فیڈر پر اعلانیہ لوڈشیڈنگ کے شیڈول سے ہٹ کر بجلی کی فراہمی شہریوں کے لیے شدید اذیت بن گئی۔ صارفین کی جانب سے شکایات سامنے آئی ہیں کہ مقررہ لوڈشیڈنگ سے کم از کم 15 منٹ قبل بجلی بند کر دی جاتی ہے جبکہ لوڈشیڈنگ ختم ہونے کے بعد بھی 15 منٹ یا اس سے زائد وقت تک بجلی بحال نہیں کی جاتی، جس سے مجموعی بندش دورانیہ غیر اعلانیہ طور پر بڑھ جاتا ہے۔شہریوں کا کہنا ہے کہ اس اضافی بندش کے باعث گھریلو زندگی مفلوج ہو کر رہ گئی ہے، کاروباری سرگرمیاں متاثر ہو رہی ہیں جبکہ طلبہ، مریضوں اور بزرگ شہریوں کو شدید مشکلات کا سامنا ہے۔ متعدد صارفین نے الزام عائد کیا ہے کہ یہ عمل روزانہ کی بنیاد پر معمول بن چکا ہے اور متعلقہ حکام شکایات کے ازالے میں ناکام دکھائی دیتے ہیں۔دوسری جانب گرڈ حکام کا مؤقف ہے کہ سٹی ون فیڈر پر یہ عمل پی ڈی سی سکھر کے احکامات پر کیا جا رہا ہے، ان کے بقول گرڈ سطح پر از خود بجلی بند کرنے کا کوئی فیصلہ نہیں کیا جاتا۔ تاہم جب اس حوالے سے پی ڈی سی سکھر سے رابطہ کیا گیا تو وہاں سے واضح طور پر کہا گیا کہ ان کی جانب سے کسی قسم کی فورس لوڈشیڈنگ یا مقررہ شیڈول سے ہٹ کر بجلی بند کرنے کی ہدایت جاری نہیں کی گئی۔پی ڈی سی سکھر کی تردید اور گرڈ حکام کے دعوؤں کے بعد معاملہ مزید الجھ گیا ہے، جبکہ متاثرہ شہری سوال اٹھا رہے ہیں کہ اگر فورس لوڈشیڈنگ نہیں ہو رہی تو پھر مقررہ وقت سے پہلے اور بعد بجلی کیوں بند رکھی جاتی ہے؟ شہریوں نے اعلیٰ حکام سے مطالبہ کیا ہے کہ ذمہ داران کا تعین کر کے شفاف تحقیقات کی جائیں اور غیر اعلانیہ لوڈشیڈنگ کا فوری نوٹس لے کر سٹی ون فیڈر کے صارفین کو ریلیف فراہم کیا جائے، بصورت دیگر احتجاج کا دائرہ وسیع کیا جائے گا۔
ذریعہ
ذریعہ: Jasarat News
کلیدی لفظ: سٹی ون فیڈر پر پی ڈی سی سکھر جیکب ا باد بجلی بند
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار