عشرت فاطمہ کی ایک دہائی کے بعد پی ٹی وی پر واپسی
اشاعت کی تاریخ: 24th, January 2026 GMT
اسلام آباد (ویب ڈیسک) پاکستان کی معروف نیوز کاسٹر عشرت فاطمہ نے ایک دہائی کے بعد پی ٹی وی پر واپسی کرلی ہے۔
حال ہی میں عشرت فاطمہ نے پی ٹی وی کے ایک نیوز بلیٹن میں اپنے سابق ساتھی و شاگرد زبیر احمد صدیقی کے ہمراہ واپسی کی۔زبیر احمد صدیقی نے اپنی استاد اور مینٹور کو دوبارہ پی ٹی وی پر دیکھ کر ناصرف ماضی کی یادوں کو تازہ کیا بلکہ انہیں شاندار انداز میں خوش آمدید بھی کہا۔
عشرت فاطمہ کا تعارف کراتے ہوئے زبیر احمد صدیقی نے کہا میرے لیے یہ اعزاز کی بات ہے کہ آج میرے ساتھ میری بڑی بہن، میری استاد اور پی ٹی وی کا فخر عشرت فاطمہ موجود ہیں۔ ان کے ساتھ دوبارہ بیٹھنا میرے لیے باعثِ فخر ہے اور میں انہیں پی ٹی وی میں خوش آمدید کہتا ہوں جس پر عشرت فاطمہ نے ان کا شکریہ ادا کیا اور اپنے تمام مداحوں کی محبت اور پذیرائی پر اظہارِ تشکر کیا۔
قومی اسمبلی کا یوٹیوب چینل بند نہیں کیا گیا، ترجمان قومی اسمبلی کی وضاحت
سوشل میڈیا پر مداحوں نے عشرت فاطمہ کو دوبارہ سکرین پر دیکھ کر جذباتی اور پرانی یادوں میں کھو جانے کا اظہار کیا۔کئی صارفین کا کہنا تھا کہ ان کی آواز نے بچپن کی یادیں تازہ کر دیں، جبکہ مداحوں نے پی ٹی وی کو اپنے لیجنڈز کو عزت دینے پر بھی سراہا۔
PTV celebrates a proud moment with the return of Madam Ishrat Fatima after nearly a decade.
خیال رہے کہ پی ٹی وی اور ریڈیو پاکستان کی سینئر نیوز کاسٹر عشرت فاطمہ تقریباً 4 دہائیوں سے میڈیا انڈسٹری سے وابستہ ہیں۔ وہ پی ٹی وی کے رات 9 بجے کے مقبول نیوز بلیٹن کے باعث ملک بھر میں گھر گھر پہچانی جاتی ہیں۔ چند روز قبل عشرت فاطمہ اس وقت خبروں کی زینت بنیں جب انہوں نے ریڈیو پاکستان سے استعفیٰ دے دیا۔
متنازع ٹوئٹ کیس، ایمان مزاری نے عدالتی کارروائی کا بائیکاٹ کردیا
ان کا کہنا تھا کہ انہیں یہ احساس دلایا گیا کہ وہ ادارے کے لیے اب اہم نہیں رہیں، جس کے باعث انہیں یہ قدم اٹھانا پڑا۔ بعد ازاں انہیں پی ٹی وی میں بطور مینٹور دوبارہ تعینات کر دیا گیا۔
مزید :
ذریعہ
ذریعہ: Daily Pakistan
کلیدی لفظ: عشرت فاطمہ
پڑھیں:
اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
پاکستانی شوبز انڈسٹری کے معروف اداکار شان بیگ اور ماڈل سے اداکارہ بننے والی روما مائیکل نے خاموشی سے شادی کرلی۔
اس خوشخبری کا اعلان شان بیگ نے سوشل میڈیا کے ذریعے کیا، جہاں انہوں نے اپنی اہلیہ روما مائیکل کے ساتھ ایک تصویر شیئر کی، جس پر ’Wifey‘ کا اسٹیکر بھی نمایاں تھا۔ بعد ازاں روما مائیکل نے بھی یہی تصویر اپنے انسٹاگرام اکاؤنٹ پر شیئر کرکے اس خبر کی تصدیق کردی۔
شادی کی خبر سامنے آتے ہی مداحوں، شوبز شخصیات اور ساتھی فنکاروں کی جانب سے مبارکباد اور نیک تمناؤں کا سلسلہ شروع ہوگیا۔ روما مائیکل نے اپنی انسٹاگرام اسٹوریز پر موصول ہونے والے متعدد مبارکبادی پیغامات بھی شیئر کیے، جن میں ان کی خوشحال ازدواجی زندگی کے لیے دعائیں کی گئیں۔
اس خوشخبری کے کچھ ہی دیر بعد شان بیگ نے ایک تفصیلی بیان جاری کرتے ہوئے مداحوں اور میڈیا سے اپنی نجی زندگی کا احترام کرنے کی درخواست کی۔ انہوں نے بتایا کہ ان کی سابقہ اہلیہ سے طلاق کا عمل کافی عرصہ پہلے مکمل ہوچکا تھا اور دونوں اپنی اپنی زندگی میں آگے بڑھ چکے ہیں۔ اداکار کے مطابق اب انہوں نے امید، خوشی اور شکرگزاری کے ساتھ زندگی کے ایک نئے باب کا آغاز کیا ہے۔
شان بیگ نے اپنے پیغام میں لوگوں سے اپیل کی کہ وہ ماضی کو ماضی رہنے دیں اور افواہوں، قیاس آرائیوں یا غیر ضروری موازنوں سے گریز کریں۔ ان کا کہنا تھا کہ اس وقت ان کی تمام تر توجہ اپنی نئی ازدواجی زندگی، خاندان، بطور والد اپنی ذمہ داریوں اور مستقبل پر مرکوز ہے۔
شان بیگ پاکستان میں متعدد کامیاب ڈراموں میں اداکاری کے جوہر دکھا چکے ہیں، جبکہ بین الاقوامی سطح پر بھی انہوں نے اپنی صلاحیتوں کا لوہا منوایا ہے۔ وہ حال ہی میں ہالی ووڈ سیریز ’Deli Boys‘ کے دوسرے سیزن میں بھی نظر آئے تھے۔ اداکاری کے ساتھ ساتھ وہ فیشن انفلوئنسر کے طور پر بھی خاصی شہرت رکھتے ہیں اور انہیں 2023 اور 2024 میں فلم فیئر مڈل ایسٹ کی جانب سے ’فیشن انفلوئنسر آف دی ایئر‘ کا اعزاز بھی دیا جا چکا ہے۔
دوسری جانب روما مائیکل نے بطور ماڈل اپنی شناخت قائم کرنے کے بعد اداکاری کے میدان میں قدم رکھا۔ وہ 2023 اور 2024 میں پاکستان کی نمائندگی کرتے ہوئے ’مس چارم‘ اور ’مس گرینڈ بیوٹی‘ پیجنٹس میں بھی شریک رہیں، جبکہ فلم ’کہے دل جدھر‘ سمیت متعدد پراجیکٹس میں اپنی اداکاری کے باعث بھی توجہ حاصل کر چکی ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا