خیبرپختونخوا میں بارش و برفباری، مختلف حادثات میں 9 افراد جاں بحق: پی ڈی ایم اے
اشاعت کی تاریخ: 24th, January 2026 GMT
data-id="863a0a8" data-element_type="widget" data-widget_type="theme-post-content.default">
خیبرپختونخوا میں حالیہ بارشوں اور برفباری کے دوران پیش آنے والے مختلف حادثات میں 9 افراد جان کی بازی ہار گئے، جن میں بڑی تعداد کم سن بچوں کی ہے۔
پروونشل ڈیزاسٹر منیجمنٹ اتھارٹی (پی ڈی ایم اے) نے 22 جنوری سے اب تک ہونے والے جانی و مالی نقصانات سے متعلق تفصیلی رپورٹ جاری کر دی ہے۔
پی ڈی ایم اے کی جانب سے جاری کردہ رپورٹ کے مطابق جاں بحق افراد میں 7 بچے، ایک مرد اور ایک خاتون شامل ہیں جبکہ خراب موسم کے باعث پانچ مکانات کو جزوی نقصان بھی پہنچا ہے۔
پی ڈی ایم اے کے مطابق چترال، مالاکنڈ، شانگلہ اور خیبر کے اضلاع میں بارش اور برفباری کے نتیجے میں لینڈ سلائیڈنگ، گھروں کی چھتیں گرنے اور برفانی تودے کھسکنے جیسے واقعات پیش آئے، جنہوں نے قیمتی جانیں لے لیں۔ بعض علاقوں میں اچانک حادثات کے باعث امدادی ٹیموں کو شدید مشکلات کا سامنا کرنا پڑا۔
حکام کا کہنا ہے کہ متاثرہ اضلاع میں بند شاہراہوں کو کھولنے کا کام جاری ہے اور ریسکیو و امدادی سرگرمیاں تیزی سے مکمل کی جا رہی ہیں تاکہ متاثرہ آبادی تک فوری مدد پہنچائی جا سکے۔
ضلعی انتظامیہ کو ہائی الرٹ کر دیا گیا ہے جبکہ حساس علاقوں میں مسلسل نگرانی کی جا رہی ہے۔
پی ڈی ایم اے نے خبردار کیا ہے کہ بالائی اضلاع میں بارش اور برفباری کا نیا سلسلہ کل رات سے منگل تک جاری رہنے کا امکان ہے، جس کے پیشِ نظر شہریوں کو غیر ضروری سفر سے گریز، پہاڑی علاقوں میں محتاط رہنے اور ممکنہ خطرات سے بچاؤ کی ہدایات پر عمل کرنے کی تلقین کی گئی ہے۔ حکام کے مطابق موسمی صورتحال کے پیشِ نظر کسی بھی ہنگامی صورتِ حال سے نمٹنے کے لیے تمام متعلقہ ادارے الرٹ ہیں۔
ذریعہ
ذریعہ: Jasarat News
کلیدی لفظ: پی ڈی ایم اے
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا