شیر افضل مروت عمران خان کی رہائی کے لیے میدان میں آگئے، بڑا اعلان کردیا
اشاعت کی تاریخ: 25th, January 2026 GMT
سینیئر سیاستدان و پاکستان تحریکِ انصاف کے باغی رکنِ قومی اسمبلی شیر افضل مروت نے بانی پی ٹی آئی عمران خان کی رہائی کے لیے تنہا احتجاج کرنے کا اعلان کردیا۔
میڈیا سے گفتگو کرتے ہوئے شیر افضل مروت نے کہاکہ وہ پرامن انداز میں احتجاج کریں گے اور عمران خان کے حق میں آواز بلند کریں گے۔
“پولیس کی کیا مجال کہ میرا راستہ روکے؟ میں پرامن احتجاج کروں گا اور عمران خان کے حق میں آواز بلند کروں گا۔ ظلم کے سامنے نہیں جھکوں گا، نہ ہی خاموش رہوں گا! اگر راستہ روکا گیا تو میں اپنے حق کے لیے کھڑا رہوں گا۔”
شیر افضل مروت #PTI #protest pic.
— Sher Afzal Khan Marwat (@sherafzalmarwat) January 25, 2026
ان کا کہنا تھا کہ پولیس کو یہ اختیار حاصل نہیں کہ وہ انہیں روکے، کیونکہ وہ آئینی دائرے میں رہتے ہوئے احتجاج کریں گے۔
رکن قومی اسمبلی نے واضح کیاکہ وہ ظلم کے آگے نہ جھکیں گے اور نہ خاموشی اختیار کریں گے۔
انہوں نے کہاکہ اگر ان کے احتجاج میں رکاوٹ ڈالی گئی تو وہ اپنے آئینی حق کے لیے ڈٹ کر کھڑے ہوں گے۔
شیر افضل مروت کے مطابق احتجاج کے دوران عوام کو اس بات سے آگاہ کیا جائے گا کہ حقیقی آزادی کے لیے عمران خان کیوں ضروری ہیں اور ان کی رہائی ملک کے مستقبل کے لیے کیوں ناگزیر ہے۔
واضح رہے کہ شیر افضل مروت عام انتخابات میں پی ٹی آئی کے حمایت یافتہ امیدوار تھے، تاہم عمران خان کی گرفتاری کے بعد انہیں پارٹی سے نکال دیا گیا ہے۔
مزید پڑھیں: ڈونلڈ ٹرمپ نے عمران خان کی رہائی کے لیے کوششیں کیں مگر پی ٹی آئی کے سبب ایسا نہیں ہوسکا، شیر افضل مروت
شیر افضل مروت پی ٹی آئی کی موجودہ قیادت اور عمران خان کی ہمشیرہ علیمہ خان کے شدید ناقد ہیں، اور وقتاً فوقتاً ان پر تنقید کرتے رہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاجی تحریک بڑا اعلان کردیا شیر افضل مروت عمران خان رہائی وی نیوز
ذریعہ
ذریعہ: WE News
کلیدی لفظ: احتجاجی تحریک بڑا اعلان کردیا شیر افضل مروت عمران خان رہائی وی نیوز شیر افضل مروت عمران خان کی ان کی رہائی کریں گے کے لیے
پڑھیں:
صومالی بحری قزاقوں کے ہاتھوں پاکستانیوں کے اغوا کا معاملہ، متاثرہ خاندان کا موقف سامنے آگیا
متاثرہ خاندان نے حکومتِ پاکستان، وزارتِ خارجہ اور متعلقہ اداروں سے اپیل کی ہے کہ مغوی پاکستانیوں کی جلد اور محفوظ رہائی کے لیے مؤثر اقدامات کیے جائیں اور اہلِ خانہ کو صورتحال سے باخبر رکھا جائے۔ اسلام ٹائمز۔ صومالی بحری قزاقوں کے قبضے میں موجود پاکستانی شہریوں کی رہائی سے متعلق معاملے پر متاثرہ خاندان کا موقف سامنے آگیا ہے۔ متاثرہ خاندان نے بعض سفارتی ذرائع سے زیر گردش خبروں کی تردید کرتے ہوئے کہا ہے کہ صومالی بحری قزاقوں نے یرغمالیوں کی رہائی کے لیے کبھی 10 ملین ڈالر کے تاوان کا مطالبہ نہیں کیا۔ خاندان کے مطابق مغوی پاکستانیوں نے خود اطلاع دی ہے کہ بحری قزاق ان کی رہائی کے لیے رقم کا مطالبہ کر رہے ہیں۔ متاثرہ خاندان کا کہنا ہے کہ قزاقوں نے ابتدا میں 3 ملین ڈالر تاوان مانگا تھا جبکہ اب یہ مطالبہ کم کرکے 2.5 ملین ڈالر کردیا گیا ہے۔ خاندان نے مزید کہا کہ میڈیا اور سفارتی ذرائع میں گردش کرنے والی بعض اطلاعات حقائق کے منافی ہیں اور ان کی تصدیق نہیں کی گئی۔
ان کے بقول انہیں اس بات کا بھی کوئی علم نہیں کہ بحری جہاز "آنر 25" کے مالک، صومالیہ کی حکومت اور بحری قزاقوں کے درمیان کس نوعیت کی بات چیت جاری ہے۔ متاثرہ خاندان نے بتایا کہ بحری قزاق مسلسل پاکستانی نیوز چینلز سے براہِ راست بات چیت کی خواہش کا اظہار کر رہے ہیں اور اس حوالے سے بار بار مطالبات بھی سامنے آ رہے ہیں۔ خاندان نے حکومتِ پاکستان، وزارتِ خارجہ اور متعلقہ اداروں سے اپیل کی ہے کہ مغوی پاکستانیوں کی جلد اور محفوظ رہائی کے لیے مؤثر اقدامات کیے جائیں اور اہلِ خانہ کو صورتحال سے باخبر رکھا جائے۔ واضح رہے کہ صومالی بحری قزاقوں کے قبضے میں موجود پاکستانیوں کی رہائی کے حوالے سے مختلف اطلاعات سامنے آ رہی ہیں، تاہم متاثرہ خاندان نے اپنے مقف میں بعض زیر گردش دعوں کی واضح تردید کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ