ماتلی،بغاوت کیخلاف مقدمہ درج
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
ماتلی(نمائندہ جسارت)ماتلی پولیس نے 17 جنوری کوجئیسندھ تحریک کے بانی، سائیں جی ایم سید کی 122ویں سالگرہ میں شرکت کے لیے جانے والے 9 نامزد اور 20 نامعلوم نوجوانوں کیخلاف ریاست سے بغاوت کا مقدمہ درج کر لیا ہے۔ پولیس کے مطابق ملزمان پر دھرنا دے کر سڑک بند کرنے، ریاست مخالف نعرے بازی کرنے اور سرکاری امور میں رکاوٹ ڈالنے کے الزامات عائد کیے گئے ہیں۔ماتلی پولیس کی مدعیت میں درج مقدمے میں ارسلان خاصخیلی، ربڈنو چانگ، نبی بخش چانگ، شیراز زنگیجو، علی حسن کوسو، نعمان جویجو، نصیر پھوڑ، پھلو چندا مینگھواڑ اور دولت مینگھواڑ کو نامزد کیا گیا ہے۔مقدمہ درج ہونے کے بعد قوم پرست حلقوں اور رہنماؤں میں شدید غم و غصہ اور بے چینی پائی جاتی ہے۔
ذریعہ
ذریعہ: Jasarat News
پڑھیں:
لاہور میں وین ڈرائیور سے بدتمیزی ٹریفک وارڈن کو مہنگی پڑ گئی
لاہور میں نجی کوریئر کمپنی کی وین کے ڈرائیور سے بدتمیزی کرنے پر ٹریفک وارڈن کو معطل کر دیا گیا۔
سی ٹی او لاہور سید عبدالرحیم شیرازی نے فوری ایکشن لیتے ہوئے واقعے کی تحقیقات کے لیے ایس پی صدر کو انکوائری کا حکم دے دیا۔
ٹریفک پولیس افسر کا کہنا تھا کہ انکوائری رپورٹ کی روشنی میں مزید کارروائی ہوگی، شہریوں سے حسنِ سلوک پر کوئی سمجھوتہ نہیں کیا جائے گا۔
سی ٹی او لاہور نے ٹریفک پولیس میں نظم و ضبط اور عوامی احترام اولین ترجیح قرار دیتے ہوئے کہا کہ اختیارات کے ناجائز استعمال کی اجازت نہیں دی جائے گی، انکوائری مکمل ہونے پر حقائق عوام کے سامنے لائے جائیں گے۔
شہری کے مطابق ٹریفک وارڈن نے رکنے کا اشارہ کیا لیکن اشارہ نظر نہیں آیا، تاہم آگے جا کر رکا جس پر ٹریفک وارڈن نے گاڑی کے اندر سوار ہو کر تشدد کا نشانہ بنایا اور گالم گلوچ کی۔ موقع پر وارڈن نے آن لائن چالان بھی جمع کروایا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ