افغانستان میں جعلی دوائیں کھلے عام فروخت، طالبان رجیم بے بس
اشاعت کی تاریخ: 27th, January 2026 GMT
افغانستان میں جعلی اور غیر معیاری ادویات کی کھلے عام فروخت ایک سنگین انسانی بحران کی شکل اختیار کر چکی ہے۔
بی بی سی افغان سروس کی تحقیق کے مطابق ملک بھر کی منڈیوں میں اصلی اور جعلی ادویات میں فرق کرنا عام شہری کے لیے تقریباً ناممکن ہو چکا ہے، جس کے نتیجے میں متعدد مریض جان سے ہاتھ دھو بیٹھے ہیں۔
پاکستان سے ادویات کی سپلائی بند، جعلی دواؤں کا سیلابتحقیق کے مطابق جب سے پاکستان سے ادویات کی فراہمی متاثر ہوئی ہے، افغان شہری سستی اور غیر معیاری ادویات خریدنے پر مجبور ہو گئے ہیں۔
یہ جعلی ادویات نہ صرف بے اثر ہیں بلکہ کئی کیسز میں مریضوں کی حالت مزید بگاڑ دیتی ہیں۔
کمزور صحت کا نظام، طالبان حکومت بے بسافغانستان کا صحت کا نظام پہلے ہی شدید دباؤ کا شکار ہے۔
رپورٹ کے مطابق طالبان حکومت جعلی ادویات کے اس منافع بخش کاروبار کو روکنے میں ناکام دکھائی دیتی ہے، جس کی وجہ سے صورتحال دن بہ دن بدتر ہوتی جا رہی ہے۔
بی بی سی کی تحقیق میں ڈاکٹر عبدالمجید کے کیس کا ذکر کیا گیا، جنہیں کابل کے سردار داؤد خان اسپتال میں انتہائی تشویشناک حالت میں لایا گیا۔ ان کے پھیپھڑے 80 فیصد تک متاثر ہو چکے تھے۔ بیماری ایک عام انفیکشن سے شروع ہو کر جان لیوا بن گئی۔ 8 ماہ تک علاج جاری رہا، تشخیص اور نسخہ درست تھا، مگر افاقہ نہ ہوا۔ مزید تحقیقات پر معلوم ہوا کہ استعمال کی جانے والی تمام ادویات جعلی تھیں۔
جعلی ادویات کی پہچان تقریباً ناممکنرپورٹ کے مطابق جعلی ادویات اصلی ادویات جیسی پیکنگ رکھتی ہیں۔ آدھی قیمت پر باآسانی دستیاب ہوتی ہیں۔ بعض اوقات صرف رنگین پانی پر مشتمل ہوتی ہیں۔
ماہرین کے مطابق بعض اوقات حروف، رنگ یا نشانوں میں معمولی فرق ہی جعلی دوا کی واحد نشانی ہوتا ہے، جو عام آدمی کے لیے پہچاننا ممکن نہیں۔
تحقیقاتی ٹیم نے غزنی صوبے میں ایک ایسے خاندان سے ملاقات کی جن کی خاتون رکن جعلی دوا لینے کے بعد جان سے ہاتھ دھو بیٹھی۔
خاتون کے اہلِ خانہ کے مطابق ڈرِپ لگتے ہی شدید کپکپی شروع ہوئی۔ ہوش کھونے کے بعد قے آئی۔ کچھ ہی دیر میں حالت بگڑ گئی اور موت واقع ہو گئی
کابل فوڈ اینڈ ڈرگ اتھارٹی کا کہنا ہے کہ انسپکشن ٹیمیں تمام صوبوں میں متحرک ہیں۔ جعلی، اسمگل شدہ اور غیر منظور شدہ ادویات ضبط کی جا رہی ہیں۔ تاہم لاکھوں ڈالر کی اس مارکیٹ میں حکومتی نگرانی سمندر میں قطرے کے مترادف ہے۔
اگرچہ کچھ مریض، جیسے ڈاکٹر عبدالمجید، اصلی دوا ملنے کے بعد صحت یاب ہو رہے ہیں، لیکن بے شمار افراد اتنے خوش نصیب نہیں تھے۔
جعلی ادویات افغان عوام کے لیے خاموش قاتل بن چکی ہیں، جو ہر روز نئی جانیں نگل رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان میں جعلی ادویات طالبان رجیم.
ذریعہ
ذریعہ: WE News
کلیدی لفظ: طالبان رجیم جعلی ادویات ادویات کی کے مطابق کے لیے
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار