شوکت خانم ہسپتال کا عمران خان کی صحت پر تشویش کا اظہار، طبی ٹیم کی رسائی کا مطالبہ
اشاعت کی تاریخ: 27th, January 2026 GMT
لاہور (ڈیلی پاکستان آن لائن) شوکت خانم میموریل کینسر ہسپتال اور ریسرچ سینٹر کی انتظامیہ نے بانی تحریک انصاف عمران خان کی صحت کے حوالے سے تشویشناک رپورٹس پر اپنا باضابطہ بیان جاری کر دیا ہے۔ لاہور سے جاری ہونے والے اس بیان میں بتایا گیا ہے کہ گزشتہ رات سے مختلف ذرائع سے ایسی اطلاعات موصول ہو رہی ہیں جن میں دعویٰ کیا گیا ہے کہ عمران خان آنکھوں کی ایک سنگین بیماری، جسے طبی زبان میں 'سینٹرل ریٹینل وین اوکلوژن' کہا جاتا ہے، کا شکار ہو گئے ہیں۔
ہسپتال انتظامیہ نے واضح کیا ہے کہ مختلف وجوہات اور دیگر طبی پیچیدگیوں کے باعث یہ صورتحال پیدا ہو سکتی ہے۔ اگرچہ ہسپتال کے لیے ان خبروں کی آزادانہ طور پر فوری تصدیق کرنا فی الحال ممکن نہیں ہے، تاہم عمران خان کی صحت کے حوالے سے سامنے آنے والی ان اطلاعات نے ہسپتال کے عملے اور متعلقہ حلقوں میں شدید تشویش پیدا کر دی ہے۔
وفاقی کابینہ کا اجلاس کل طلب، وزیراعظم غزہ بورڈ آف پیس پر گفتگو کریں گے
بیان میں مزید کہا گیا ہے کہ شوکت خانم ہسپتال کو عمران خان کا معائنہ کرنے والے موجودہ ڈاکٹروں کی پیشہ ورانہ صلاحیتوں پر مکمل اعتماد ہے، لیکن اس کے باوجود ہسپتال کی جانب سے یہ درخواست کی گئی ہے کہ شوکت خانم کے ماہر ڈاکٹروں کی ایک ٹیم کو فوری طور پر عمران خان تک رسائی دی جائے۔ ہسپتال انتظامیہ کا اصرار ہے کہ ان کے ڈاکٹروں کو عمران خان کی طبی نگہداشت کے عمل میں شامل کیا جائے تاکہ ان کی صحت کے حوالے سے تمام خدشات کو دور کیا جا سکے اور ان کی خیریت کے منتظر لاکھوں لوگوں کو حقیقت حال سے آگاہ کر کے مطمئن کیا جا سکے۔
بشریٰ بی بی کا نہ تو فیس بک اکاؤنٹ ہے اور نہ ہی ٹویٹر ،پھر بھی فیملی کو ملاقات کی اجازت نہیں،شیخ وقاص اکرم
مزید :.
ذریعہ
ذریعہ: Daily Pakistan
کلیدی لفظ: عمران خان کی شوکت خانم ان کی صحت
پڑھیں:
محسن نقوی کی مستونگ کے قریب سیشن جج اور جوڈیشل مجسٹریٹ پر فائرنگ کی پرزور مذمت
سٹی 42 : وفاقی وزیرداخلہ محسن نقوی کی جانب سے مستونگ کے قریب سیشن جج عبدالحکیم کاکڑ اور جوڈیشل مجسٹریٹ طارق لاشاری پر فائرنگ کی پرزور مذمت کی گئی ہے۔
وزیرداخلہ محسن نقوی نے سیشن جج عبدالحکیم اور گن مین کے جاں بحق ہونے کے واقعہ پر اظہار افسوس کیا۔ محسن نقوی نے سوگوار خاندانوں سے دلی ہمدردی و تعزیت کا اظہار کیا۔
وفاقی وزیرداخلہ محسن نقوی کی جانب سے مرحومین کی بلندی درجات کیلئے دعا، وزیرداخلہ محسن نقوی نے زخمی جوڈیشل مجسٹریٹ طارق لاشاری اور دیگر افراد کی جلد صحت یابی کی دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
محسن نقوی نے کہا کہ ایسی بزدلانہ کارروائیاں قوم کے پختہ عزم کو پست نہیں کر سکتیں۔ انہوں نے کہا کہ شہداء کے خاندانوں کے ساتھ کھڑے ہیں اور ہمیشہ ساتھ رہیں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار