سندھ میں عازمین حج کے پہلے مرحلے کا آغاز، 30 ہزار حاجیوں کی تیاری جاری
اشاعت کی تاریخ: 28th, January 2026 GMT
سندھ میں حج کے لیے پہلے مرحلے کا آغاز ہو گیا ہے، جس کے تحت اس سال 30 ہزار سے زائد عازمین حج کی سعادت حاصل کریں گے۔
کراچی کے ڈائریکٹر حج امتیاز شاہ کے مطابق، حج ڈائریکٹوریٹ میں تربیتی سیشنز کے دوران عازمین کو حج کے دوران ضروری امور، قواعد و ضوابط اور سہولیات کے بارے میں مکمل آگاہی دی جا رہی ہے۔ عازمین کی تربیت کا دوسرا مرحلہ رمضان المبارک کے بعد شروع ہوگا۔
امتیاز شاہ نے مزید بتایا کہ وزیراعظم کی خصوصی ہدایات کے تحت عازمین حج کی سہولیات کو یقینی بنایا جا رہا ہے، جبکہ وفاقی وزیر حج و مذہبی امور نے تربیت کو لازمی قرار دیا ہے۔
ڈائریکٹر حج کراچی نے کہا کہ “روڈ ٹو مکہ” پراجیکٹ کے تحت عازمین حج کی ون ٹائم امیگریشن سعودی حکام کے ساتھ کراچی کے ہوائی اڈے پر مکمل ہو گی۔ روانگی سے قبل عازمین حج کی ویکسینیشن کا عمل بھی مکمل کیا جائے گا تاکہ انہیں سعودی عرب پہنچتے ہی تمام ضروری سہولیات دستیاب ہوں۔
یہ تربیت اور انتظامات عازمین کے لیے حج کے دوران آسانیوں اور محفوظ سفر کو یقینی بنانے کے لیے کیے جا رہے ہیں۔
ذریعہ
ذریعہ: Daily Mumtaz
کلیدی لفظ: عازمین حج کی
پڑھیں:
کسی کی برائی کرکے نہیں کارکردگی پر ووٹ مانگتے ہیں، نوازشریف
صدر مسلم لیگ (ن) نوازشریف(nawaz shrif) کا کہنا ہے کہ کسی پر تنقید کرکے،کسی کی برائی کرکے ووٹ نہیں مانگتا بلکہ اپنی کارکردگی کی بنیاد پر ووٹ مانگتے ہیں۔
گلگت میں انتخابی جلسے سے خطاب کرتے ہوئے نواز شریف کا کہنا تھا کہ کسی پارٹی یا حکومت کے خلاف بات نہیں کرنا چاہتا، حکومت ملنے پر کیوں اس علاقے کو نظر انداز کیا گیا؟
کیوں اس علاقے پر توجہ نہیں دی گئی؟ جب وزیراعظم تھا تو کئی بار گلگت آیا اور اسکردو گیا تھا، کئی برسوں بعد آپ سے گفتگو کرکے بہت خوشی ہورہی ہے۔
نوازشریف نے کہا کہ وزیراعلیٰ اور وزیراعظم بننے سے بھی پہلے گلگت،اسکردو آیاتھا، گلگت، بلتستان، اسکردو سے مجھے دلی محبت ہے، جس گلگت کو میں جانتا تھا وہ گلگت کہاں ہے؟ میرا دل روتا ہے کہ آپ کا پیسہ آپ پر کیوں نہیں لگا یاگیا۔
صدر مسلم لیگ (ن) نے کہا کہ کسی ایک پارٹی نے یہاں منصوبے کی بنیاد نہیں رکھی، جومیرےزمانے میں ایئرپورٹ تھا، آج بھی وہی ہے، شہبازشریف سے کہوں گا اس ایئرپورٹ کو بڑا کریں، جیٹ طیارے لینڈ کرنے اور ٹیک آف کی گنجائش پیدا کریں گے۔
نوازشریف کا کہنا تھا کہ خیبرپختونخوا میں لواری ٹنل 70سال سے مکمل نہیں ہورہی تھی، ہم نے اربوں روپےخرچ کرکے لواری ٹنل مکمل کی، یہاں منصوبہ شروع ہوتا ہے تو مکمل ہونے کا نام نہیں لیتا۔
گلگت بلتستان میں 10،10 اور12،12گھنٹےکی لوڈشیڈنگ منظور نہیں۔ ووٹ ملے نہ ملے، آپ کو ان چیزوں سے محروم نہیں کرسکتے۔
سابق وزیراعظم نے کہا کہ ہماری حکومت آئی تو یہاں ہر دوسرے تیسرے ماہ آتارہوں گا، اپنی نگرانی میں منصوبے مکمل کراؤں گا، تمام اسٹیک ہولڈرز کو بٹھا کر آپ کے حق میں فیصلہ کریں گے۔ تجارت بڑھنے پر گلگت بلتستان بہت خوشحال ہوجائے گا۔
مزید پڑھیں:پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم
نوازشریف نے کہا کہ مجھے کیوں نکالا؟ کیوں مجھے ملک چھوڑ کر جانا پڑا؟ کیوں مجھے جیلوں میں ڈالا گیا۔ قصور آپ کا بھی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ