پاکستان میں چاندی کی قیمت میں مسلسل اضافہ، نئی بلند سطح پر پہنچ گئی
اشاعت کی تاریخ: 28th, January 2026 GMT
پاکستان میں چاندی کی قیمتوں میں زبردست تیزی کا سلسلہ جاری ہے اور آج چاندی نے مقامی سطح پر نئی بلند ترین سطح کو چھو لیا۔ آج چاندی کی فی تولہ قیمت 11 ہزار 640 روپے ریکارڈ کی گئی، جو عالمی منڈی میں قیمتی دھاتوں میں تیزی اور سونے کے ساتھ مضبوط تعلق کا نتیجہ ہے۔
یہ بھی پڑھیں: ڈالر سستا، انٹرنیشنل مارکیٹ میں ریٹس کم ہونے کے باوجود پاکستان میں سونا مہنگا
مارکیٹ ذرائع کے مطابق حالیہ دنوں میں فی تولہ چاندی کی قیمت میں 212 روپے کا اضافہ ہوا، جبکہ 10 گرام چاندی کی قیمت بڑھ کر 9 ہزار 979 روپے ہو گئی ہے۔ گزشتہ ایک ہفتے کے دوران پاکستانی روپے کے حساب سے چاندی میں تقریباً 14 فیصد اضافہ دیکھا گیا ہے، جو دیگر کئی سرمایہ کاری کے ذرائع سے کہیں زیادہ ہے۔
عالمی سطح پر چاندی کی قیمت 111 ڈالر فی اونس سے تجاوز کر چکی ہے، جس کا براہ راست اثر مقامی منڈی پر پڑ رہا ہے۔ سونے کی قیمتیں بھی ریکارڈ سطح کے قریب رہنے سے قیمتی دھاتوں کو محفوظ سرمایہ کاری سمجھا جا رہا ہے، جس کے باعث سرمایہ کار سونے کے ساتھ ساتھ چاندی کی جانب بھی تیزی سے متوجہ ہو رہے ہیں۔
یہ بھی پڑھیں: چاندی کی قیمت تاریخی بلند ترین سطح پر، اضافے کی وجہ کیا ہے؟
ماہرین کے مطابق چاندی کی صنعتی اہمیت، خاص طور پر سولر انرجی، الیکٹرک وہیکلز، الیکٹرانکس اور گرین ٹیکنالوجی میں بڑھتی ہوئی طلب، قیمتوں میں اضافے کی ایک بڑی وجہ ہے۔ اس کے ساتھ ساتھ عالمی معاشی غیر یقینی صورتحال، مہنگائی کا دباؤ اور روپے کی قدر میں اتار چڑھاؤ بھی چاندی کی قیمتوں کو سہارا دے رہے ہیں۔
تازہ ترین نرخوں کے مطابق کراچی صرافہ مارکیٹ میں چاندی کی قیمتیں درج ذیل رہیں:
ایک گرام چاندی: 997.9 روپے 10 گرام چاندی: 9 ہزار 979 روپے ایک تولہ چاندی: 11 ہزار 640 روپے
ماہرین کا کہنا ہے کہ حالیہ ہفتوں میں چاندی کی کارکردگی غیر معمولی رہی ہے اور بعض ادوار میں ماہانہ بنیادوں پر 40 فیصد تک اضافہ بھی دیکھا گیا، جس کے باعث مقامی سرمایہ کار اور زیور ساز چاندی کو ایک پرکشش متبادل کے طور پر دیکھ رہے ہیں۔
یہ بھی پڑھیں: چاندی کی بڑھتی قیمت، کیا چاندی سونے کی جگہ لے رہی ہے؟
اوپر دیا گیا گراف پاکستان میں آج چاندی کے مختلف وزن کے حساب سے نرخوں کو واضح کرتا ہے، جس سے قیمتوں میں فرق اور مجموعی رجحان کو آسانی سے سمجھا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان چاندی سونا
ذریعہ
ذریعہ: WE News
کلیدی لفظ: پاکستان چاندی چاندی کی قیمت میں چاندی کی پاکستان میں
پڑھیں:
سینٹ پیٹرزبرگ انٹرنیشنل اکنامک فورم، پاکستانی اعلیٰ سطحی وفد شرکت کریگا
سینٹ پیٹرزبرگ روس کا سب سے بڑا اور عالمی سطح پر اہم اقتصادی ایونٹ، سینٹ پیٹرزبرگ انٹرنیشنل اکنامک فورم 2026ء کل 3 جون سے روس کے تاریخی شہر سینٹ پیٹرزبرگ میں شروع ہو رہا ہے، جس میں دنیا بھر کے 130 سے زائد ممالک کے حکومتی، کاروباری اور اقتصادی راہنما شرکت کریں گے، پاکستان بھی فورم میں اعلیٰ سطحی وفد کے ساتھ شرکت کر رہا ہے۔ اسلام ٹائمز۔ پاکستانی وفد کی قیادت وفاقی وزیر توانائی (پیٹرولیم ڈویژن) علی پرویز ملک کریں گے، وفد میں وزیراعظم کے معاون خصوصی برائے صنعت و پیداوار ہارون اختر، روس میں پاکستان کے سفیر فیصل نیاز ترمذی، سفارتخانے کی وزیر تجارت و سرمایہ کاری شبانہ ممتاز، قونصلر حبیب منیر، سیکنڈ سیکرٹری جوشوا ایڈون آرتھر اور سینٹ پیٹرزبرگ میں پاکستان کے اعزازی قونصل جنرل عبدالرؤف رند بھی شامل ہیں۔ 4 روزہ فورم میں عالمی معیشت، توانائی، تجارت، سرمایہ کاری، ڈیجیٹل ٹیکنالوجی، مصنوعی ذہانت، صنعتی ترقی، ٹرانسپورٹ، خوراک اور بین الاقوامی اقتصادی تعاون سمیت متعدد اہم موضوعات پر اعلیٰ سطحی اجلاس، مباحثے اور کاروباری ملاقاتیں منعقد ہوں گی۔
روسی صدر ولادیمیر پوتن فورم کے مرکزی پلینری اجلاس سے خطاب کریں گے، جبکہ دنیا کے مختلف ممالک سے تعلق رکھنے والے حکومتی راہنما، وزراء، سرمایہ کار، صنعتکار اور بین الاقوامی تنظیموں کے نمائندے بھی فورم میں شریک ہوں گے۔ پاکستانی وفد کی شرکت کو روس اور پاکستان کے درمیان اقتصادی اور تجارتی تعلقات کے فروغ کے لیے اہم قرار دیا جا رہا ہے، توقع ہے کہ فورم کے دوران پاکستانی نمائندے روسی حکام، سرمایہ کاروں اور کاروباری شخصیات کے ساتھ ملاقاتیں کریں گے، جن میں توانائی، پیٹرولیم، صنعت، تجارت اور سرمایہ کاری کے شعبوں میں تعاون بڑھانے کے امکانات پر بات چیت ہوگی۔ مبصرین کے مطابق پاکستان اس وقت توانائی، معدنیات، انفراسٹرکچر اور صنعتی شعبوں میں بیرونی سرمایہ کاری کے حصول پر خصوصی توجہ دے رہا ہے جبکہ روس کے ساتھ اقتصادی تعاون کے نئے مواقع تلاش کرنا بھی حکومتی ترجیحات میں شامل ہے۔
فورم میں شرکت پاکستان کو نہ صرف روس بلکہ دیگر ممالک کے سرمایہ کاروں اور کاروباری اداروں کے ساتھ براہ راست رابطوں کا موقع فراہم کرے گی، ماہرین کا کہنا ہے کہ ایسے بین الاقوامی پلیٹ فارمز پاکستان کے لیے سرمایہ کاری، برآمدات اور اقتصادی شراکت داریوں کے فروغ میں اہم کردار ادا کر سکتے ہیں۔واضح رہے کہ سینٹ پیٹرزبرگ انٹرنیشنل اکنامک فورم 3 سے 6 جون تک جاری رہے گا اور اسے روس کا سب سے بڑا بین الاقوامی اقتصادی فورم تصور کیا جاتا ہے، اس سال فورم کا موضوع "عملی مکالمہ ایک مستحکم مستقبل کی جانب"رکھا گیا ہے، جس میں عالمی معیشت کو درپیش چیلنجز اور مستقبل کے مواقع پر خصوصی توجہ دی جائے گی۔
وزارت آئی ٹی نے 1.67 ارب روپے سے زاید کے فنڈز طلب کرلیے