سائنسدانوں نے ممکنہ طور پر انسانوں کے لیے قابل رہائش سیارہ دریافت کر لیا
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
سائنس کی دنیا میں ایک اہم پیش رفت کے طور پر بین الاقوامی ٹیم نے ایک ایسا سیارہ دریافت کیا ہے جو ممکنہ طور پر انسانی رہائش کے لیے موزوں ہو سکتا ہے۔ یہ سیارہ زمین کے حجم کا ہے اور ہمارے نظام شمسی سے تقریباً 146 نوری برس کے فاصلے پر واقع ہے، جبکہ اس کا ماحول مریخ سے ملتا جلتا قرار دیا گیا ہے۔
یہ دلچسپ دریافت عالمی سائنسی حلقوں میں خاصی توجہ کا مرکز بنی ہوئی ہے اور اس کے نتائج Astrophysical Journal Letters میں شائع ہوئے ہیں، جس سے مستقبل میں ممکنہ انسانی بستیوں کے لیے نئی راہیں کھلنے کی امید ظاہر کی جا رہی ہے۔
بین الاقوامی میڈیا رپورٹس کے مطابق اس نئے سیارے کا نام ’ایچ ڈی 137010 بی‘ رکھا گیا ہے، جو ایک سورج جیسے ستارے کے گرد گردش کر رہا ہے اور زمین سے تقریباً چھ فیصد بڑا ہے، اس سیارے کی اپنے ستارے کے گرد گردش کا دورانیہ تقریباً 355 دن ہے، جو زمین کے سال کے برابر ہے۔
یہ دریافت ایک بین الاقوامی ٹیم نے کی جس میں آسٹریلیا، برطانیہ، امریکہ اور ڈنمارک کے ماہرین شامل تھے۔ تحقیق کے لیے ٹیم نے ناسا کی کیپلر اسپیس ٹیلی اسکوپ کے 2017 کے ڈیٹا کا تجزیہ کیا۔
سائنسدانوں نے بتایا کہ سیارے کے ستارے کے سامنے سے گزرتے وقت اس کی روشنی میں مختصر چمک پیدا ہوئی، جسے ابتدائی طور پر نو آموز ماہرین نے دیکھا اور بعد میں باقاعدہ تحقیق کا حصہ بنایا گیا۔
تحقیق کے مطابق ایچ ڈی 137010 بی جس ستارے کے گرد گردش کر رہا ہے، وہ ہمارے سورج کے مقابلے میں نسبتاً ٹھنڈا اور مدھم روشنی والا ہے، جس کی وجہ سے سیارے کی سطح پر درجہ حرارت مریخ کے ماحول سے مشابہت رکھتا ہے اور بعض اوقات منفی 70 ڈگری تک گر سکتا ہے۔
ماہرین فلکیات کا کہنا ہے کہ اگرچہ یہ سیارہ نسبتا ہمارے نظام شمسی کے قریب ہے، مگر موجودہ ٹیکنالوجی کے ساتھ وہاں پہنچنے میں ہمیں ہزاروں سال لگ سکتے ہیں۔ تحقیق میں یہ بھی بتایا گیا ہے کہ سیارے میں انسانی رہائش کے قابل ماحول موجود ہونے کا تقریباً 50 فیصد امکان ہے۔
ذریعہ
ذریعہ: Jasarat News
کلیدی لفظ: ستارے کے کے لیے ہے اور
پڑھیں:
میٹا اے آئی سمیت چیٹ بوٹس کے ذریعے سوشل میڈیا اکاؤنٹس ہیک ہونے کا خطرہ، ماہرین کی وارننگ
سائبر سیکیورٹی ماہرین نے خبردار کیا ہے کہ مصنوعی ذہانت یا اے آئی پر مبنی چیٹ بوٹس کے خلاف ایک نئے قسم کے سائبر حملے سامنے آئے ہیں جن کے ذریعے ہیکرز سوشل میڈیا اکاؤنٹس اور ذاتی معلومات تک غیر مجاز رسائی حاصل کر سکتے ہیں۔
یہ بھی پڑھیں: دنیا بھر کی اہم شخصیات کے انسٹاگرام اکاؤنٹس ہیک ہونے کا انکشاف، میٹا نے سب بتادیا
ماہرین کے مطابق جدید بڑی زبان کے ماڈلز(ایل ایل ایمز) جن میں میٹا اے آئی سمیت دیگر اے آئی چیٹ بوٹس شامل ہیں کو ایک تکنیک پرومپٹ انجیکشن‘ کے ذریعے دھوکا دیا جا سکتا ہے۔ اس طریقے میں حملہ آور چیٹ بوٹس کے حفاظتی نظام کو بائی پاس کرتے ہوئے انہیں ایسے احکامات پر عمل کرنے پر آمادہ کرتے ہیں جو عام حالات میں ممکن نہیں ہوتے۔
سائبر سیکیورٹی ماہر بروس شنائر کے مطابق ہیکرز اس مقصد کے لیے ’پرولیج ایسکلیشن‘ نامی حکمت عملی استعمال کرتے ہیں جس کے تحت اے آئی ماڈل کو ایسی فرضی شخصیت اختیار کرنے پر قائل کیا جاتا ہے جو حفاظتی قواعد کو نظر انداز کر دے یوں چیٹ بوٹ کی محدود صلاحیتیں وسیع ہو جاتی ہیں۔
رپورٹ کے مطابق حملہ آور یہ خفیہ ہدایات بظاہر بے ضرر مواد، جیسے ای میلز، ویب سائٹس یا آن لائن پیغامات میں شامل کرتے ہیں۔ اگر چیٹ بوٹ ان ہدایات کو قبول کر لے تو ہیکرز کو صارف کے منسلک اکاؤنٹس اور ڈیجیٹل سروسز تک رسائی حاصل ہو سکتی ہے۔
مزید پڑھیے: اوپن اے آئی نے ’سورا‘ ایپ لانچنگ کے چند ماہ بعد ہی اچانک کیوں بند کردی؟
ماہرین کا کہنا ہے کہ ایک بار چیٹ بوٹ کے متاثر ہونے کے بعد اسے ذاتی معلومات چرانے، حساس ڈیٹا باہر منتقل کرنے یا صارف کے اکاؤنٹس تک غیر مجاز رسائی حاصل کرنے جیسے اقدامات کے لیے استعمال کیا جا سکتا ہے۔
سائبر سیکیورٹی ماہرین نے خبردار کیا ہے کہ خطرہ اس وقت مزید بڑھ جاتا ہے جب صارفین اے آئی ٹولز کو اپنی ای میل، کیلنڈر یا دیگر ذاتی سروسز تک رسائی دے دیتے ہیں کیونکہ اس سے حملہ آوروں کے لیے نقصان دہ سرگرمیوں کے نئے راستے کھل سکتے ہیں۔
مزید پڑھیں: ’کوئی پڑھے نہ پڑھے اے آئی تو پڑھے گی‘: قدیم زمانوں کے محبت نامے، خفیہ تحریریں آشکار
ماہرین کے مطابق ہیکرز کا حتمی مقصد مالی فراڈ، شناختی معلومات کی چوری اور دیگر نقصان دہ سرگرمیوں کو انجام دینا ہوتا ہے۔ ان کا کہنا ہے کہ یہ رجحان ظاہر کرتا ہے کہ مستقبل میں مصنوعی ذہانت کی اپنی استدلالی صلاحیتیں بھی صارفین کے خلاف استعمال کی جا سکتی ہیں جس سے روایتی سائبر سیکیورٹی اقدامات کو مؤثر بنانا مزید مشکل ہو جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی مصنوعی ذہانت ہیکنگ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ