گوگل کروم جیمینائی کے نئے فیچرز کے ساتھ مزید اسمارٹ ہوگیا
اشاعت کی تاریخ: 29th, January 2026 GMT
گوگل نے کروم براؤزر میں جیمِنائی کی بڑی اپ ڈیٹ متعارف کرا دی ہے، جس کے تحت 3 نئے فیچرز شامل کیے گئے ہیں۔ ان فیچرز کا مقصد ویب براؤزنگ کو مزید ذہین، تیز اور مؤثر بنانا ہے۔ نئی اپ ڈیٹ میں اے آئی سائیڈ پینل، ایجنٹک اے آئی آٹو براؤز اور نینو بنانا امیج ایڈیٹنگ شامل ہیں، جو جیمِنائی اے آئی سے تقویت یافتہ ہیں۔
اے آئی سائیڈ پینل سے ملٹی ٹاسکنگ میں آسانیگوگل کروم پروڈکٹ ٹیم کے مطابق نیا اے آئی سائیڈ پینل صارفین کو براؤزر کے ایک جانب فکسڈ پینل میں جیمِنائی کھولنے کی سہولت دیتا ہے، جس سے بار بار ٹیبز تبدیل کرنے کی ضرورت ختم ہو جاتی ہے، صارفین نے اس فیچر کو مختلف ویب سائٹس پر مصنوعات کا موازنہ کرنے، ریویوز پڑھنے اور مصروف شیڈول منظم کرنے کے لیے استعمال کیا۔
یہ بھی پڑھیں:اوپن اے آئی نے ویب براؤزر متعارف کرادیا، گوگل کروم کے لیے خطرے کی گھنٹی؟
اس فیچر کے استعمال سے قبل صارفین کو یو آر ایل اور براؤزر ڈیٹا گوگل کے ساتھ شیئر کرنے کی اجازت دینا ہوگی تاکہ جیمِنائی براؤزنگ کے سیاق و سباق کو بہتر طور پر سمجھ سکے۔
آٹو براؤز اور ایجنٹک اے آئیکروم آٹو براؤز فیچر گوگل اے آئی پرو اور الٹرا سبسکرائبرز کے لیے دستیاب ہے۔ یہ ٹول جیمِنائی کو صارف کی جانب سے متعدد مراحل پر مشتمل کام سرانجام دینے کی اجازت دیتا ہے، جن میں ہوٹل اور فلائٹ کی قیمتوں کی تلاش، غیر ادا شدہ بلز اور سروس کوٹس شامل ہیں۔
یہ بھی پڑھیں: نومولود اے آئی پرپلیکسٹی کی 3 ارب صارفین رکھنے والا گوگل کروم خریدنے کی حیران کن پیشکش
یہ ایک ملٹی موڈل ٹول ہے جو براؤزر میں موجود تصاویر کا تجزیہ بھی کر سکتا ہے۔ جیمِنائی تصاویر میں موجود اشیاء کو شناخت کر کے انہیں آن لائن تلاش کر سکتا ہے اور اجازت کی صورت میں کارٹ میں بھی شامل کر دیتا ہے۔ مزید یہ کہ محفوظ شدہ پاس ورڈز کے ذریعے ویب سائٹس میں لاگ ان ہونے کی صلاحیت بھی دی گئی ہے۔
نینو بناناگوگل کا اے آئی امیج ایڈیٹنگ ٹول نینو بنانا اب جیمِنائی سائیڈ پینل میں شامل کر دیا گیا ہے۔ صارفین ٹیکسٹ پرامپٹس کے ذریعے براہِ راست براؤزر ونڈو میں تصاویر ایڈٹ کر سکیں گے۔
یہ اپ گریڈ گوگل کے جنوری 2026 کے اعلان کا تسلسل ہے، جس میں جیمِنائی کو جی میل، کیلنڈر، گوگل میپس، گوگل فلائٹس، گوگل شاپنگ اور یوٹیوب کے ساتھ کروم میں ضم کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اے آئی جیمینائی گوگل کروم.
ذریعہ
ذریعہ: WE News
کلیدی لفظ: اے ا ئی گوگل کروم سائیڈ پینل گوگل کروم اے آئی کے لیے
پڑھیں:
جارحیت کی قیمت واشنگٹن کو بہت مہنگی پڑے گی، عباس عراقچی
تہران:ایران نے امریکی صدر ڈونلڈ ٹرمپ کی جانب سے ممکنہ نئی فوجی کارروائی کے اشاروں پر سخت ردعمل دیتے ہوئے خبردار کیا ہے کہ کسی بھی غیر ذمہ دارانہ عسکری اقدام کے نتائج امریکا کے لیے انتہائی مہنگے ثابت ہوں گے۔
ایرانی وزیر خارجہ سید عباس عراقچی نے سوشل میڈیا پلیٹ فارم ایکس پر جاری اپنے بیان میں کہا کہ امریکی انتظامیہ کے بعض بااثر حلقے زمینی حقائق کو نظر انداز کر رہے ہیں اور ان کی توجہ خطے کی موجودہ صورتحال کے بجائے 2028 کے صدارتی انتخابات پر مرکوز دکھائی دیتی ہے۔
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
انہوں نے کہا کہ واشنگٹن میں موجود کچھ عناصر حقیقت پسندانہ انداز میں حالات کا جائزہ لینے کے بجائے ایسے فیصلوں کی حمایت کر رہے ہیں جو خطے میں مزید کشیدگی کو جنم دے سکتے ہیں۔
ان کے بقول اگر امریکہ نے جذباتی یا غیر دانشمندانہ جارحیت کا راستہ اختیار کیا تو اس کی سیاسی اور سفارتی قیمت صدر ٹرمپ کو خود ادا کرنا پڑ سکتی ہے۔
عباس عراقچی کا کہنا تھا کہ طاقت کے استعمال یا دھمکیوں سے مسائل حل نہیں ہوں گے بلکہ اس سے خطے کی صورتحال مزید پیچیدہ اور خطرناک ہو جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار