سعودی عرب کے شہر حائل میں ٹوٹوٹا انٹرنیشنل بایا ریلی کا آغاز ہوگیا
اشاعت کی تاریخ: 29th, January 2026 GMT
سعودی عرب کے شہر حائل میں حائل ٹویوٹا انٹرنیشنل بایا ریلی 2026 کا 21 واں ایڈیشن شاندار افتتاح کے ساتھ شروع ہوگئی ہے۔
سعودی پریس ایجنسی کے مطابق جمعرات کے روز حائل کے گورنر اور حائل ریجن ڈویلپمنٹ اتھارٹی کے چیئرمین پرنس عبدالعزیز بن سعد بن عبدالعزیز نے ریلی کا افتتاحی فلیگ آف کیا اور شرکا کو روانہ کیا۔
یہ بھی پڑھیں: سعودی عرب میں ریلی ڈاکار 2026 کی تفصیلات جاری، 69 ممالک کے 812 ڈرائیور شریک ہوں گے
یہ عالمی ایونٹ فیڈریشن انٹرنیشنل ڈی لا آٹو موبائل ورلڈ بایا کپ (ایف آئی اے)، فیڈریشن انٹرنیشنل ڈی لا آٹو موبائل مڈل ایسٹ بایا کپ(ایف آئی ایم)، فیڈریشن انٹرنیشنل ڈی موٹر سائیکل ورلڈ بایا کپ اور فیڈریشن انٹرنیشنل ڈی موٹر سائیکل ایشیا بایا کپ کا حصہ ہے، جبکہ سعودی ٹویوٹا بایا چیمپئن شپ کا بھی افتتاحی مرحلہ ہے۔
پرنس عبدالعزیز نے اس موقع پر کہا کہ حائل ریلی 2 دہائیوں سے کامیابی کی مثال ہے اور سعودی قیادت اور حائل کے عوام کی حمایت سے یہ عالمی موٹر اسپورٹس کا پلیٹ فارم بن چکی ہے جو ٹورزم اور اکنامک گروتھ کو فروغ دیتا ہے۔
یہ بھی پڑھیں: سعودی عرب کے شہر حائل نے آف روڈ گاڑیوں کے سب سے بڑے قافلے کا گنیز ورلڈ ریکارڈ قائم کرلیا
انہوں نے مزید کہا کہ ریلی کی عالمی چیمپئن شپ کیلنڈرز میں شمولیت حائل کی ریپوٹیشن کو مزید بڑھاتی ہے اور اسے ریلی چیمپئنز اور مہمانوں کے لیے ممتاز مقام بناتی ہے۔
افتتاحی تقریب کے بعد کوالیفائنگ اسٹیج شروع ہو گیا، جو 6 کلومیٹر طویل ٹائمڈ اسٹیج ہے اور پہلے فل اسٹیج میں ٹاپ دس ریسنگ ٹیموں کی اسٹارٹنگ پوزیشن کا تعین کرے گا، جس کے ساتھ ہی حائل ٹویوٹا انٹرنیشنل ریلی 2026 باضابطہ طور پر آغاز ہو گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بایا پرنس عبدالعزیز ریلی سعودی عرب فیڈریشن انٹرنیشنل ڈی لا آٹو موبائل ورلڈ بایا کپ.
ذریعہ
ذریعہ: WE News
کلیدی لفظ: بایا پرنس عبدالعزیز ریلی فیڈریشن انٹرنیشنل ڈی
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
بھارت سے جنگ اور افغانستان میں کارروائی خارج ازامکان نہیں، وزیردفاع