خاتونِ اول آصفہ بھٹو کا دبئی میں میوزیم آف دی فیوچر کا دورہ
اشاعت کی تاریخ: 30th, January 2026 GMT
اسلام آباد (نمائندہ خصوصی) خاتونِ اول بی بی آصفہ بھٹو زرداری نے عرب امارات کی دعوت پر دبئی میں میوزیم آف دی فیوچر کا دورہ کیا۔ خاتونِ اول نے میوزیم کی جدید اور ہمہ گیر نمائشوں کا مشاہدہ کیا جو اختراع، پائیداری، سائنس اور مستقبل کے چیلنجز سے نمٹنے کے تخلیقی طریقوں پر مرکوز تھیں۔ انہوں نے میوزیم کے اس کردار کو سراہا جو ایک عالمی پلیٹ فارم کے طور پر مستقبل پر مبنی سوچ کو فروغ دیتا ہے، نوجوانوں کو متاثر کرتا ہے اور مختلف ثقافتوں اور نسلوں کے خیالات کو یکجا کرتا ہے۔ خاتونِ اول نے میوزیم آف دی فیوچر کو متحدہ عرب امارات کے دور اندیش وژن اور مستقبل کی تشکیل کے عزم کا طاقتور اظہار قرار دیا۔ انہوں نے میوزیم کے منفرد طرزِ تعمیر کی بھی تعریف کی، بالخصوص عربی خطاطی جس پر شیخ محمد بن راشد آل مکتوم کے اقوال درج ہیں، اور کہا کہ یہ ثقافت، جدت اور مقصد کا حسین امتزاج ہے۔ بی بی آصفہ بھٹو زرداری نے کہا کہ ایسے ادارے کا مشاہدہ کرنا باعثِ اعزاز ہے جو انسانیت کے مستقبل کے لیے تخیل اور امکانات کی عکاسی کرتا ہے۔
.
ذریعہ
ذریعہ: Nawaiwaqt
کلیدی لفظ: نے میوزیم
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے