وزیراعظم کے مشیر اور سابق وزیرِ اعلیٰ خیبر پختونخوا پرویز خٹک کی گاڑی کو حادثہ
اشاعت کی تاریخ: 30th, January 2026 GMT
(ویب ڈیسک)وزیراعظم کے مشیر اور سابق وزیرِ اعلیٰ خیبر پختونخوا پرویز خٹک کی گاڑی کو موٹر وے پر حادثہ پیش آیا، جس کے نتیجے میں وہ محفوظ رہے تاہم انہیں معمولی نوعیت کی چوٹیں آئیں۔
تفصیلات کے مطابق حادثہ گزشتہ شب اُس وقت پیش آیا جب پرویز خٹک نوشہرہ سے اسلام آباد جا رہے تھے،ان کی گاڑی موٹر وے پر سفر کے دوران اچانک حادثے کا شکار ہو گئی۔
ابتدائی اطلاعات کے مطابق گاڑی کو جزوی نقصان پہنچا، تاہم خوش قسمتی سے کوئی جانی نقصان نہیں ہوا،حادثے کے فوراً بعد ریسکیو اور موٹر وے پولیس کی ٹیمیں موقع پر پہنچ گئیں اور زخمیوں کو ابتدائی طبی امداد فراہم کی گئی۔
عالمی مارکیٹ میں خام تیل کی قیمت 5 ماہ کی بلند ترین سطح پر پہنچ گئی
پرویز خٹک کے بیٹے اسحاق خٹک نے میڈیا سے گفتگو کرتے ہوئے بتایا کہ ان کے والد بالکل محفوظ ہیں اور انہیں صرف معمولی چوٹیں آئی ہیں۔
انہوں نے کہا کہ ڈاکٹروں نے پرویز خٹک کا مکمل طبی معائنہ کیا ہے اور ان کی حالت خطرے سے باہر ہے، اہلِ خانہ نے اللہ تعالیٰ کا شکر ادا کرتے ہوئے عوام سے دعا کی اپیل بھی کی۔
حکام کے مطابق حادثے کی وجوہات جاننے کے لیے تحقیقات کا آغاز کر دیا گیا ہے،موٹر وے پولیس کا کہنا ہے کہ مختلف پہلوؤں سے واقعے کا جائزہ لیا جا رہا ہے، جن میں رفتار، سڑک کی حالت اور دیگر تکنیکی عوامل شامل ہیں، تحقیقات مکمل ہونے کے بعد حادثے کی اصل وجہ سامنے آ سکے گی۔
ہزارہ ایکسپریس کی 2بوگیاں پٹڑی سے اتر گئیں
واضح رہے کہ پرویز خٹک ایک سینئر سیاسی رہنما ہیں اور ماضی میں خیبر پختونخوا کے وزیرِ اعلیٰ کے طور پر خدمات انجام دے چکے ہیں،حالیہ حادثے کے بعد ان کی صحت سے متعلق آنے والی مثبت اطلاعات نے ان کے چاہنے والوں کو قدرے اطمینان میں مبتلا کر دیا ہے۔
.
ذریعہ
ذریعہ: City 42
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ