علاقائی کشیدگی کے حوالے سے ایرانی و ترک صدور کی ٹیلیفونک گفتگو
اشاعت کی تاریخ: 30th, January 2026 GMT
ترک ایوان صدر نے، خطے میں بڑھتی کشیدگی کے حوالے سے ترک اور ایرانی صدور کی ٹیلیفونک گفتگو کا اعلان کیا ہے اسلام ٹائمز۔ ایرانی و ترک صدور، ڈاکٹر مسعود پزشکیان اور رجب طیب اردوغان نے ٹیلیفون پر گفتگو کی ہے۔ ترک ایوان صدر کی جانب سے جاری ہونے والے ایک بیان کے مطابق، دونوں صدور نے ترکی اور ایران کے درمیان دوطرفہ تعلقات سمیت خطے میں فوجی کشیدگی میں اضافے پر بھی تفصیلی تبادلہ خیال کیا۔ اس گفتگو کے دوران، اردوغان نے تہران و واشنگٹن کے درمیان ثالثی کے حوالے سے ترکی کی آمادگی پر زور دیتے ہوئے مزید کہا کہ ترکی، ایران و امریکہ کے درمیان کشیدگی کو کم کرنے نیز مسائل کے حل کے لئے سہولتکاری کو بھی تیار ہے۔ انقرہ نے یہ اعلان بھی کیا کہ ایرانی وزیر خارجہ سید عباس عراقچی، جمعے کے روز رجب طیب اردوغان کے ساتھ بھی ملاقات کریں گے۔
.
ذریعہ
ذریعہ: Islam Times
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ