ضلع غربی میں مساجد کے باہر بڑے پیمانے پر احتجاج
اشاعت کی تاریخ: 31st, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) جماعت اسلامی ضلع غربی کے تحت کراچی کی ابتر صورتحال، بڑھتے ہوئے حادثات اور گل پلازہ جیسے دلخراش سانحات پر حکمرانوں کی مجرمانہ غفلت کے خلاف ضلع بھر کی بڑی مساجد کے باہر احتجاجی مظاہرے کیے گئے۔ مظاہرین نے کتبے اور بینرز اٹھا رکھے تھے جن پر سندھ حکومت اور میئر کراچی کی نااہلی کے خلاف نعرے درج تھے۔ احتجاجی مہم کے سلسلے میں سب سے بڑا مظاہرہ جامع مسجد سلمان فارسی کے باہر ہوا، جس سے امیر ضلع مدثر حسین انصاری نے خطاب کیا۔مدثر حسین انصاری نے اپنے خطاب میں سندھ حکومت اور بلدیہ عظمیٰ کراچی پر سخت تنقید کرتے ہوئے کہا کہ گل پلازہ کا واقعہ کوئی اتفاقی حادثہ نہیں بلکہ کرپٹ نظام اور انتظامیہ کی بدترین نااہلی کا نتیجہ ہے جس نے درجنوں خاندانوں کے چراغ گل کر دیے۔ انہوں نے مطالبہ کیا کہ انسانی جانوں کے زیاں پر وزیراعلیٰ سندھ اور میئر کراچی فی الفور اپنے عہدوں سے مستعفی ہوں کیونکہ وہ شہریوں کو تحفظ فراہم کرنے میں مکمل طور پر ناکام ہو چکے ہیں۔انہوں نے مزید کہا کہ کراچی کے عوام کو پینے کے صاف پانی، ٹریفک کی روانی اور بنیادی ڈھانچے جیسی سہولیات سے محروم کر کے شہر کو کھنڈر بنا دیا گیا ہے۔ مدثر انصاری نے عوام سے اپیل کی کہ وہ کل یکم فروری کو ہونے والے ’’جینے دو کراچی مارچ‘‘ میں بھرپور شرکت کر کے ثابت کریں کہ یہ شہر اب مزید ناانصافی اور لاقانونیت برداشت نہیں کرے گا۔مظاہروں سے جماعت اسلامی اسلامی کے منتخب یوسی چیئرمین عطائے ربی‘ حاشر عمر، کرامت علی، زاہد اقبال ‘ یوسی 2 کے چیئرمین نورالاسلام ودیگر نے خطاب کیا۔ جامع مسجد اسلامیہ، الخلیل مارکیٹ کے باہر مظاہرے سے ناظم علاقہ یوسی 6 بلال نصیر ‘ٹاؤن میونسپل کارپوریشن اورنگی میں اپوزیشن لیڈر و وائس چیئرمین یوسی 6 زاہد اقبال اور ناظم حلقہ ارمان ناصر نے بھی خطاب کیا، حلقہ صابری چوک یوسی 5اورنگی ٹاؤن کے تحت جامع مسجد مدینہ اور جامع مسجد فردوس کے باہر مظاہرہ کیا گیا۔ نائب ناظم علاقہ عثمان اور مزمل حسین انصاری نے خطاب کیا ۔ یوسی ون میں خیرآباد ‘علاقہ یوسی 3 جامع مسجد اسلامیہ ‘ حلقہ صادق آباد یوسی 7میں جامع مسجد عثمانیہ کے باہر احتجاج کیا گیاجاوید حسین اور ناظم حلقہ زاہد معین نے خطاب کیا۔
ذریعہ
ذریعہ: Jasarat News
کلیدی لفظ: نے خطاب کیا کے باہر
پڑھیں:
کراچی ایئرپورٹ پر جعلی یو اے ای ورک ویزا فراڈ بے نقاب، مسافر آف لوڈ
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ اسلام ٹائمز۔ ایف آئی اے امیگریشن نے دبئی جانے والے مسافر سید ظل اللہ احسان الزمان کو جعلی یو اے ای ریزیڈنس، ورک ویزا پر سفر کی کوشش کے دوران آف لوڈ کر دیا۔ ترجمان ایف آئی اے کے مطابق دورانِ بورڈنگ عملے کو ٹکٹ کی تفصیلات ایئرلائن سسٹم میں نہ ملنے پر مسافر کو مزید جانچ کیلئے روکا گیا، تفصیلی جانچ کے دوران پیش کردہ یو اے ای ورک ویزا جعلی اور بوگس پایا گیا۔ ابتدائی تحقیقات میں مسافر نے انکشاف کیا کہ اس نے سوشل میڈیا کے ذریعے رابطہ کرنے والے ایجنٹ ملک شہباز اعوان سے بیرون ملک ملازمت کے انتظامات کروائے تھے، مذکورہ ایجنٹ مبینہ طور پر ’’مَلک اوورسیز‘‘ کے نام سے جوہرآباد، خوشاب میں کام کر رہا ہے۔
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ ادائیگیاں مختلف جاز کیش اور بینک اکاؤنٹس میں منتقل کی گئیں۔ مسافر نے مؤقف اختیار کیا کہ اسے ویزا کے جعلی ہونے کا علم نہیں تھا اور وہ خود بھی ویزا فراڈ کا شکار ہوا ہے۔ ترجمان ایف آئی اے کے مطابق مسافر کو تمام متعلقہ دستاویزات سمیت مزید قانونی کارروائی اور تحقیقات کیلئے ایف آئی اے اینٹی ہیومن ٹریفکنگ سرکل کراچی منتقل کر دیا گیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے