دبئی میں فیشن فیسٹیول کا اختتام، شاہ رخ خان نے گلوبل اسٹائل آئیکون ایوارڈ جیت لیا
اشاعت کی تاریخ: 31st, January 2026 GMT
دبئی میں فیشن اور شوبز کا شاندار امتزاج دیکھنے میں آیا جہاں بالی ووڈ سپر اسٹار شاہ رخ خان کو دبئی مال میں منعقدہ تقریب کے دوران گلوبل اسٹائل آئیکون ایوارڈ سے نوازا گیا۔ یہ اعزاز دبئی مال فیسٹیول آف فیشن کے اختتامی روز دیا گیا، جس نے شہر کے فیشن کیلنڈر میں ایک نئی تاریخ رقم کی۔
یہ بھی پڑھیں: پاکستان انٹرنیشنل اسکرین ایوارڈز کے لیے نامزدگیوں کا اعلان، کون کون شامل ہے؟
2 روزہ فیشن فیسٹیول کے اختتام پر منعقد ہونے والی یہ تقریب دبئی کے معروف ارمانی ہوٹل میں ہوئی، جو دبئی مال گلوبل فیشن ایوارڈز کا پہلا ایڈیشن تھا۔ اس افتتاحی تقریب میں شاہ رخ خان کو مرکزی اعزاز حاصل ہوا، جسے دبئی کی فیشن انڈسٹری کے لیے ایک اہم سنگ میل قرار دیا جارہا ہے۔
View this post on Instagram
A post shared by Viral Bhayani (@viralbhayani)
تقریب سے خطاب میں 59 سالہ شاہ رخ خان نے حسبِ روایت عاجزی کا مظاہرہ کرتے ہوئے کہا کہ وہ خود کو فیشن کا ماہر نہیں سمجھتے اور عام طور پر سادہ لباس کو ترجیح دیتے ہیں۔ ان کے اس اندازِ گفتگو کو حاضرین کی جانب سے خوب سراہا گیا۔
یہ ایوارڈ ایمار پراپرٹیز کے بانی محمد العبار نے پیش کیا، جنہوں نے شاہ رخ خان کو شو کے لیے سب سے بڑی تحریک قرار دیا۔ اس موقع پر دونوں کے درمیان گرمجوشی بھی دیکھی گئی، جو باہمی احترام اور دوستی کی عکاس تھی۔
یہ بھی پڑھیں: شاہ رخ خان کی کروڑوں کی لگژری گھڑی نے سب کو حیران کردیا، اس میں کیا خاص ہے؟
تقریب میں معروف فیشن ڈیزائنر منیش ملہوترا کو بھی کاؤچر ڈیزائنر آف دی ایئر کے اعزاز سے نوازا گیا۔ منیش ملہوترا نے ہی اس موقع پر شاہ رخ خان کے لیے سیاہ سوٹ تیار کیا تھا۔ دونوں کے درمیان طویل پیشہ ورانہ رفاقت کو بھی تقریب کے دوران یاد کیا گیا، جس نے محفل کو مزید یادگار بنا دیا۔
View this post on Instagram
A post shared by Team Shah Rukh Khan (@teamshahrukhkhan)
ایوارڈ تقریب سے ایک روز قبل شاہ رخ خان نے فاتحین کے اعزاز میں منعقد نجی عشائیے میں بھی شرکت کی، جہاں ان کا سادہ مگر باوقار انداز ایک بار پھر توجہ کا مرکز بنا۔
گلوبل اسٹائل آئیکون ایوارڈ محض لباس یا فیشن سینس تک محدود نہیں بلکہ عالمی ثقافت پر شاہ رخ خان کے اثر و رسوخ کا اعتراف بھی ہے۔ دنیا بھر میں کروڑوں مداح رکھنے والے شاہ رخ خان نہ صرف فلمی دنیا بلکہ فیشن اور ثقافتی رجحانات پر بھی گہرا اثر رکھتے ہیں۔
یہ بھی پڑھیں: آریان خان بھی ’کنگ‘ کے سحر میں مبتلا، شاہ رخ خان کو بالی ووڈ کا ‘باپ’ قرار دیدیا
دبئی مال فیسٹیول آف فیشن کے پہلے ایڈیشن میں شاہ رخ خان کو پہلا گلوبل اسٹائل آئیکون قرار دیا جانا اس بات کی علامت ہے کہ دبئی عالمی فیشن کے نقشے پر ایک مضبوط مقام بنانے کی جانب تیزی سے بڑھ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بالی ووڈ کنگ دبئی شاہ رخ خان فیشن فیسٹیول گلوبل اسٹائل آئیکون ایوارڈ.
ذریعہ
ذریعہ: WE News
کلیدی لفظ: بالی ووڈ کنگ شاہ رخ خان فیشن فیسٹیول شاہ رخ خان کو دبئی مال کے لیے
پڑھیں:
دبئی کا بڑا اعلان؛ دوستوں اور رشتہ داروں کو سیاحت پر بلائیں، ہزاروں درہم انعام پائیں
مشرقِ وسطیٰ میں جاری جنگ کے باعث سیاحوں کی تعداد میں نمایاں کمی کے بعد دبئی نے سیاحت کو دوبارہ فروغ دینے کے لیے منفرد مہم شروع کر دی ہے۔
عرب میڈیا کے مطابق نئی اسکیم کے تحت متحدہ عرب امارات کے رہائشی اگر اپنے دوستوں یا رشتہ داروں کو دبئی گھومنے کے لیے آمادہ کریں تو انھیں 3 ہزار اماراتی درہم مالیت تک کے انعامات اور سہولتیں دی جائیں گی۔
دبئی کے محکمۂ اقتصادیات و سیاحت کی جانب سے متعارف کرائی گئی اسکیم ’’دبئی اِنوائٹ‘‘ کے تحت یو اے ای میں مقیم افراد اپنے بیرونِ ملک رہنے والے دوستوں اور اہلِ خانہ کو نامزد کرسکتے ہیں۔
اگر کسی شہری کی دعوت پر ان کے دوست یا رشتہ دار سیاحتی ویزے پر دبئی آتے ہیں تو میزبان کو ہوٹل میں قیام، ریستورانوں میں خصوصی رعایت، تفریحی مقامات کے ٹکٹ اور دیگر مراعات پر مشتمل خصوصی پیکیج دیا جائے گا۔
اس اسکیم کے تحت ہر رہائشی زیادہ سے زیادہ تین مہمانوں کے لیے فوائد حاصل کرسکتا ہے بشرطیکہ مہمان 31 اکتوبر سے پہلے دبئی پہنچ جائیں۔ تاہم ان مراعات سے دسمبر تک فائدہ اٹھایا جا سکے گا۔
اس اسکیم سے فائدہ اٹھانے کے لیے ضروری ہے کہ آنے والا فرد یو اے ای کا رہائشی نہ ہو، وہ درست سیاحتی ویزے پر سفر کرے اور اسے صرف ایک مرتبہ ہی نامزد کیا جا سکے گا۔
دبئی حکومت کے یہ اقدام ایسے وقت میں سامنے آئے ہیں جب امریکا، اسرائیل اور ایران کے درمیان کشیدگی کے اثرات خلیجی ممالک تک پہنچنے کے بعد سیاحت شدید متاثر ہوئی ہے۔
رپورٹس کے مطابق ایران کی جانب سے کیے گئے میزائل اور ڈرون حملوں کے بعد دبئی کے بین الاقوامی ہوائی اڈے اور معروف فیئرمونٹ ہوٹل کو نقصان پہنچا جس سے دبئی کی محفوظ سیاحتی مقام کی ساکھ متاثر ہوئی۔
یاد رہے کہ گزشتہ برس 2025 میں دبئی نے تقریباً 2 کروڑ بین الاقوامی سیاحوں کا خیرمقدم کر کے نیا ریکارڈ قائم کیا تھا لیکن حالیہ جنگ کے بعد صورتحال یکسر بدل گئی ہے۔
ہوائی سفر پر سیکیورٹی خدشات بڑھنے کے باعث دبئی آنے والی کئی بین الاقوامی ایئرلائنز نے اپنی پروازیں معطل یا محدود کر دیں جبکہ متعدد طیاروں نے مشرقِ وسطیٰ کی فضائی حدود سے گزرنے سے گریز کیا۔
اس کے نتیجے میں دبئی ایئرپورٹس پر آپریٹ کرنے والی ایئرلائنز کی تعداد میں نمایاں کمی آئی۔ دوسری جانب ہوٹلوں میں بکنگ کم ہونے سے خالی کمروں کی شرح میں اضافہ ہوا ہے اور کئی کاروباری اداروں کی آمدنی میں 50 فیصد سے زائد کمی ریکارڈ کی گئی۔
دبئی کے بعض مشہور ہوٹلوں نے کم طلب کے باعث تزئین و آرائش کے منصوبے قبل از وقت شروع کر دیے ہیں۔ دنیا کے مشہور برج العرب ہوٹل کو بھی بڑے پیمانے پر مرمت اور بحالی کے لیے تقریباً 18 ماہ کے لیے بند کرنے کا اعلان کیا گیا ہے۔
اس کے علاوہ کئی ہوٹل اور سیاحتی ادارے حکومت کی نئی اسکیم کے تحت 45 فیصد تک رعایت اور مفت قیام جیسی خصوصی پیشکشیں بھی دے رہے ہیں۔
مقامی میڈیا کے مطابق دبئی اِنوائٹ اسکیم کے آغاز کے صرف 48 گھنٹوں میں 10 ہزار سے زائد درخواستیں موصول ہو چکی ہیں جس سے ظاہر ہوتا ہے کہ حکومت کو اس منصوبے سے سیاحت کی بحالی کی امیدیں وابستہ ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا