بین المذاہب ہم آہنگی میں تعمیری کردار کیلئے پاکستان پرعزم: زرداری
اشاعت کی تاریخ: 1st, February 2026 GMT
اسلام آباد (نمائندہ خصوصی) صدرِ مملکت آصف علی زرداری نے عالمی ہفتہ بین المذاہب جو یکم تا 7 فروری 2026ء منایا جا رہا ہے، پر پیغام میں کہا کہ پاکستان کے عوام اور عالمی برادری کو دلی مبارکباد پیش کرتا ہوں۔ ہمارا آئین تمام شہریوں کو، مذہب یا عقیدے سے قطع نظر، مذہبی آزادی اور مساوی حقوق کی ضمانت دیتا ہے۔ یہ اصول بانی پاکستان قائدِ اعظم محمد علی جناح کے وژن کی عکاسی کرتے ہیں، جنہوں نے رواداری، اتحاد اور ہم آہنگی کو پاکستانی قوم کی بنیاد قرار دیا۔ تنازعات، تقسیم اور بڑھتی ہوئی عدم برداشت کے اس دور میں بین المذاہب رابطہ پہلے سے کہیں زیادہ اہم ہو چکا ہے۔ مختلف مذاہب کے پیروکاروں کے مابین بامعنی روابط، تعلیم اور مکالمہ تعصبات اور غلط فہمیوں کے ازالے کے لیے ناگزیر ہیں۔ اس موقع پر آئیے ہم بین المذاہب ہم آہنگی کی اقدار کے تحفظ، اقلیتوں کے حقوق کی پاسداری اور ایک پْرامن دنیا کے لیے مل جل کر کام کرنے کے عزم کی تجدید کریں۔ پاکستان قومی اور بین الاقوامی سطح پر بین المذاہب ہم آہنگی کے فروغ اور عالمی امن و تفہیم میں تعمیری کردار ادا کرنے کے لئے پر عزم ہے۔بلاول بھٹو زرداری نے دنیا بھر سے رواداری، ہمدردی اور پْرامن بقائے باہمی کے عزم کی تجدید کی اپیل کرتے ہوئے عالمی برادری پر زور دیا ہے کہ وہ بھارت میں موجودہ صورتحال کا سنجیدگی سے نوٹس لے، جہاں اسلاموفوبیا اور مذہبی اقلیتوں کے خلاف ریاستی سرپرستی میں فروغ پاتی نفرت میں مسلسل اضافہ ہو رہا ہے۔ دنیا میں بڑھتی ہوئی عدم برداشت، نفرت اور تقسیم کے اس دور میں مذاہب کے درمیان باہمی احترام کی ضرورت پہلے سے کہیں زیادہ بڑھ گئی ہے۔ انہوں نے کہا کہ مذاہب کے درمیان ہم آہنگی انسانیت کی وہ زبان ہے، جو زخموں پر مرہم رکھتی ہے، اعتماد کو فروغ دیتی ہے اور معاشروں کو مضبوط بناتی ہے۔
.
ذریعہ
ذریعہ: Nawaiwaqt
کلیدی لفظ: بین المذاہب ہم ا ہنگی
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ