جینے دو کراچی مارچ: جماعت اسلامی نے مارچ کا مکمل نقشہ جاری کر دیا
اشاعت کی تاریخ: 1st, February 2026 GMT
data-id="863a0a8" data-element_type="widget" data-widget_type="theme-post-content.default">
کراچی:جماعت اسلامی کراچی کے ترجمان نے اعلان کیا ہے کہ شہر میں آج ہونے والے ’’جینے دو کراچی مارچ‘‘ کے لیے تمام انتظامات مکمل کر لیے گئے ہیں اور مارچ کا باقاعدہ روٹ پلان اور انتظامی نقشہ بھی جاری کر دیا گیا ہے۔
ترجمان کے مطابق اس عظیم الشان عوامی مارچ کا مقصد کراچی کے شہریوں کو درپیش بنیادی مسائل، بدانتظامی اور ناانصافیوں کے خلاف آواز بلند کرنا ہے، مارچ کا مرکزی اسٹیج شارع فیصل پر نرسری پیڈسٹرین برج کے قریب قائم کیا گیا ہے، جہاں سے مرکزی قیادت شرکاء سے خطاب کرے گی۔ اسٹیج کے اطراف سیکیورٹی اور نظم و ضبط کے خصوصی انتظامات کیے گئے ہیں۔
ترجمان نے بتایا کہ شارع فیصل کی دو رویہ سڑک کو منظم انداز میں تقسیم کیا گیا ہے، جس کے تحت ایک جانب خواتین جبکہ دوسری جانب مردوں کے لیے علیحدہ انتظامات کیے گئے ہیں تاکہ شرکاء کو سہولت اور تحفظ فراہم کیا جا سکے۔
مختلف اضلاع سے آنے والے شرکاء کے لیے واضح ہدایات جاری کی گئی ہیں،ضلع ملیر، ایئرپورٹ اور ضلع شرقی کے شہریوں کو ڈرگ روڈ کے راستے شارع فیصل پہنچنے کی ہدایت دی گئی ہے،ضلع وسطی، غربی اور کیماڑی کے کارکنان کو اسٹیڈیم روڈ کے ذریعے مارچ میں شرکت کرنے کی ہدایت دی گئی ہے،ضلع جنوبی اور مرکزی قائدین کے کارکنان فوزیہ وہاب فلائی اوور کے راستے شارع فیصل پر آئیں گے۔
ضلع سائٹ، لیاری عربی اور کورنگی کے کارکنان کو بلوچ کالونی پل کے ذریعے مارچ میں شامل ہونے کی ہدایت دی گئی ہے،اسی طرح ضلع شرقی، گلبرگ وسطی اور شمالی کے کارکنان کو رشد منہاس روڈ سے مارچ میں پہنچنے کی ہدایات جاری کی گئی ہیں۔
ترجمان کے مطابق میڈیا نمائندگان کے لیے مرکزی اسٹیج کے پچھلے حصے میں خصوصی انتظامات کیے گئے ہیں تاکہ کوریج میں آسانی رہے۔ اس کے علاوہ شارع فیصل کے دونوں اطراف مرکزی کیمپس قائم کیے گئے ہیں، جہاں ہنگامی طبی امداد کے انتظامات موجود ہوں گے۔
بیان میں مزید کہا گیا ہے کہ کسی بھی ہنگامی صورتحال سے نمٹنے کے لیے ایمبولینسز دونوں اطراف الرٹ رہیں گی جبکہ شرکاء کی سہولت کے لیے موبائل واش رومز بھی شارع فیصل کے دونوں جانب نصب کیے گئے ہیں۔
جماعت اسلامی کے ترجمان نے کراچی کے شہریوں سے اپیل کی ہے کہ وہ نظم و ضبط کا مظاہرہ کریں، مقررہ راستوں پر چلیں اور پرامن انداز میں جینے دو کراچی مارچ میں بھرپور شرکت کر کے اپنے جائز حقوق کے لیے آواز بلند کریں۔
ذریعہ
ذریعہ: Jasarat News
کلیدی لفظ: کیے گئے ہیں کے کارکنان شارع فیصل مارچ کا کے لیے گیا ہے
پڑھیں:
گلگت بلتستان کی سڑکوں کی خستہ حالی دیکھ کر شدید دکھ ہوا، نواز شریف
ایک بیان میں قائد نون لیگ کا کہنا تھا کہ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ اسلام ٹائمز۔ نون لیگ کے قائد میاں نواز شریف نے کہا ہے کہ ہم نے گلگت سے سکردو کا 9 گھنٹے کا سفر 3 گھنٹے میں بدل کر عوام کے 6 گھنٹے بچائے ہیں۔ 70 سال سے لٹکے منصوبے ہم نے اربوں روپے لگا کر مکمل کیے۔ ہمیں یہ منظور نہیں کہ یہاں 20، 22 گھنٹے لوڈشیڈنگ ہو۔ ووٹ ملے یا نہ ملے، ہم آپ کو محروم نہیں رکھیں گے۔ آپ ووٹ دیں یا نہ دیں ہم پھر بھی آپ کی خدمت کریں گے اور ترقیاتی کام مکمل کریں گے۔ ایک بیان میں میاں نواز شریف کا کہنا تھا کہ میں شہباز شریف اور مریم کو بھی کہوں گا کہ وہ دونوں یہاں آئیں اور اگر اللہ کے فضل و کرم سے ہماری حکومت آتی ہے، تو میں خود ہر دوسرے تیسرے مہینے یہاں آکر شروع کیے گئے ترقیاتی منصوبوں کی تکمیل اور نگرانی اپنی دیکھ بھال میں مکمل کرواؤں گا۔ یہاں دیس نکالے کی باتیں کرنے والے یاد رکھیں کہ 2017ء میں این ایف سی کمیٹی نواز شریف نے ہی بنائی تھی تاکہ اس مسئلے کا مستقل حل نکل سکے۔
ان کا مزید کہنا تھا کہ گلگت، سکردو، بلتستان اور ہنزہ سمیت پورے خطے کے عوام سے مخاطب ہوں۔ اللہ کے فضل و کرم سے اور شہباز شریف سے بات کر کے اس شاہراہ کو پورا خنجراب تک پہنچائیں گے۔ پاک چائنا ٹریڈنگ کے اس منصوبے سے یہاں ایسی خوشحالی آئے گی کہ آپ کو گھر بیٹھے روزگار اور اخراجات ملیں گے اور پورا خطہ بدل جائے گا۔ آج گلگت بلتستان کی سڑکوں کی خستہ حالی دیکھ کر شدید دکھ ہوا، وہ گلگت کہاں ہے جسے میں جانتا تھا؟ ہم نے مانسہرہ سے تھاکوٹ تک بہترین سڑک بنائی جسے خنجراب تک جانا تھا مگر اسے نظر انداز کر دیا گیا۔ ہم کسی کی برائی کرنے نہیں بلکہ ہمیشہ اپنی کارکردگی کی بنیاد پر ووٹ مانگتے ہیں۔ یہاں کے عوام بے تحاشہ ترقی اور روزگار کے حقدار ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ