11 سالہ امریکی لڑکے نے کینڈاما کھلونے کے ذریعے گنیز ورلڈ ریکارڈ قائم کردیا
اشاعت کی تاریخ: 1st, February 2026 GMT
امریکا کے 11 سالہ لڑکے کالب ہنٹر نے کینڈاما ٹائے کے ذریعے گنیز ورلڈ ریکارڈ قائم کر کے سب کو حیران کر دیا۔
کالب ہنٹر، جو وسکونسن ریاست سے تعلق رکھتا ہے، نے 30 سیکنڈ کے اندر کینڈاما کے 51 مکمل گردشیں مکمل کر کے 16 سال سے کم عمر بچوں کی کیٹیگری میں نیا ریکارڈ بنایا۔
یہ بھی پڑھیں: پاکستانی ٹینس کھلاڑی طلحہ وحید نے گنیز ورلڈ ریکارڈ قائم کر لیا
ریکارڈ حاصل کرنے کے بعد مقامی میڈیا سے گفتگو کرتے ہوئے کالب نے بتایا کہ انہوں نے اس ریکارڈ کو توڑنے کے لیے کافی مشق کی۔ مشق کے دوران اکثر گیند وقت سے پہلے گر جاتی تھی، لیکن انہوں نے ہمت نہیں ہاری۔
11-year-old juggler breaks world record using a pindaloo: An 11-year-old juggler from Wisconsin broke a Guinness World Record by using a pindaloo to complete 51 rotations in under 30 seconds.
— Opening Day Game (@OpeningDayNFL) January 31, 2026
کالب نے بتایا کہ ان کی تحریک ان کے والد سے ملی، جو خود اسی کیٹیگری میں سابقہ ریکارڈ ہولڈر ہیں۔ والد کی کامیابی نے انہیں محنت کرنے اور ریکارڈ حاصل کرنے کی ترغیب دی۔
کینڈاما کیا ہے؟کینڈاما ایک روایتی جاپانی کھلونا ہے جو اپنی سادہ لیکن مہارت طلب ساخت کی وجہ سے مشہور ہے۔ یہ عام طور پر لکڑی سے بنایا جاتا ہے اور اس کی شکل Y نما ہینڈل، ایک گیند اور ایک دھاگے پر مشتمل ہوتی ہے جو گیند کو ہینڈل سے جوڑتا ہے
۔ کھیلنے کے دوران کھلاڑی کو گیند کو ایک سرے سے دوسرے سرے میں یا پیالوں میں ڈالنا، اسٹک پر بیلنس کرنا یا دھاگے کی مدد سے دوبارہ پکڑنا پڑتا ہے۔ کھیل میں پیچیدہ اور تیز ٹرکس کرنے کی مہارت سے کھیل دلچسپ اور چیلنجنگ بن جاتا ہے۔
یہ بھی پڑھیں: رنگ شناس طوطے نے گنیز ورلڈ ریکارڈ اپنے نام کرلیا
کینڈاما صرف تفریح کا کھلونا نہیں بلکہ ہاتھ اور آنکھ کے توازن، ریفلیکس، صبر اور فوکس کو بہتر بنانے میں بھی مددگار ہے۔ دنیا بھر میں اس کے کھیل اور مقابلے منعقد ہوتے ہیں اور کئی نوجوان اس کے ذریعے گنیز ورلڈ ریکارڈ بھی قائم کر چکے ہیں۔
11 سالہ کالب ہنٹر نے 30 سیکنڈ میں 51 گردشیں مکمل کر کے عالمی ریکارڈ بنایا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکی لڑکا تفریح اور کھیل کالب ہنٹر کھلونے اور کھیل کینڈاما ٹائے گنیز ورلڈ ریکارڈ ہنز مند بچے وائرل
ذریعہ
ذریعہ: WE News
کلیدی لفظ: امریکی لڑکا تفریح اور کھیل کالب ہنٹر کینڈاما ٹائے گنیز ورلڈ ریکارڈ ہنز مند بچے وائرل گنیز ورلڈ ریکارڈ کالب ہنٹر
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار